Hotmail omen da euskal internauten posta erabiliena
Txosten baten arabera hamar internauta euskaldunetik 4k hotmail darabil. 759 pertsonako laginetik estrapolatu dute informazioa, eta guk Sustaturen e-posta bidezko harpidetuekin konparatu dugu: horien artean %10ak darabil Hotmail.
Test-mediak egindako proba bat da, online zerbitzu batekin harremanetan jartzeko erabilitako posta-hornitzaileen estatistika bat. Eta hortik estrapolatu dituzte datuak. Hemen ondorioak, espainolez:
Datu horiek estrapolatu eta hortik atera dituzte ondorioak batzuk zein besteek. Hauexek, hain zuzen:
- %37ak Hotmail darabil.
- %17ak Gmail.
- %14ak Yahoo.
Sustatuko e-mail bidezko harpidedunak 780 dira, eta horien artean konprobatu nahi izan dugu datu hauek ematen diren. Eta oso bestelakoak irtetzen zaizkigu datuak:
- %10ak Hotmail
- %9ak Gmail
- %8ak Euskalnet.net
- %5ak Yahoo
- %4ak ej-gv.es
- %3ak euskalerria.org
Baina lagin horiek ez dira, ez bata ez bestea, hitz egiten ari garen populazioarekiko (Euskadiko e-posta erabiltzaileak) behar bezalako adierazgarriak. Laginketari buruzko informazio arrunt pixka bat dago Hiru.com-en.
Erantzunak
Nik uste fidagarritasun gutxiko datuak direla guztiak. Zabaldau.com eta Sustatu.com webetan erregistratzen dena, normalean, sareko erabiltzaile ohikoa da. Hau da, informatikan nahiko jantzia edo.
Nik uste datu fidagarriagoak liratekeela Tuenti edota Facebook webetan eman daitezkeenak. Dena den, erabilitako lagina oso txikia da halako ondorioztatzeak ateratzeko.
Nik, esperientziaz, inguruan ditudanen %80tik gora hotmailen erabiltzaile dela esan dezaket, ni barne nahiz eta gmail eta yahoo zerbitzuak ere erabili.
Kasu pertsonal bezala komentatuko dut, ziuraski zuetariko askok bezala, hainbat posta hornitzailetan ditudala kontuak, eta beharren edo webgunearen arabera aukeratzen dudala zein erabili: hotmail, gmail, bizkaia.eu, ikasle.ehu.es, ...
Ziur nago,diariolinux webguneak bere datuak argitaratuko balitu, ez dut uste hotmail erabilienetako izango zenik...
Eta ezer gutxirako balio duen beste estatistika bat : neskek gmail erabiltzen dute eta mutilek hotmail.
Pentsatzekoa zen gehiengoak hotmail erabiliko zuela, baina interesgarria da datuak jakitea. Dena dela, ez dakit erabilitako lagina nahikoa den, eta errealitatea isladatzen duen. Zuek esan bezala, Sustatuko datuak ezberdinak dira.
Zabaldu.com-en ere ezberdinak dira datuak. Hara:
- %33,4 hotmail
- %26,2 gmail
- %9,9 yahoo
- %4,1 euskalnet
- %2,8 euskalerria.org
Zein da guztietan fidagarriagoa? Webgune bakoitzak bere ezaugarriak dituela uste dut, eta datu gehiago kontuan hartu gabe ez da nahikoa..