Espainiako Gobernuak lege proiektu bihurtu du hezkuntza erreforma. Jose Ignacio Wert ministroaren plana aurreko astean zen ministroen kontseilutik igarotzekoa, baina, gobernuan bertan desadostasun batzuk eragin zituenez, gaur arte atzeratu dute onarpena. Finean, Wertek eman dituen azalpenetatik uler daiteke aparteko berrikuntzarik ez dagoela aurrez iragarria zutenetik. Protesta handiak izan dira kalean erreformaren aurka, baina PPren gobernuak berretsi du aurrera jarraituko duela. "Gure esku dagoena egingo dugu akordioa lortzeko, baina proiektuaren oinarrien nortasuna galdu gabe".

Rafa Diez, langileen mugimenduan egindako lanarengatik ezaguna bada ere, Euskal Herriko politikagintzan pisu handikoa izan da: Zenbait garaitan diputatu, Gazteizko eta Madrileko parlamentuetan; gainera, Gobernuaren eta ETAren arteko negoziaketetan parte hartu du. Ezker abertzalearen baitan ireki den hausnarketa eta bide politiko berriaren bultzatzaile nagusietakoa, preso dago orain. Hain zuzen ere, Konstituzionalak erabakiko du hori ondorengo asteetan, duela egun batzuek babes helegitea tramitera onartu baitzuen. Diezen ustez, atxiloketa eta kartzelaratzeekin bide berria oztopatu nahi zuten; baina, ez dute lortu, Arnaldo Otegik dioen bezala, “transatlantikoa biratzeko” eta aro berria sustatzeko garaia da.

1976an Anparo Arangoaren gorputz ubeldua munduko bazter guztietan ikusi ahal izan zen. Euskal Herrian berehala zabaldu ziren Zeruko Argian argitaraturiko irudiak, tortura bazela erakusten baitzuten. Senideek eta argazkiaren egileek lehen aldiz xehetasun osoz kontatu dute bizitakoa. Arangoaren kasuak, gainerakoak bezala, sufrimendua areagotzen duten bi ezaugarri ditu: zigorgabetasuna eta ordainik eza.