Eusko Legebiltzarreko errotulu berrietan, "Boceramaileak"
Eusko Legebiltzarrak ONCE erakundearekin akordio bat sinatu zuen abenduan eta, Legebiltzarreko taldeen bulegoetako identifikazio txartelak egiteko zeudenez, oraintsu aldatu dituzte errotuluak. Bozeramaileen batzordea, aurrerantzean, boceramaileena izango da.
Eguneratua, osteguna: Legebiltzarretik abisatu digutenez, kendu dituzte jada errotuluak; eta berriak enkargatu dituzte.
Argazkiak.org | Boceramaileen batzordea © cc-by-sa: sustatu
Itsuentzat, berdin, Braillez gauza bera jartzen baitu. Urrian Masai ikastaroan agertu genuen etxe bateko errotuluan bezalaxe, Braille bihurgailuekin konprobatu dugu, irudi handiari erreparatuta, Braillez ere C-rekin dagoela idatzia.
Joan den irailean, Eusko Legebiltzarreko agiri batean hinundaciones eta aprovar agertu zirenean, albiste izan zen kontua hainbat mediotan. Baita EITBn ere euskaraz.
Orduko oihartzun bera izango ote du honek?
Erantzunak
Kenduta dago dagoeneko zori(txarr)oneko kartela eta laster batean zuzenduta egongo da.
Edonola ere, eskerrik asko, ziri eta irri artean, akats nabarmen hau ikustarazteagatik. Hamaika begik bik baino gehiago eta azkarrago ikusten dute (ONCEkoen laguntza izanda ere)
/cache/Loraldia-Eskola_II_TOPAKETA_RRSS-POST_1_small_content.jpg)
Vocera-emaleak, batzuk ez dute zarata besterik egiten eta.