Euskarazko data oker dago Interneteko web gune gehienetan

#1. Re: Euskarazko data oker dago Interneteko web gune gehienetan

Sustatu ¦ 2010-02-05 ¦ 10:20

Froga batzuk egin ditugu zenbaki desberdinak ageri zaizkigu:

• Googlen 2010eko
• Googlen 2010ko

Gainera 2010ko formulan beste hizkuntza batzuk azaltzen dira...

Konparaketa zuzenagoa egiteko, agian komeni da Elebila erabiltzea, zeinak murrizten duen bilaketa euskarazko emaitzetara, Microsoften bilaketetarako teknologia eta API-a erabiliz.

• Elebilan 2010eko
• Elebilan 2010ko

Askoz emaitza gutxiago ageri dira, baina data okerrak zuzenak baino gehiago daudela demostratzen du honek, Googlek baino modu argiagoan.

#2. Urteen deklinabidea euskaraz zuzen emateko kode informatikoa

Luistxo Fernandez ¦ 2010-02-05 ¦ 12:59

Duela 10 urte enpresa egitea otu zitzaigun lagun batzuei. Bat zen injinerua eta erabaki zuen software librearekin egin behar zela lan, eta software hori Python programazio lengoaia izango zela. EHUko irakasle batek, Iñaki Alegriak, utzi zigun Python liburu bat, eta informatikariak hura buruz ikasteaz gain, neuk pentsatu nuen apur bat programatzen ikasteak ez zidala kalte egingo. Jakina, hasieran ez zegoen ez bezerorik, ez enkargurik ez lanik, eta, beraz, benga, Python programatzera.

Eta sortu nuen lehen programa hura izan zen erikbai. Erik vikingoarekin zerikusirik ez, baizik eta urteen deklinabidean e-rik tartekatu behar den erabakitzen duen programa.

Hauxe da programa kodea. u aldagaia da urtea, eta dekli emaitza, urteari dagokion deklinabidea:

   if u % 1000==0:
     dekli='ko'
  elif u % 100==0:
     dekli='eko'
  elif u % 20==0:
     dekli='ko'
  elif u % 5==0:
     dekli='eko'
  else:
     dekli='ko'

Esplikazioa: Jarraian ageri diren urratsak hurrenkera horretan erabakitzen ditu programak. 5.en urratsera bakarrik iristen dira aurreko 4 urratsetan erabaki ez diren amaierak. Urratsak horrela ulertzen dira:

1. Urtea mila zenbakiarekin zehatz zatigarri bada, hau da, milakoa bada, -ko dagokio (2000ko maiatza, 3000ko azaroaren 12an...)
2. Ehunekin zehatz zatigarri bada, hau da, ehunekoa bada, -eko dagokio (2100eko urtarrilaren 1ean ospatuko dugu 22. mendeko lehen eguna, batzuek 22. mendea 2101eko lehen egunean hasiko dela pentsatu arren)
3. 20rekin zehatz zatigarria bada, hau da, 20, 40, 60 edo 80rekin amaitzen bada, -ko dagokio (1980ko abenduan)
4. 5ekin zehatz zatigarria bada, hau da, 5 edo 10, 30, 50, 70 edo 90ekin amaitzen bada urtea, -eko dagokio (1995eko, edo 2010eko udaberrian).
5. Beste kasu guztietan (2, 3, 4, 6, 7, 8 eta 9 amaierak), -ko amaiera tokatzen da. 2129ko Nafarroa Oinezen elkartuko gara...

Ez dakit zer gertatuko den 1000000. urtean, baina ordura arte, funtzionatu behar du.

#3. Re: Euskarazko data oker dago Interneteko web gune gehienetan

eneko ¦ 2010-02-05 ¦ 15:11

Luistxo zure programan zer gertatzen da 1arekin? Hau da ez da berdin 2001eko edo 2011ko edo 2021eko... eta horiek guztiak ez dira zure programa barnean sartzen ezta? Nola konpondu daiteke hori?

#4. Re: Urteen deklinabidea euskaraz zuzen emateko kode informatikoa

Luistxo ¦ 2010-02-05 ¦ 15:38

Arrazoia duzu, Eneko!!! Ufa!

Nire erantzunak ez du azaltzen zer gertatzen den 1-arekin. Baina hori da programa gaizki transkribatu dudalako, hasieran lerro pare bat falta zitzaizkion. Hauxe da programa zuzenduaren kode benetakoa, beraz: u aldagaia da urtea, eta dekli emaitza, urteari dagokion deklinabidea:

  if u % 20==1:
     dekli='ko'
  elif u % 1000==0:
     dekli='ko'
  elif u % 100==0:
     dekli='eko'
  elif u % 20==0:
     dekli='ko'
  elif u % 5==0:
     dekli='eko'
  else:
     dekli='ko'

Esplikazioa: Jarraian ageri diren urratsak hurrenkera horretan erabakitzen ditu programak. 6.en urratsera bakarrik iristen dira aurreko 5 urratsetan erabaki ez diren amaierak. Urratsak horrela ulertzen dira:

1. Urtea 20 zenbakiarekin zatituz gero, hondarra 1 bada, 01, 21, 41, 61 edo 81 da amaiera, eta -eko tokatzen da, hala nola 2001eko edo 2021eko maiatza.
2. Urtea mila zenbakiarekin zehatz zatigarri bada, hau da, milakoa bada, -ko dagokio (2000ko maiatza, 3000ko azaroaren 12an...)
3. Ehunekin zehatz zatigarri bada, hau da, ehunekoa bada, -eko dagokio (2100eko urtarrilaren 1ean ospatuko dugu 22. mendeko lehen eguna, batzuek 22. mendea 2101eko lehen egunean hasiko dela pentsatu arren)
4. 20rekin zehatz zatigarria bada, hau da, 20, 40, 60 edo 80rekin amaitzen bada, -ko dagokio (1980ko abenduan)
5. 5ekin zehatz zatigarria bada, hau da, 5 edo 10, 30, 50, 70 edo 90ekin amaitzen bada urtea, -eko dagokio (1995eko, edo 2010eko udaberrian).
6. Beste kasu guztietan (2, 3, 4, 6, 7, 8 eta 9 amaierak batetik, eta bestetik 11, 31, 51, 71 eta 91 amaierak), -ko amaiera tokatzen da. 2129ko edo 2131ko Nafarroa Oinezen elkartuko gara

Ez dakit zer gertatuko den 1000000. urtean, baina ordura arte, funtzionatu behar du, orain bai!. Datak zuzen programa hau erabiliz erakusten dituen webgune bat, Deporeibar.com

#5. Hobekuntzak

Gari Araolaza ¦ 2010-02-05 ¦ 15:50

Luistxok ez daki, baina urte guzti hauetan engainatuta izan dugu. Teknikariek programaren bertsio seguruago bat egin genuen geroago, eta hori da ordutik martxan dabilena. Aplikatu zen lehenengo webgunea Bagera.net izan zen, duela 9 bat urte, eta han jarraitzen du martxan:

  def erikbai(urtea):
    milakoa = urtea/1000
    ehunekoa = urtea%1000
    hamarrekoa = urtea%100
    banakoa = urtea%10

    # Ehunekoan bukatzen bada, baiezkoa da.
    if not hamarrekoa and not banakoa:
     return 1

    # 5-ean bukatzen bada, beti.
    if banakoa==5:
      return 1

    # 0-an bukatzen bada, hamarreko bakoitietan bakarrik
    if banakoa==0 and hamarrekoa%2==1:
      return 1

    # 1-ean bukatzen bada, hamarreko bikoitietan bakarrik
    if banakoa==1 and hamarrekoa%2==0:
      return 1

    # Beste kasu guztietan, ez da jarri behar
    return 0

#6. Re: Euskarazko data oker dago Interneteko web gune gehienetan

Pipo ¦ 2010-02-06 ¦ 01:02

Horri honek data ondo dauka

http://www2.elkarrekin.org/web/arranobe/apartados/apartado0/arranobe.htm

Escript-a hau da:

<script>
var mydate=new Date();
var year=mydate.getYear(); if (year < 1000) year+=1900;
var year10=mydate.getYear(); if (year10 < 1000) year10+=1900; if (year10>2009) year=year10+"e"; if (year10>2010) year=year10; if (year10>2014) year=year10+"e"; if (year10>2015) year=year10; if (year10>2020) year=year10+"e"; if (year10>2021) year=year10; if (year10>2024) year=year10+"e"; if (year10>2025) year=year10; if (year10>2029) year=year10+"e"; if (year10>2030) year=year10;
var day=mydate.getDay(); var month=mydate.getMonth();
var day31=mydate.getDate();
var daym=mydate.getDate(); if (day31<10) daym="0"+day31+"a"; if (day31>9) daym=day31+"a"; if (day31>10) daym=day31; if (day31>11) daym=day31+"a"; if (day31>30) daym=day31;
var dayarray=new Array("Igandea","Astelehena","Asteartea","Asteazkena","Osteguna","Ostirala","Larunbata");
var montharray=new Array("urtarrila","otsaila","martxoa","apirila","maiatza","ekaina","uztaila","abuztua","iraila","urria","azaroa","abendua");
</script>


<script> document.write("<font color='111111' face='Arial'>"+ dayarray[day] + ", " + year + "ko " + montharray[month] + "ren " + daym + "</font>"); </script>

eta 2030era arte balio du. Orduan gehienak jubilatuta 67 urterekin

Ondo izan

#7. Re: Euskarazko data oker dago Interneteko web gune gehienetan

Unai Fdz. de Betoño ¦ 2010-12-07 ¦ 17:15

Eta nola da posible Durangoko Azokako kartela gaizki egotea?

#8. Data oker Durangoko Azokan?

Sustatu ¦ 2010-12-09 ¦ 08:04

Unai: Lehiaketarako akaso gaizki jarri zuen kartela proposatu zuenak, baina Azokak horren gainean ekoiztutako kartel batzuetan, eta egindako iragarkietan, zuzen jarri zuten: 2010eko, eta ez 2010ko. Hala ere, beste toki batzuetan, hala nola webgunearen azalean, data okerrarekin erakutsi izan dute.

Oro har, ematen du euskaldunoi kostatu egiten zaigula zuzen ematea orduak, datak eta abarrak, zenbakien inguruko ortotipografia alegia.

#9. EGUTEGIAK EUSKARAZ BLOGETAN

Inaxio ¦ 2011-02-11 ¦ 20:10

Kaixo:
Blogean data euskaraz jartzeko balio izan dit goian aurkituriko kodea.Mila esker. Baina egutegirik euskaraz ez dut aurkitzen. Denak ingeleraz edo gaztelaniaz. Ba al dago euskaratzerik edo?
Aio