Irudi berria du Eusko Jaurlaritzak

#1. Re: Irudi berria du Eusko Jaurlaritzak

Urtzi Azkue ¦ 2009-05-13 ¦ 10:03

Koloreak identifikatzeko, hexadezimaletik edo RGBtik Pantonea zein den jakiteko herraminta bat dago, hemen.

Irudi batetik letra tipoa jakiteko beste bat ere bai:

http://new.myfonts.com/WhatTheFont/

#2. Re: Irudi berria du Eusko Jaurlaritzak

zaloa ¦ 2009-05-13 ¦ 10:30

Iruditzen zait 3 gezi edo tetris pieza hoiekin herritarron parte hartzea adierazi nahi izan dutela. Hau da, denok osatzen dugu Eusko jaurlaritza ("gezi" hoien direkzioagatik).
Bai, imaginazio askotxo botata!

Gainera armarria dagoen tokian dagoela huts egiten du esplikazio honek.

Grafikoki aztertuz gero...okerrago, nere ustez ez dago ondo landua. Pieza hoiek 4 balira ekilibratuko lukete logoaren pisua baina laugarren piezaren tokia armarriak osatzen du; beraz nere lehen teoria apurtzeaz gain logoa guztiz desekilibratzen da. Masa askoz arinagoa da eta armarriak jada ez dauka ezer esaterik, hortara ausartago izan eta kendu!

Azkenik esan logotipoek eboluzionatu behar dutela baina bere izaera poliki poliki eraldatu behar dute orain arteko "logo-historia" errespetatuz eta ez aurretik egin duen lan guztia zapuztuz.

#3. Re: Irudi berria du Eusko Jaurlaritzak

Goio Telletxea ¦ 2009-05-13 ¦ 12:33

Ba Zaloarekin ados nagoela esan beharko. Eta interpretazioak egiten hasita norabide bat badago... hortik aurrera zer esan nahi izan duten zail izango da... Eusko Jaurlaritzaruntz doala ziur.

Nik tipografia egoki ikusten dut, benetan. Urtzik jarri duen tresna ezagun hori bikaina da eta interesa duenarentzat beste hau ere badago.

Kolore konbinaketa ez da oso atsegin egiten, baina bere zentzua eduki lezakeela onartu beharko nuke. Berdea konstante bat da, txuria bakea (topiko bat) eta okre (edo urre kolore izan daitekeen) solemnitate puntu bat emateko egon litezke hor? Interpretazio irekiak, beti bezala.

Pisu bisual aldetik, Zaloak dioena... agian ezkerreruntz eskoratzen da.

Logoek eboluzio bat behar dute identitatearekin bat egiten bada eta ez bada aurreko izaeraz erabat hautsi nahi. Horretan ere arrazoi du Zaloak. Hemen badira honen hainbat adibide.

Ajuria Eneako logoak ere atentzioa deitzen du. Sinpletasuna, gardena, bisualki interpretatzeko erraza. Agian irekiera filosofiarekin bat (ate irekiak) instituzioaren gertutasun bat, erraz egin daitekeena erakutsi nahiko du. Agian gutxien komentzitzen nauena "m" itxura horrek duen pisua. "m" bat bezala interpretatu daiteke ta, uhm! ez dakit ba. Bestela garbia da.

#4. Re: Irudi berria du Eusko Jaurlaritzak

Mikel ¦ 2009-05-13 ¦ 13:45

Beste interpretazio bat ere badu Ajuria Eneko logoak. E bat da, guztiz makurtuta. Nor makurtu den da kontua...

#5. Re: Irudi berria du Eusko Jaurlaritzak

Joxe Aranzabal ¦ 2009-05-13 ¦ 14:43

Argi ikusten da Patxi Lopezen taldeak estetika berria ezarri nahi duela Eusko Jaurlaritzan, bistaratzeko aldaketa benetakoa dela. Horixe egin zuen Gernikan (txistua barik, txirula erabili zuen han; dantzaria ere gerriko gorri barik agertu zen), eta horixe egiten ari da orain, ezaugarri korporatiboak birdiseinatuta, tartean tipografia. Azken horri dagokionez, zuek erakutsitako adibide biak ditut gustuko, lehengoa eta oraingoa.

Oro har, ontzat ematen dut sozialisten ahalegina Eusko Jaurlaritzaren irudi korporatiboa berritzeko, gauzak kontu handiz egiten ari baitira, sentiberatasunez. Beste kontu bat da ez ditudala bat ere gustuko irudi horri atxiki nahi dizkioten beste elementu batzuk: armada, polizia, goardia zibila, etab.

#6. Tetrisa

Goio A. ¦ 2009-05-13 ¦ 15:45

Lehenengo kolpean ikurrinaren antza hartzen diot nik, bai erdian sortzen den gurutze zuriarekin eta baita izkinetan jarri dituzten formekin osatzen diren angeluekin.

Garbi ikus daiteke Jaurlaritzaren logo berriarekin, batetik, modernitatearen eta, bestetik, hiru herrialdeen kontzeptua azpimarratu nahi izan dituztela (tetris estilora, izkinetako hiru elementu geometrikoak horiek batuta laster ETBn ikusiko den maparen aurrerapena izango ote da?).

Aukeratutako letratipoa gustuko dut. Koloreak, aldiz, ez ditut hain aproposak ikusten, hotzegiak eta nortasun gabekoak direla iruditzen zait.

#7. Re: Irudi berria du Eusko Jaurlaritzak

Iñigo Fdez Ostolaza ¦ 2009-05-14 ¦ 09:38

Komunikazioaren ikuspegitik:

• Iritsi bezain pronto Ajuria Enearen irudia aldatzea erabaki oso egokia iruditzen zait beren intereserako.

Harritzen nauena da hemen inork esan ez izana:

. Marka horrek -kasu honetan anagramak, zehazkiago esanda- antza handiegia duela oso gertu dugun beste honekin

. Eta batez ere, askoz sakonago, aipatu ere egin gabe Nafarroa "armarritik" kendu dutela (Basagoitik eskatu zuen bezala).

• Erabaki ona iruditzen zait baita ere Ajuria Enearen markak eta Eusko Jaurlaritzarenak homogeneotasun grafikoa izatea.
• Baina webgune "ofizial" bati "gobierno de cambio en euskadi" deitzea?... Hori ez da izen deskribatzaile, denotatibo hutsa.

#8. Jaurlaritzaren ezkutua aldatu?

Luistxo Fernandez ¦ 2009-05-14 ¦ 10:23

Arrazoi duzu, Iñigo, Ajuria Eneko M delako horrek traza duela Euskararen Etxearen logoarena.

Baina ez da egia Nafarroa armarritik kendu dutela... Kendua zegoen. Hutsunea agertu izan da orain arteko ezkutu ofizialetan, gorriz bertsio koloretuan, eta marratua bi koloretara murriztutakoan.

Argazkiak.org | Eusko Jaurlaritzaren ezkutua © cc-by-sa: herri.admin

Uste dut Basagoitik eskatzen duena areago doala: ezkutuaren lau zatiak, hiru zati bihurtzea. Eta hori oraingoz ez dute egin, ikusi gorago, ezkutuan Nafarroaren hutsunea dago, lehen bezalatsu. Eta egiterik izango duten ere...

Irudi aldaketaren justifikazioetan ez naiz sartuko, baina zalantza dut ea irudi berri honekin ez ote den gertatuko webgune horrekin bezala. Webgune baten bat-bateko ezarpena, arauen gainetik, zalantzazko jokaldia zen. Eta Jaurlaritzaren irudi korporatiboaren berrikuntza antzeko kontua iruditzen zait niri. Nork egin du? Nork onartua eta ordaindua? Arauen barruan posible izan da hau? Ikusiko dugun zer gertatzen den iruditeria berde-marroi honekin.

#9. Re: Irudi berria du Eusko Jaurlaritzak

Iñigo Fdez Ostolaza ¦ 2009-05-14 ¦ 11:08

Bai, bai, hor dago armarria, ia lehen bezala. Baina zer da ikusten duzuna?

Nafarroa "armarritik" kendu dutela idatzi dut, "armarri" hitza kakotsen artean jarrita, bistatik kendu dutela adierazteko.

Armarria bera aldatzea ez da ahuntzaren gau erdiko eztula. Erabaki askoz azkarragoa da (hitzaren bi zentzutan) marka berri batekin agertzea, bertan armarriari presentzia oso txikia emanez eta, modu nabarmenagoan, alusioa hiru lurraldeei soilik eginez.

Hor atzean erabaki bat dago, nire ustez, nabarmen. (Erdi bideko erabakia seguru asko: mundu sibolikoan eragiteko, Basagoiti lasaituz, saltsa handitan sartu gabe). Eta ez nion inori horri buruzko iruzkinik irakurri.

#10. Re: Irudi berria du Eusko Jaurlaritzak

txokotikargi ¦ 2009-05-14 ¦ 11:23

Iñigo,

Nafarroaren armarria aspaldian (1986?) kendu zen, konstituzionalak aginduta.

(erreferentzia wikipedian topatua)

#11. Re: Irudi berria du Eusko Jaurlaritzak

txokotikargi ¦ 2009-05-14 ¦ 12:39

Luistxo, Iñigo,

barkatu, ez dut ikusi aurrez Luistxorekin azaldua zenutela Nafarroako armarriarena... eta hortaz Iñigo ez zala horretaz ari...

hurrengon den-dena irakurriko dut!

#12. Re: Irudi berria du Eusko Jaurlaritzak

Asier ¦ 2009-05-18 ¦ 19:40

"azkar" hitzak badu Nafarroan hirugarren adiera bat: indartsu.

Beraz, aldaketak hiru esanahietan ari dira gertatzen. Ze indartsu, ze indartsu...