Interneteko albistegia

Alua: ez da sex-shop baten izena

© cc-by-sa Sustatu ¦ 2010-06-02 ¦ 10:05 ¦ marketina

Norbaitek pentsa zezakeen beste zerbait zela, baina mendiko materiala saltzen duten denda bat da Alua izeneko hori. Gainera Facebook bidez saltzen omen dute. Argi dagoena da, euskaraz ez zekiela izena jarri zionak.

Argazkiak.org | Alua - euskaraz ez dakite hauek © cc-by-sa: garaolaza

Publizitatea

Euskaraz izen harrigarriak suertatzen diren besterik?

Batzuk aipatu genituen Kaikuren kanpaina hura dela eta... Gogoratzeagatik:

Irain jakiak, adibidez.

Argazkiak.org | Irain Distribuciones Alimentarias. © cc-by-sa: xa2

Pare Gabia etxeak zapatak saltzen ditu. Eta gainera pare bakoitzetik bakarra erakusten dute.

Besterik okurritzen?

Erantzunak

#1. Re: Alua: ez da sex-shop baten izena

Zirin ¦ 2010-06-02 ¦ 16:03

Donostian bada "simorra" izeneko denda bat, eta ez dute ongarririk saltzen. Etiketako erropa omen...

#2. Re: Alua: ez da sex-shop baten izena

Amona ¦ 2010-06-03 ¦ 17:31

Hernanitik gertu ba omen da "Polígono Irakurri" izeneko bat...

#3. Alfer akademiakoak ere ez daki

Jabi ¦ 2010-06-04 ¦ 23:36

Pontevedran bada Alfer izeneko akademia bat, seguraski Alberto Fernandez edo horrelako batek zuzendua. Horko ikasleek suspensoa seguru...

#4. Re: Alua: ez da sex-shop baten izena

Antton ¦ 2010-06-05 ¦ 10:12

Lesakan (Nafarroan) baditugu "IRAIN ESKOLAK"...
Baina ez du IRAIN = BURLAREKIN deus ikustekorik, ez.
Hemendik OMEN dator izena: IRATZE+GAIN > IRA(g)IN.

Ezkurra (Nafarroan), mendi baten izena: IRAKURRI-ERAKURRI...eta ez dut uste mendi hori alfabetatuta dagoenik.
(Baita ARANON ere -Nafarroan-, ERAKURRI).

Beraz, ondorio errazegirik ez atera.

(Eta zer esan AKETZA izenagaz, ei ?)

#5. Re: Alua: ez da sex-shop baten izena

Antton ¦ 2010-06-05 ¦ 10:20

ALUA - ALUXKA - ALUKERIA

-Mutiko alu batek !.

-Alukeri galanta gertatu zaigu. Alukeritan aritzeko gogoa !.

-Zapata alu hauek !. Harrika botako ditut bada !.

#6. Re: Alua: ez da sex-shop baten izena

mik ¦ 2010-06-07 ¦ 10:12

Exajeratua izan ala ez, lagun batek kontatua da:
"Pon una bicicleta entre tus piernas" kanpaina osasungarria jarri omen zuten martxan bere eskualdean, bertako osasun-arduradunek eta politikariek.
Arazoa etorri zen garai hartan EHko txirringa-enpresa handienak aluminiozko modelo berri guztiei, marka berriak euskaraz izan zitzakeen esanahiak bost axola edo zitzaizkiola, "ALU" izena jarri zienean.
Kanpainaren leloa euskaratu behar zela eta, herriko jendeak metonimiaz baliatzea erabaki zuenean hasi ziren benetako barre-algarak: "Heuk ere jarri al duk XXX bat hanken artean?".
Kanpaina bertan behera utzi omen zuten.
Dena dela, irribarreak ere ez dira amaitu, nonanhi ikusten baitira modelo horretako bizikletak oraindik ere.

Erantzun (klik zabaltzeko)