Jarduna

Aurten LITERATURIAn bi liburu-denda zabalduko dira argitaletxeentzat: bat Verdes Atxirika eta bestea Lopez Mendizabal. Emeterio Verdes Atxirika editoreak Paulo Zamarripa, Barrensoro, Julene Azpeitia, Lauaxeta eta Xabier Lizardiren liburuak argitaratu zituen, besteak beste. Lauaxetaren "Bide barrijak" eta "Arrats beran" eta Xabier Lizardiren "Biotz-begietan" poema liburuen editorea izan zen, baita ere Orixeren zenbait itzulpenena ("Tormesko itsu-mutila" eta "Mireio").

Euskal Herrian ikasi, lan egin eta bizi nahi dutela aldarrikatu dute hogei bat gaztek Ajuria Enean egin duten ekimen baten bidez. Atzerrira bidali nahi dituztela salatu dute baina eurak Euskal Herriko kaleetan geratuko direla aldarrikatu dute.

Bilduk gobernatzen dituen udalak atez ateko hondakinen gaikako bilketa bortxaz ezartzen ari direla salatu du Eusko Legebiltzarrak gaur, EAJk, PPk eta PSE-EEk adostutako legez besteko proposamen baten bidez. Aldi berean, errauste plantaren alde agertu dira hiru alderdiak, Europak zabortegiak ixteko agintzen duela iritzita. Borja Semper PPk eledunak "zerrikeriatzat" jo du atez ateko sistema, eta gogoz txalotu du Gipuzkoako herrietan sortu den "matxinada". Hain zuzen ere, mugimendu horren buru jarri du Legazpi: "Haiek hartu dute atez ateko sistemaren inposizioari aurre egiteko mugimenduaren burua, eta herritarren parte hartzearen erakustaldi eder bat eskaini dute".

Lehiaren Euskal Agintaritzak ebatzi duenez, eta Leioako EHBilduk prozesuaren hasieratik esaten zuenez, Pinosoloko polikiroldegiko esleipenak irrugulartasunak izan zituen. Horrek ateak ireki dizkio udal dirutik atera eta bi enpresei (Arcain eta Aros) proiektuaren fakturak ordaintzeko bideratu ziren 1,6 milioi euroak berreskuratzeari, lehiaketan iruzurra egin zutelako. Lehiaren Agintaritzak, halaber, udalari aholkatu dio kalte ordainik ez ordaintzea edo, kasuaren arabera, enpresa urratzaileei kalte-ordain gisa emandako 2,5 milioi euro itzultzeko eska diezaiela. Horren aurka ere azaldu zen EHBildu.

Lorea Agirre, kazetaria eta antropologoa da, eta Euskaldunon Egunkarian eta Berrian lan egindakoa. Gaur egun HUHEZIko irakaslea da. Euskararen eta euskal kulturgintzaren inguruan asko galdetu du, asko pentsatu eta asko ikertu du. Gaur, Euskadi Irratian izan da, euskararen normalizaziori buruz solasean.

Urruti baina gertu. Edo hurbil baina urrun. Batzuetan elkar ukitzen dutela dirudi; besteetan, aldendu ez ezik, elkarri enbarazu egiten diotela ere bai. Twitter ez da berri-berria dagoeneko, eta ezta twitteratura terminoa ere —badira lau urte Chicagoko ikasle batzuk erabiltzen hasi zirela (twitterature), eta badira bi urte Frantziako Wikipedian agertu zela—. Twitterren, 140 karaktere eskasetan, literatur aletxoak egiteko joera areagotuz doa munduan. Facebook gainditu du sare sozial gisa Twiterrek, erabiltzaileen kopuruari erreparatuz gero: egun, 500 milioitik gora erabiltzaile dauzka. Sortzaileak, idazleak bereziki, jabetu dira tresna egokia dela euren presentzia soziala pil-pilean mantentzeko. Eta, batzuetan —gutxiagotan—, sorkuntza tresna moduan erabiltzeko ere bai.

Eusko Jaurlaritzako Segurtasun Sailak jakinarazi duenez, 26 urteko emakume bat hil dute gaur goizaldean Laudion (Araba). Amagoia Elezkano da hildakoa. Ertzaintzak 49 urteko gizonezko bat atxilotu du, hildakoaren bikotekidea. Ertzaintzak 05:30 aldera jaso du abisua, gizonezkoaren arrebak deituta. Zenbait iturriren arabera, gizonak berak ohartarazi zuen arreba. Laudioko Urumea kaleko 4. zenbakian gertatu da erasoa, eta Poliziak etxebizitzara joan direnerako hilik zen andrea. Labana batez egin diote eraso.

Ramon Etxezarreta, Patxi Baztarrika, Zigor Etxeburua, eta Jon Sarasua. Azken 30 urteotan euskararen inguruan ezagutu ditugun politikak eta euskalgintzatik egindako lana eztabaidagai. Hitzaldi osoa entzungai Hala Bedi Irratian.

MUko Humanitate eta Hezkuntza Zientzien Fakultatean euskaraz bizi gara. Jakina, gazteleraz eta ingelesez ere ematen dira eskolak, baina, hizkuntza ardatza euskara da. Euskaraz egiten dira bilerak eta tramite administratiboak, eta euskara hutsezkoa da ikasle-irakasle harremana. Baina, hala ere, gero eta gaztelera gehiago entzuten da bazterretan... Gazteleraz, batez ere, ikasleak jarduten dira.