BiscayTIK programaren Bizkaia.eu e-posta zerbitzuari kritika gordin bat

#1. Re: BiscayTIK programaren Bizkaia.eu e-posta zerbitzuari kritika gordin bat

koadri ¦ 2009-11-05 ¦ 15:34

Ba nik erabiltzen dut bizkaia.eu egunero nire enpresan beste webposta guztiak debekatuta ditugulako (garantiazkoak bakarrik daude baimenduak eta hau horietako bat da).
Ez naiz kasu bakarra, nire lagunek Facebook-en edo beste zerekin batzuetarako erabiltzen dituzte eta oso ondo doakigu.
Iritzi pertsonalak ez dira jeneralizatu behar. Dirua botazen duten administrazioak nahi baditu hor dauka Eusko Jaurlaritza bideo batzuk egiteko.

#2. Re: BiscayTIK programaren Bizkaia.eu e-posta zerbitzuari kritika gordin bat

Sustatu ¦ 2009-11-05 ¦ 18:18

Igual egia izango koadri delako anonimo honek dioena, baina mezu hau idazteko, bizkaia.eu helbidea barik, Gmail-ekoa erabili du.

#3. Re: BiscayTIK programaren Bizkaia.eu e-posta zerbitzuari kritika gordin bat

Mikel Liz. ¦ 2009-11-05 ¦ 23:24

#1 Koadri, Aitorrek bideoan egiten duen salaketa argia eta zentzuzkoa da. Hainbeste milioi euro xahutzea beharrezkoa ez den zerbait sortzeko erokeria da. Litekeena da ondo egotea, eposta bezala ondo ibiltzea, baina zeren trukean? Neurtuko al dugu zenbat kostatu den zerbitzu hori eta zenbatek darabilten? Bestalde, zuk egiten duzuna, Jaurlaritza aipatzearena... no comment. Egia oraingoek xahutuko dutela diru mordoa, baina nor egon da hor orain gutxi arte?

#4. Re: BiscayTIK programaren Bizkaia.eu e-posta zerbitzuari kritika gordin bat

Power ¦ 2009-11-07 ¦ 17:06

Nire uztez, Aitor Garciak arrazoia du, zerbitzu hau lekuz kanpo dago 2009an.

Eta ez du ezer berririk ezkeintzen gaur egun daukagun beste aukerekin konparatuz.

Hori bai, publizitatearen ideia oso ona eta zentzuzkoa iruditzen zait, azken finean gure atentzioa deitzea bait da bere helburua. Berak dio "que le importa una mierda" Pues hijo, no debe de importarte tan poco para que hayas hecho este video.

Agur!!

#5. Re: BiscayTIK programaren Bizkaia.eu e-posta zerbitzuari kritika gordin bat

xuriken ¦ 2009-11-08 ¦ 18:36

#2 Zilegi al da Sustatura bidalitako iruzkin batean ageri diren datu pribatuak (edo datu horien zati bat behintzat, erabilitako posta elektroniko zerbitzuari dagokiona) iruzkin batean argitara eman eta publiko egitea? Nik uste dut ezetz.

#6. Troll batekin jarduteko moduaz

Sustatu ¦ 2009-11-09 ¦ 10:12

Xurikeni:

1. Datu pribaturik ez dugu banatu.
2. Koadri troll bat da.
3. Troll batek Xuriken sinatzen badu zure identitatea maltzurki ordezkatuz, ez izan dudarik salatuko dugula. Trollak borrokatuko ditugu, eta erabiltzaileak babestuko ditugu, alegia.
4. Ez dakigu zein neurritan Aitor Garcia Rey Sustatuko erabiltzaile den edo izan den, baina Vimeoko salaketa hori aurpegia eta izen-deiturak emanez egin ditu. Troll anonimo horrek gezurrekin erantzun diola jakitea merezi zuela pentsatu dugu.

Lehengoan eman genuen argitara informazio bat, antzeko datuekin, e-posta bidezko Sustaturen harpidedunen artean zenbat erabiltzaile dauden zerbitzu bat edo bestea erabiltzen dutena. Berriro begiratu dugu datu hori: ez dago harpidetza bat bera ere Bizkaia.eu erabiltzen duenik.

#7. Re: BiscayTIK programaren Bizkaia.eu e-posta zerbitzuari kritika gordin bat

koadri ¦ 2009-11-09 ¦ 10:34

Hara! Sustatu dio troll bat naizela! Zergatik naiz troll bat? Iritzi desberdin bat dudalako? BiscayTIK-en alde nagoelako? Bideoaren autorea kritukatu dudalako? Esan arren zein den zuen arrazoia. xuriken-ek arrazoi osoa du datu pribatuak emateaz. Arrazoi garbi bat ematen ez badidazue edo eta post hau ezabatzen baduzue jai duzue nirekin aurrerantzean eta salatu egingo dut gainera zuen partzialtasuna.
Ez nuen hau espero Sustatu-tik.

#8. Troll troll

Sustatu ¦ 2009-11-09 ¦ 10:56

Troll bat zara, anonimoki gezurrekin erantzuten duzulako. Zure datu pribaturik ez dugu eman orain artean, baina ez tentatu gehiegi: trollekin ez da gupidarik izango, Sustaturengandik ez besterik espero.

Eta lasai zabaldu salaketa lau haizetara.

#9. Re: BiscayTIK programaren Bizkaia.eu e-posta zerbitzuari kritika gordin bat

xuriken ¦ 2009-11-09 ¦ 22:10

1- Aurreko iruzkinean esandakoa pentsatzen segitzen dut. Ez zait zilegi iruditzen pribatuak ei diren datuen parterik txikiena argitaratzea, txikikeria iruditu arren. Kasu honetan, gainera, eztabaida alde batera edo bestera bidera dezakeen datua da, eta zuzenean erabiltzaile horren izaerarekin lotua dago. Ez dakit ondo azaltzen ari naizen. Adibidez, nik abizen euskaldunen aldeko diskurtsoa botatzen badut hemen, eta abizen "gaztelarrak"-edo dituztenen aurka jotzen badut, anonimoki, Sustatuk argitaratu egingo ditu modu pribatuan nire epostaren helbidearekin jakinarazi dizkiodan nire abizen espainolak? ;)

2-Gezurra esaten duen ala ez epaitzeko ez daukat nahikoa frogarik. Dio "nik erabiltzen dut bizkaia.eu egunero nire enpresan beste webposta guztiak debekatuta ditugulako", baina ez du esaten une horretan erabiltzen ari denik edo lanpostutik idazten ari denik. Erabil dezake bizkaia.eu batzutan eta gmail.com bestetan.

3-Guztiz ados nago Aitorrek bideoan esaten duen guztiarekin, ez dezala inork pentsa beraz "Koadri"ren iritziarekin bat egiten dudanik.

4-Pozten naiz inor nire Sustatuko nortasuna bereganatzen saiatzen bada salatzen baduzue. Dena dela ez zait argi geratu "Koadri" delako honek beste norbaiten nortasuna bereganatu duen ala ez.

5- "Koadri"k ondokoa esaten duenean "Dirua botazen duten administrazioak nahi baditu hor dauka Eusko Jaurlaritza bideo batzuk egiteko", argi uzten du instituzio eta seguru aski alderdi jakin batekiko bere gertutasuna.

6-Bizkaia.eu ekimena guztiz surrealista eta alferrikakoa iruditzen zait bizi dugun garaian.

7-Ez dut uste ez "Koadri"rentzako ez beste inorentzako erabilgarria izango denik Bizkaia.eu helbide elektronikoa.

8-Beste arrazoi askorengatik iruditzen zait kritikagarria BiscayTIK programa eta hainbat instituzioek Microsoftekin izan ohi dituzten fereka ekonomikoak.

Amen.