Itzuli orri nagusira Bidali hau

EITB barnean gora-beherak, kargugabetzeak eta oposaketak tarteko

© cc-by-sa  Sustatu ¦ 2009-10-19 ¦ 08:11 ¦ hedabideak

EITBko zuzendaritza kazetari plantilarekin izaten ari den jarrera auzitan jarri dute asteburuan azaldutako albisteek. Sustatuko kontu honen erantzunetan jakin genuen, ordezkapenak izan direla albistegietan, Otegi eta abarren atxiloketak tratatzeko moduagatik, eta baita Radio Euskadiko oposaketetan gorabeherak izan direla. Azken hori, 160 lagun bildu zituen larunbateko azterketa bat, baliogabetuta gelditu omen da.

Publizitatea

Berria eta Deia egunkariaren webguneetan azaldu izan dira informazio horiek:

Deiako artikuluak iradokitzen du oposaketako azterketen okerrak nahita eragindakoak izan zirela, inpugnazioa behartu eta prozesua baliogabetzeko asmoz. Susmo horren arrazoia litzateke prozesua aurreko zuzendaritzaren agintaldian hasi izana, eta oraingoak hori gogoko ez izatea.

Leioako kanpusean egindako probetara 143 kazetari zeuden deituta. Zenbait azterketa ziren egitekoak, baina Deiak dioenaren arabera, lehena bakarrik egin zuten, eta hartan ere datu susmagarriak tarteko: gako batekin identifikatu beharrean orria, izen-deiturak eta NAN zenbakia eman behar omen zen.

Deiak albistegietako kargu-gabetzeez ere informatu du asteburuan, eta guztia biribiltzeko, nola badirudien EITB gaizki uztea dela kontsigna, ETB2ko audientzia beherakadaz ere idatzi dute.

Erantzunak

#1. Re: EITB barnean gora-beherak, kargugabetzeak eta oposaketak tarteko

loveof74 ¦ 2009-10-20 ¦ 09:56

Txo, Deiakoa ere makal pasako zuen azterketan...Gurpel kasua???? Gurpegi esan nahi al zuen? Edo Gurpil???

#2. EITB

Gaztelu ¦ 2009-10-20 ¦ 10:48

Has gaitezen elkarrekin lanean!!!

Oraingoan bai erabat zapaltzen ari gaituztela. EITBn ere, ia garrantzitsuagoak dira munduko edozein bazterretako notiziak, gure herrikoak baina. Eta bestela ikusi besterik ez dago, zer tratamendu eman dieten lehengo asteko atxiloketei. Eta gogorrena da, jendeak uste duela, edo hala entzuten da behintzat kalean, kazeteriak direla horren errudun eta arduradun eta nik, zihur dakit, gizarajo hauek ere, eskuak lotuta dituztela. Zuzendaritzak erabaki zuela zenbat denbora eskeini zitzaiokeen gai honi. EITBko zenbait saileteko kazetarik, lana ondo burutu ahal izateko, beharrezko medioak eskatu zituztenean, ukatu egin zitzaizkiela. Beraz, has gaitzen denok elkarrekin lanean, bestela, gureak egin du. Gora gure EUSKAL HERRIA eta gure EUSKARA.

#3. Dimisioak izan omen dira ETBko albistegietako ardura postuetan

Sustatu ¦ 2009-10-20 ¦ 20:20

Deiak argitaratu du gaur ETBko albistegietako bi alorretako arduradunek dimisioa aurkeztu dutela. Baina albisteak ez du izenik edo detailerik ematen. Hala ere, Zuzeuko erantzun anonimo batean izenak ematen dira: dimititu dutenak Miren Josu Arrazola politikako arloburua eta Roberto Perez ekonomiakoa direla dio pertsona horrek, baina karguan jarraituko dutela ordezkoak izendatu arte.

Erantzun (klik zabaltzeko)

Publizitatea

 Nabigatu euskaraz