Interneteko albistegia

Garzonen frogen artean, Euskaltubeko Hitlerren memearen bideoa

© cc-by-sa Sustatu ¦ 2009-10-17 ¦ 10:05 ¦ politika

Ezker abertzalearen kontrako azken operazioan atxilotuetako batzuk espetxera bidali zituen atzo Baltasar Garzon Entzutegi Nazionaleko epaileak. Erabakia justifikatzeko autoan, hainbat teoria eta datu, "ETA-Batasunaren" konspirazio berrien nondik norakoak. Froga horien artean, abuztuan Euskaltuben bideo hau agertu izana:

Publizitatea

Hor behean duzue Garzonen autoa osorik. Delituak eta konspirazioak frogatzen dituzten hainbat zantzu zerrendatzen ditu, horietako bat, hemen esan duguna:

01.08.2009.- La página web www.euskaltube.com inserta un videomontaje sobre la película “LOS ÚLTIMOS DÍAS DE HITLER”, en la que se caricaturiza al Ministro del Interior, reconociendo que “no tenemos ni idea por dónde se mueve la ETA”.

Filmaren izena ez dakite Entzutegi Nazionalean. El hundimiento izan zen gaztelaniazko izenburua, Der Untergang jatorrizkoa alemanez. Filmaren pasarte zehatz hori Interneteko meme ezagun batean errepikatzen da, iseka egiteko honi edo hari. Sustatun ere kontatu genuen abuztuan.

Auto horretan oinarrituta, Garzonek espetxeratu bidali ditu Arnaldo Otegi, Rafa Diez, Sonia Jacinto, Arkaitz Rodriguez eta Miren Zabaleta; 11.000 euroko fidantza ezarri die libre uzteko Mañel Serra, Amaia Esnal eta Txelui Morenori; eta baldintzarik gabe aske utzi ditu Rufi Etxeberria eta Ainara Oiz. Etxeberria oraintsu arte espetxean egon da preso, behin-behinean. Aste honetako kontu hauengatik protesta egiteko, manifestazioa dago deituta gaur arratsalderako, Donostian.

Entzutegi Nazionaleko autoa

Erantzunak

#1. Garzonek Chiquito de la Calzada atxilotzeko agindu du

Jozulin ¦ 2009-10-17 ¦ 12:59

Eta Chiquito de la Calzada ere atxilotuko dute?

#2. ETBn destituzioak izan omen dira, dio Deiak

Sustatu ¦ 2009-10-17 ¦ 15:08

Deia.com-ek dio (Humberto Unzueta) bi editore (femeninoan) eta editore laguntzaile bat (femeninoan hau ere) kendu dituztela Teleberri eta Gaur Egun-etik. Aste honetako kasua nola tratatu den, hori omen da koxka, erreakzioetan kontrakoak nagusitu zirela bideoan.

Nor ote dira kargugabetuak? Ze bideo desegoki ote dira motiboa eta Eitb.com-en ote daude oraindik?

#3. Re: Garzonen frogen artean, Euskaltubeko Hitlerren memearen bideoa

Xabi Arregi ¦ 2009-10-17 ¦ 15:41

Kargugabetuak Marian Etxeberria eta Sonia Hernando izan litezke. Editore izendatu berria, Begoña Zubieta.

Editore lanetan esanekoak nahi dituzte, kriteriodunen gainetik.

Adi gaurko Radio Euskadiko oposaketetan gertatu denari ere.

#4. Re: Garzonen frogen artean, Euskaltubeko Hitlerren memearen bideoa

leire alonso ¦ 2009-10-17 ¦ 18:40

zer gertatu da ba Radio Euskadiko oposaketetan?

Atzo aurkezleak izan ziren, gaur editoreak... argi dago bakoitzak bere konfidantzazkoak nahi dituela, informazioa manipulatzeko barruan egotea beharrezkoa da.

Agian Eusko Alderdi Jeltzaleak orain arte gauzak ondo egin izan balitu, agian benetako kazetari onak edukiko lituzkete, bere lanarekin lortu dutenak beren postua, agian oposaketak egin izan balituzte, oraine z lukete zergatik ibili behar ikusten beren alderdikaren aldekoak nola kaleratzen dituzten.

Zergatik egin izan dira oposaketak hezkuntzan edo osasun arloan eta ez komunikazio alorrean?? berdin izan zaie Ibarretxeri, Urkulluri, Arzallusi... zeintzuk sendagile dauden jendeari arreta egiten, baina oso kontrolatuta izan dute beti informazioa nork eta nola ematen duen.

#5. Re: Garzonen frogen artean, Euskaltubeko Hitlerren memearen bideoa

Unai ¦ 2009-10-17 ¦ 19:59

Gaurko Berrian:

ETBk hiru lagun kargutik kendu ditu atxiloketen albistea eman ondoren

Ezker abertzalearen kontrako polizia operazioaren albistea eman ostean, kargu aldaketak izan dira Euskal Telebistako albistegietako arduradunen artean. Asteazkenean, eguerdiko albistegian eta gauekoan ezker abertzalearen kontrako polizia operazioaren ondorenak eragindakoak landu zituzten -astearte arratsaldean izan zen polizia operazioa, hamar lagun atxilotu zituzten-. BERRIAk jakin duenez, albiste horiek argitara eman ostean, Ane Miren Lizarralde eguerdiko albistegietako editorea eta Marian Etxeberria gaueko albistegietako editorea kargutik kendu zituzten. Ana Aizpirik hartuko du eguerdiko albistegien edizioaren ardura, Ane Miren Lizarraldaren tokian. Eta gauekoa, berriz, Begoña Zubietak hartuko du. Koedito-re lanetan Marisa Ozalla izango du laguntzaile. Aldaketa horiek astelehenetik aurrera jarriko dituzte indarrean.

#6. Re: ETBn destituzioak izan omen dira, dio Deiak

edonork ¦ 2009-10-18 ¦ 23:09

EITBn hasi dira igertzen PPSOEren aldaketak. Bertako langileentzat ez da egoera goxoa izango.

#7. Re: Garzonen frogen artean, Euskaltubeko Hitlerren memearen bideoa

Xabier Eskisabel ¦ 2009-10-19 ¦ 00:13

@leire: Suspenden la OPE de Radio Euskadi por graves irregularidades.

#8. Re: Garzonen frogen artean, Euskaltubeko Hitlerren memearen bideoa

xuriken ¦ 2009-10-19 ¦ 13:47

Afera hau albiste izan da hemen ez ezik Cybereuskadi blogean ere.

Jose Antonio del Moral blogari ezagunak hasieran idatzitako zenbait gauza zehaztu eta zuzendu egin ditu.

Erantzun (klik zabaltzeko)