Itzuli orri nagusira Bidali hau Inprimatu

Egin dezagun munduko mapa librea, gure herrietatik hasita

© cc-by-sa  Mikel Lizarralde - Tagzania ¦ 2009-09-16 ¦ 08:33 ¦ geografia

Gure diruarekin egindako mapa mordoa ditugu inguruan, B5M Gipuzkoan, eskualdeko errekurtso mapak, udaletxeenak eta abar. Gehienek ordea, guztiek ez esatearren, copyright-a daukate eta ezin ditugu era librean berrerabili. Erakunde publikoei gure datuak askatzeko eskatu diegu baina ezin gara beraien zain egon. Don't hate the media, become the media. Eta erantzun egokia OpenStreetMap da.

Euskal Herrian, lekuan lekuko erabiltzaile aktiboek lan handia egin badute ere (horra Errenteria , Gasteiz edota Eibarko mapak adibide moduan), urrun gaude Europako beste herrialde batzuekiko (ikusi Londres edota Hanburgo ).

Horregatik beharrezkoa da gurean OpenStreetMap ezagutzera eman eta bultzatzea. Helburu hori duten hainbat ekimen egingo dira hurrengo asteetan, adibidez:

• Irailak 28, Ordizian: Jakintza ikastolako ikasleekin arituko gara Tagzaniarrak OSM ezagutzera ematen eta herria mapeatzen.
• Urriak 2, Bilbon : tailerra Aprendices taldearen eskutik.
• Urriak 3, Andoainen : mapa festa Arraytxiki eta Tagzaniaren eskutik.

Tagzaniarrak mapa-jai gehiago antolatzen ari gara, besteak beste Irun eta Amorebieta-Etxanon . Zure herriko mapa librea egitea nahi baduzu edota OpenStreetMap proiektua hobeto ezagutu, jar zaitez gurekin kontaktuan .

ordizia_animazioa_500x500.gif 83KB (85498 byte)