Teknologia albisteak

Eusko Legebiltzarraren osaketa D3Mren legez kanporatzeak baldintzatu du

Sustatu

2009-03-02 : 10:03

Horra Legebiltzarraren osaketa ofiziala izango dena, lehen grafikoan duzue. D3Mren botoak zenbatu izan balira lortuko zena, bigarrenean, hauteskunde kalkulagailu bikoitza erabilita.

Google Chart

Eguneraketa, martxoak 6: Goiko koadro horiek erakusten dute hauteskunde gaueko emaitza probisionalen osaketa. Atzerritik etorritako botoekin aldatu egin zen Legebiltzarraren osaketa, EAk 1 galduta eta PSEk irabazita. Honela:

Eguneraketa, martxoak 6: D3Mren proiekzioa ez da aldatzen emaitza definitiboekin. Jarrain datorren testua hauteskunde biharamunekoa da, orduko datu probisionalekin idatzia.

Horra eserlekuen banaketak hiru probintzietan. Taula hauetan agertzen diren D3Mren boto baliogabeak ez dira atzoko boto baliogabe guztiak; hiru tauletan kendu egin dira 2005eko boto baliogabeen kopuruak: baliogabe teknikoak nolabait esatearren, eta halamoduzko hurbilpen batean kalkulatzearren.

Emaitzak guztira testuz emanda, ofizialak: EAJ, 30; EA 2; PSE-EE 24; UPyD 1; PP 13; EB 1; Aralar 4.

Eta D3Mren botoak kontuan hartu izan balira: EAJ 28; EA 1; PSE-EE 23; UPyD 1; PP 11; D3M 7; Aralar 4.

Hemendik aurrera, ikusi beharko. Bart gaueko Sustaturen zuzeneko jarraipenean, inkesta plazaratu genuen irakurleen artean, eta hauxe izan zen emaitza:

Argazkiak.org | Sustatun inkesta hauteskunde gauean © cc-by-sa: sustatu

Atzoko irakurleen artean, gehienek uste dute ez Ibarretxe ez Patxi Lopez ez dela izango lehendakaria, EAJko beste bat baizik.

Erantzunak

metaltrainer

2009-03-02 : 10:57

Zorionak Sustaturi hauteskunde gauean egindako lanagatik. Gustora egon ginen telebista eta pantailari begira!

eneko

2009-03-02 : 11:29

Zorionak bai Sustaturi kanpoan geundenok telebista ikusteko aukera gutxi (gutxiegi akaso?) izan genuelako eta pantailak argitu zigulako pixka bat gaua. internet zaleon artean eztabaida piztu beharko luke Jaurlaritzak prestatutako webguneen kaxkarra, datuak berandu, tarteka eta desagertuz eman zituzten elecciones.net eta hauteskundeak.net-en. lotsagarria 2009an.

bordaberria

2009-03-02 : 13:21

Lotsagarria EITBko datuen azalpenak, DM3koetaz datu bat ere ez nahiz eta 100.000 mila baino gehiago izan. Atzo askok ohera joan ginen ezer jakin barik.

Eskerrak Sustaturi.

Gaur bai dela erreflexio eguna!

Sustatu

2009-03-02 : 17:11

Galder Gonzalezek beste simulazio bat egiteko erabili du Sustatuko kalkulagailua: 75 eserlekuko barruti bakarra izan balitz, batez ere Arabako botoak indartzen dituen sistema hori egongo ez balitz...