ETB3ko programazio berrian egunero 14 ordu marrazki bizidunekin

Gaurko 08.50ean hau zen ETBren eskaintza:

• ETB1: Isidoro


• ETB3: Doraemon


• ETB2: Egun On Euskadi

Esteketan, kate bakoitzaren programazioa. Ez dirudi ETB3ra marrazki bizidunak bideratzeak, ETB1eko marrazki karga jaitsi duenik.

Ez dut hain txarto ikusten ETB3k 14 orduz marrazki bizidunak ematea, baina horrek balio beharko luke ETB1 beste eduki batzuetan zentratzeko.

Umeok ez dugu jakingo zein ikusi, Isidoro edo Doraemon; eta kontu serioetaz arduratu behar duten nagusiak espainolez informatu beharko dira.

Hala ere, eta oker ez banago ETB1n gero eta marrazki bizidun gutxiago dago.



Eta orduoro Mr. Bean-en tokia betetzera etorri den Kerman mintzalaguna.

Lotsagarria ETBren eskaintza, gero eta lotsagarriagoa egia esateko.

Marrazki bizidunak? Beno, printzipioz ondo dago, horrela umeek euskarazko marrazkiak ikusiko lituzkete (beste kontu bat da egunean 14orduz), baina ematen dituzten marrazki bizidun batzuek 20 urte baino gehiago dituzte!!! Horrela lortu nahi dute umeen arreta? Euskarazko programaziora erakarri? Agian justu kontrakoa lortu nahi dute, behintzat ematen du...

Ibanek ezin du asmatu arrazoia zein ote den, eta asmatu, igual neuk ere ez dut asmatuko, baina hipotesi gisa botako nuke LTD-aren ezarpen definitiboa EAEn (Nafarroan jarraitzen dute ETBren bi katek analogikoki).

LTD-arekin gurasooi beste munstro batzuk sartu zaizkigu etxean: Disney Channel, FDF, Clan... Egun osoan umeentzako bazka, gazteleraz. Horiekin lehiatzeko, ez dut gaizki ikusten alternatiba euskaldun bat izatea ETB3n. Ume euskaldunek kontsumitzeko zerbait izan dezaten.

Nire ustez, horrek ekarri beharko luke ETB1 marrazkiez arintzea. Gaurko emandako kontra-programazio adibide hori, Isidoro eta Doraemon etb1 eta etb3n, ba ez da oso estetikoa. ETB3ko zuk diozun kalitatezko programazio hori ETB1era ekartzea polita izan zitekeen, agian.

Horrez gain, ez dut uste berez marrazki bizidunak gure kultura bultzatzeko elementu eraginkorrak ez direnik edo sormenerako balio ez dutenik. Nire ustez gure kultura globala da. Super-heroien komiki arrotzik gabe ez dago Zaldieroaren pertsonaia sorta ulertzerik. Gure kultura globala da, umeen kasuan nagusiki amerikarra eta japoniarra une honetan, esango nuke. Nik remix-ean sinesten dut. Go!azen Disney produktuen edo High School Musical-en bertsio euskaldun balekoa iruditzen zait. Agian subproduktu txatxu samarra da jatorrizko hori, baina material ona ere egon badago. Ghibli edo Pixar faktorien marrazki bizidun japoniar eta amerikarrak kalitate ikaragarrizko produktuak iruditzen zaizkit, gozamenerako eta sormenerako idealak. Nik euskaraz nahi ditut neure umeentzat.

Luis,

Nik " elementu eraginkorregia" jarri dudan lekuan zuk jarri duzu " elementu eraginkorrak". Beraz, aitor dezadan: eraginkorrak, ba bai, eraginkorrak badirelakoan nago. Eraginkorregiak... ez dakit ba. Sormena aipatzen nuenean, aldiz, bertan eta bertakoek egindako sormenaz niharduen eta bistan da ez dudala ondo azaldu. Eta jarri dut gizarte ereduan ez dutela laguntzen, baina zehatzagoa litzateke esatea kulturarako zen katea marrazkietarako moldatzeak ez duela gizarte ereduan laguntzen.

Aipatzen dudan kasuan pasatu dena, hala ere, izan da 14 ordu jarrita kendu direla beste 14 ordu. Eta nik gustuko nituen 14 orduak ziren, herri kulturari eskainitako ordu asko, landuta egindako orduak, "libre" eta zaindu egindako orduak. Nire gustukoak, esan dudan moduan eta gero eta audientzia handiagoa lortzeko modukoak, seguruen. Horiek ematen didate pena eta ez dakit izan den marrazki bizidunak jartzeko edo marrazki bizidunak merkeagoak direlako ordezkatu dituzten gainontzeko programak. Zuretzat LTDaren ezarpen definitiboa dena, niretzako euroak dira. Baina ez dakit, egia esan, zein den arrazoia. Eman dutena, "kate osatuagoa egitea", ez zait gustatu.

Goazen!, Kantari eta abarrekoak etor bitez, eta, ahal delako, ez kultura programak ordezkatzera.

ba nire ustez kontua askoz errezago da. Zuzendaritza honekin euskerak jai du.

Zer marrazki bizidunak botatzen dituzte etbn? Nere umeak argi du zeintzuk diran guapoagoak!!

Ondo dago umeei edukiak euskaraz esakintzea. Baina besteoi zer? Orain dela ez asko berribat agertu zen zionena etb1-ek lortzen zuela gaztetxoak begira izatea, baina nagusitu ahala, galdu egiten zirela ikusle fidel horiek.



Beraz, 14 marrazki bizidun, zertarako? Umeei euskaraz egiteko. Eta nagausitzen direnean, zer?



Ez dut etb1 ikusten, ezin dut. Mr Bean goirroto dut, pelota eta futbola ez zaizkit gustatzen, Goenkalekin aspertu nintzen. Zer gelditzen zait?



Eskerrak orain LTDarekin hainbat kate lokal euskaldun ikusten dudan, batzuk etb baino hobeak direla uste dut, nahiz eta mondeju jaiaz mintzatu! Duinagoak direla pentsatzen dut.



Betikoa, euskara umeekin eta txakurrekin berba egiteko. Zelako pena!

Lehendakari mutu, itsu, anosmiko eta gorra izateaz gainera, senik gabea eta akaso ikustezina ere omen duen EAE honetarako Iñaki Gabilondok bazekien zer jarri behar zuen, mesedea eskatu ziotenean: Diario Vaskoko langilerik trauskilenetako bat, botereari eragozpenik sortaraziko ez ziona.

Zer egin du zuzendari horrek albistegietan, esate baterako? Ordena nahastatu, logika hankaz gora jarri, albistegi batean 23 berri adibidez (noski, bakar batean sakontzeko astirik hartu gabe eta horietako asko eta asko alferrikakoak izanik), monigoteak eta monigoteak egun osoan, horietako batzuk lehen "Nafarroa" esaten zuten tokian orain "Nafarroako Foru Erkidego" diotela.

Gasteizen omen dagoen gobernu hori -aurrekoak bezala- ez da gai gauzak askoz hobeto egiteko. Urtebetea joan da eta...

begira!

Ikasbidea: xentimorik gastatu gabe lau kanal mantentzea oso-oso zaila da. Talentu handia beharko luke. Orduan, ez etorri orain euskaraz beste kanal bat dugula eta horrelakoak adieraziz, hori ere gezurra delako. Ganorazko kanalik ez dugu, tokian tokiko erdaldunek dutena ikusirik.

Horregatik ez dugu piztu ETB aspaldiko partez. Publizitatea sartzera animaturik zeundeteneok, beraz, niregatik aurreztu txoja hori.

Surio horri euskara arrotz izan eta, akaso, kate eta kalte ez ote dituen bereizten...

Astesantuko oporrak hastearekin batera iragarritako programazioak jarraitzen du orain, eskola-umeak ikastetxeetan daudela pentsa daitekeen orduetan, marrazki bizidunak ETB3n. Gaur 11.00etan Blue Dragon zegoen, adibidez.