Artikuluak
Esistitzen ez den euskal autobide bat mapan
Luistxo Fernandez ¦ Tagzania ¦ 2008-05-09 ¦ 11:01 ¦ Copyleft
Teleatlas etxeak daukan kartografia digitaletan, Maltzaga-Urbina edo Eibar-Gasteiz autopista (AP-1 autobidea) egina dago eta martxan. Anekdota baino zertxobait gehiago da kontua, ibilbide kalkulu automatikoetan erabiltzen delako: Teleatlasen datuekin dabiltzan GPS berrienak, oker bideratuko zaituzte autoan bazoaz Arrasatetik aurrera.
Guztia irakurri ¦ Erantzun bat
Txentxo, Txentxo, non zaude Txentxo?
Sustatu ¦ 2008-05-09 ¦ 09:06 ¦ Politika
Txentxo Jimenez Nafarroa Baiko legebiltzarkidea (Aralarkoa) Himalayan dago oporretan eta horregatik ez du aurrera egin Euskararen Legearen aldaketa, eremu mistoa hedatzeko udalerri batzuetan. Beste aukera bat egongo omen da, diotenez, baina bitartean, umorez hartu dute batzuek Interneten bederen.
Guztia irakurri ¦ 5 erantzun
Estandar irekien aldeko ekimen europarra
Sustatu ¦ Da! ¦ 2008-05-09 ¦ 07:15 ¦ Informatika
Open Parliament edo Parlamentu Irekiaren (informatikoki irekiak, alegia) aldeko sinadurak biltzeko ekimena dago martxan Europa mailan. Azken finean Europar Parlamentuan formatu irekien erabilera, estandarren erabilera eta beste sektore batzuetan ematen den bateragarritasuna bultzatzea nahi da sinadura bilketa honen bitartez.
Estandar irekien aldeko ekimen europarra ¦ 2 erantzun
Bikain, Euskararen Kalitate Ziurtagiria abian
Hizkuntza Politikarako Sailburuordetza ¦ Hizkuntza Politikarako Sailburuordetza ¦ 2008-05-08 ¦ 14:43 ¦ Hizkuntza
45 erakundek eskatu dute Bikain Ebaluazioa 2008an eta 120 lagunek hartu dute parte Bikain Ebaluatzaile izateko prestakuntza-saioetan. Eusko Jaurlaritzak eta BIKAIN kudeaketa organoek zituzten aurreikuspenak bete eta gainditu egin dira. BIKAIN kudeaketa organoetan -Artezkaritzako Kontseiluan eta Kudeaketa Batzorde Eragilean- Eusko Jaurlaritzak, Euskalitek, hiru foru aldundiek, EUDELek, EAEko enpresarien elkarteek eta Euskadiko Kooperatiben Konfederazioak parte hartzen dute.
Guztia irakurri
Wifi bidez konektaturik ikasgelan: bai ala ez?
Sustatu ¦ Da! ¦ 2008-05-08 ¦ 11:31 ¦ Irakaskuntza
Wi-fi konexioa eta ikasleak ordenagailuarekin unibertsitateko ikasgeletan. Ona ala txarra ote? Ikasle baten aburuz, "Wifi bandak aurrerapenak ekarri ditu baina hainbat klasetan irakasleak ez daki ezta zer egin atentzioa erakartzeko! Zenbat irabazten da Wifiarekin? Eta zenbat galdu? Irakaslea izango banintz ziur naiz ez nukeela ordenagailuak erabiltzen utziko."
Wifi bidez konektaturik ikasgelan: bai ala ez? ¦ 5 erantzun
Musika hil zen eguna
Gari Araolaza ¦ Teknosexua ¦ 2008-05-08 ¦ 09:16 ¦ Musika
Lehendik ere nahikoa argi ez bazegoen, MSN Music-etik musika erosi dutenek datorren irailetik aurrera ikasiko dute modu gordinean zer den DRM-a. The day the music died artikuluan oso ongi azaltzen du gaia Mark Pilgrim hackerrak.
Guztia irakurri
Herri Urrats 2008
Sustatu ¦ Da! ¦ 2008-05-08 ¦ 07:18 ¦ Hizkuntza
Ipar Euskal Herriko ikastolen egun nagusia, Herri Urrats, ospatuko da maiatzaren 11n Senpereko Aintziraren inguruan. Beste behin ere, kantuak, musikak eta dantzak preziatzeko parada izanen da euskararen aldeko elgarretaratze handi honetan.
Herri Urrats 2008 ¦ Komentatu
Irrika.net: gazteentzako bideo-lehiaketa
Irrika.net ¦ Elhuyar Fundazioa ¦ 2008-05-07 ¦ 14:07 ¦ Internet
Irrika.net web guneak gazteentzako bideo-lehiaketa bat jarri du abian. Lanak maiatzaren 31 baino lehen bidali beharko dira, eta irabazleak ordenagailu ultraeramangarri bat jasoko du.
Guztia irakurri
Soft librea erabiltzeko bideo-laguntza euskaraz
Sustatu ¦ 2008-05-07 ¦ 08:20 ¦ Informatika
Euskalgnuk informatika librearen zabalpenerako lan mardul bat jarri du sarean: GNU/Linux sistema eragilea nola erabiltzen den argitzen duten 18 bideo, gehienak Gnome mahaigainekoari buruz, eta baita programa zehatzei buruz.
Guztia irakurri
WWW berri baten lehen urratsak
Mari Karmen Menika ¦ UEU ¦ 2008-05-07 ¦ 07:57 ¦ Informatika
UEUren Ikastetxe Nagusian (Eibarren) WWW BERRI BATEN LEHEN URRATSAK ikastaroa egiteko aukera duzu Maiatzaren 16an (ostirala). Egun osoko saioa izango da.
RSS/RDF XML