Itxi egin dute Jaurlaritzak atzo irekitako "berrikuntzarako" webgunea
Eusko Jaurlaritzak itxi egin du atzo irekitako "berrikuntzarako" webgunea. Gure irakurleren bat konturatu da eguerdian www.gobiernodecambioeneuskadi.org webgunea ez zebilela, eta halaxe da, bai, itxi egin dute. Prentsa agentziaren bati baieztatu diote itxiera Jaurlaritzako iturrietatik.
Argazkiak.org | Gobiernodecambioeneuskadi.org © cc-by-sa: sustatu
Kritika latzak jaso zituen webguneak atzo sareratu eta berehala. Lehiaketa publikorik gabe, Jaurlaritzaren prozedurei muzin eginez, webgunea Patxi Lopez lehendakaritzara iritsi eta berehala ireki izana bitxi samarra suertatzen zen. Gaur goizean EAJk salatu du webgunearen irekiera legez kanpokoa izan dela.
Argazkiak.org | Eusko Jaurlaritza, ikono berdeak © cc-by-sa: herri.admin
Webguneaz gain, irudi korporatibo berria ere estreinatu zuen atzo Eusko Jaurlaritzak, bai Patxi Lopezek Ajuria Enean egindako agerpenean eta bai webgune horretan ikusten ziren logo eta irudietan. Iruditeria berri honen kontratazio eta prozedura ere webgunearena bezain bat-batekoa izan da, eta ez dakigu irudi hori ere auzitan ote dagoen.
Erantzunak
Ez dugu uste Euskalteleko zerbitzari horien aipuak logika asko duenik. Eusko Jaurlaritzaren web zerbitzuak ez daramatza Euskaltelek. EJIE enpresa publikoak daramatza, eta haien baldintza eta prozeduren arabera jartzen dira martxan webguneak haien zerbitzarietan.
Hori bai, EJIEn Ruby aplikazio bat ezartzea (hala omen zen webgunea, Aitzolek esan zigunez), Loveof74-k Euskaltel eta PHP bertsioekin egin duen txistea baino are zailagoa izango da.
Eusko Jaurlaritzak oharra banatu zuen atzo, esanez bere berezko webgunea Euskadi.net dela eta izango dela, eta beste hau esperimentala zela, eta ez zegoela diru publikoz ordaindua.
Oharra ez dugu euskaraz aurkitu, ezta Euskadi.net-en bertan, baina haren pasarte batzuk hemen.
Hau duk marka! antza denez Patxik bere blogean eta 2.0 kanpainan lagundu dion lan taldea ajuriaeneara eraman du, "internet office"-az arduratzera...estrenu bikaina!
portal bat behar duzula? nik badakit word pressa instalatzen
(bueno, kasu honetan, antza denez, Radiant, Mephisto, Rubricks edo beste ruby gaineko CMS edo blog herraminta)
saiakera ez zirudien txarra... software librea, partaidetza... baina honetan ari den edozein jakin beharko luke ez dagoela, komunikazioren aldetik, alderdia eta instituzioaren arteko halako elkar nahastea egiterik, eta erakunde publikoa izanik badela zenbait mugapen legal eta arau...
zeinena zen web-aren jabegoa?
lema elektoral bat webgune instituzional baten helbide?
...
eta klaro... "aibamimadre!"
...
gauza hauek "blogero" bati okurritzen zaizkio, ez dut uste komunikazioan serio jardun izanako inork egingo zukeenik
politika 2.0... argazkilariak vs. foteroak... kazetariak vs. blogeroak... eta inor "ofenditu" badut... hobe
ondo izan guztioi
/cache/Loraldia-Eskola_II_TOPAKETA_RRSS-POST_1_small_content.jpg)
Badirudi itxi egin dutela euskalteleko zerbitzarietara eramateko.