Joan den urtean Zuberoari agur erran ondoren, 14. edizioarentzat, Euskal Herria Zuzenean festibala Baxenabarrera itzultzen da. Uztailaren 3, 4 eta 5ean, musikazaleek egitarau aberats batez gozatzeko parada ukanen dute. Euskal taldeak ere ez dira faltako...
Patxitraperok Google erabiliz egindako azterketa zientifikoa. Menopausiaz asko hitz egiten da baina oso gutxi andropausiaz, eta badirudi egoera latzagoa izaten dela gizonezkoentzat.
Larunbatean hasiko da Frantziako Tourra, txirrindularitza denboraldiko ekitaldirik garrantzitsuena eta hori dela eta, Tropela Elkarteak www.tropela.net webgunean antolatzen duen lehiaketan parte hartzera gonbidatzen zaitu. Euskaraz, zure ingurukoekin, Tourraz gehiago gozatzeko aukera eskaintzen du, parte hartzea doakoa da eta sari itzelak daude. 10.000 kideko Tropela osatzeko zuen laguntza behar dugu. Animatu!
Azken egunotan 8 arkume hil ditu hartzak Santa Graziko mendi-larreetan. EITBko bideo honetan herriko abeltzain den Ambroise Burguburuk ematen ditu zenbait xehetasun, besteak beste, orain dela 43 urte gertaturikoa kontatuz.
Ben Schneider enpresa kudeaketan adituak erresilientziari buruz hitz egin du Bilbon. Zer arraio da erresilientzia enpresetan? Bada, fisika mundutik dator terminoa, psikologian sarri erabiltzen da eta erakunde edo enpresa antolaketa munduan, egokitze gaitasunari aplikatzen zaio. Ezinbestekoa aldaketa eta krisialdi garaietan .
ETB3k eta Nick Dut Nik saioa ekoizten duen Factoria Crossmediak esperimentu bitxia egingo dugu gaur: saioak dirauen bitartean, telebistan zuzenean ikusiko dira ikusleek Twitter bidez igortzen dituzten mezuak.
2014ra arte ez gara krisitik irtengo, Mondragon Taldeko presidentearen ustez. Behin zulotik aterata, ez gara lehengo egoerara bueltatuko berriz, eta %20 pobreagoak izango gara. Hala adierazi du Errioxako konferentzia baten Jose Mari Aldekoa Mondragon Taldeko presidenteak.
Aste honetan jardunaldiak dira Donostiako Artelekun, gai honen inguruan: Artea eta konplexutasunaren zientziak. Alegia, zientziak oro har, informatikak, zibernetikak, matematikak eta antzeko diziplinek artean duten eraginaz hausnarketa. Programan, sei hitzaldi ireki 17.00etan eta 19.00etan, lehenak gaur, baina baita bihar eta etzi ere. Bihar hizlari, Espainiako aldeko gaur egungo blogari interesgarrienetako bat, J.J. Merelo Granadako unibertsitatekoa.
Firefox zaleok, prestatu zuen nabigatzailea eguneraketa egiteko. Firefox 3.5 bertsioa hemen dago, eta gaur da deskarga errekorra egiteko eguna. Aurretik 3.x bertsioren bat baldin baduzu, automatikoki eguneratuko zaizu. Bestela, joan helbide horretara eta deskargatu azken bertsioa. Euskaraz. Nola bestela?
Jada sarean gara, luzarorako geratzeko asmoarekin gainera. Euskalbirusa.org-ek komunikazio tresna bat izan nahi du, ermuar eta mallabitarrontzat, gurean gertatzen direnetaz jarduteko.
.EUS domeinua, Euskara eta Euskal Kulturaren Komunitatearen domeinua izango da. Horretarako, ziurtatu ezin den arren, PuntuEus Elkarteak gaur eskainitako prentsaurrekoan ICANN-en aurrean egin beharreko eskaera 2010eko martxoan aurkeztea espero duela adierazi du. Gaurdaino 25.000 atxikimendu inguru bildu ditu proiektuak eta dagoeneko 30 elkartek osatzen dute PuntuEUS elkartea. Erakutsi zure babesa .
Zenbait hedabidek aurreratu dutenez gaur, Europako Batasuneko Estrasburgoko auzitegiak berretsi egin du Batasunaren legez kanporatzea. Europako Giza Eskubideen ituna urratzeagatik errekurtsoa aurkeztu zuen Batasunak Estrasburgo, Espainiako Auzitegi Gorenak eta Auzitegi Konstituzionalak erabakitako Alderdien Legearen araberako legez kanporatzeengatik.
Epailearen aurreko deklarazioek, batetik, eta iritzi-artikulu, txosten berri, hitzaldi eta abarrek, bestetik, aktualitatera ekarriko dute Iruņa-Veleiako auzia hurrengo egunetan.
Europa osoan hedatzen ari den plana da: lanetik irten, Eivissara hegazkina hartu, diskoteka eta hondartzaz gozatu eta gaupasan etxera itzuli. Joan-etorriko hegaldia 40 eurotan eros daiteke eta el Golfo izena jarri diote.
Eusko Jaurlaritzak urtero antolatzen ditu Migel Altzo sariak. 2008an zehar argitaratuak izan diren ikus-entzunezko ikasmaterial onenaren saria jaso du PUNPALAPLAN DVD-ak audio onenaren atalean.
Uztailaren 6an eta 7an EHUko uda ikastaro bat izango da Bilbon, BBK etxean, Bilboko alde zaharrean. Bi lekzio eta erdi komunikazioaz: Zer dezake eta zer ez dezake komunikazioak? Zer da komunikazioa "behar bezala" erabiltzea? Zer arrisku eta aukera dakartzate, komunikazioaren ikuspegitik, teknologia berriek? Irakasleak izango dira Joxerra Garzia Garmendia (EHU, Ikus-entzunezko Komunikazioa eta Publizitate Saila), Iņigo Fernandez Ostolaza (Publis publizitate agentzia, Bezeroen Arretarako burua), eta Joseba Kamio (Harman Komunikazio enpresako zuzendaria). Izena emateko epea uztailaren 3a arte.
Datorren asteazkena, uztailak 1, nazioarteko Moonwalk eguna
izendatu dute, Michael Jacksonen omenez.Moonwalk edo ilargiko ibilera da bere ekarpen koreografiko ezagunenetakoa. Trukoa bideo honetan azaltzen du irakasle batek.
Hezkuntza sailburuak prometitu duen A ereduaren erreforma notizia zaharra da: orain dela 10 urte EA-ko sailburuak esperimentatu zuen gauza bera eta Celaá andreak galdera parlamentario bat luzatu zion Oliveriri horri buruz.
RSS jarioak: 
