Greba Orokorraren jarraipena sarean

Goizaldetik argazkiak ari dira argitaratzen, adibidez. Telebista edo bideo kanal bat ere antolatu dute, eta egunean klipak eta zuzeneko emanaldiak emango dituzte, baina saio nagusia, 20.00etan izango da. Greba.euskalherria.info da jarraipenerako webgunea, eta Android telefono bat baduzu, aplikazio hau.

Erantzunak

#1. Grebarako eskubidea, lanerako eskubidea

Joseba L. ¦ 2010-06-29 ¦ 11:30

Greba eskubidea defendatzen dudan neurri berean defendatu nahi dut greba egin nahi ez duenaren lanerako eskubidea. Piketeak gora eta piketeak bera entzuten ari naiz goiz osoan, eta langileon oinarrizko eskubideen aurkako neurriak dira horiek. Nahi duenak egin dezala greba, baina lanean jarraitu nahi duenari utz diezaiotela lanean. Ezin da onartu langileen izenean langileen eskubideen hain urraketa nabarmena egitea, eta gainera, bortxa eta mehatxua erabiliz.

#2. Re: Greba Orokorraren jarraipena sarean

Sustatu ¦ 2010-06-29 ¦ 15:35

Goizez Donostian grabatu duten bideo hau ikustekoa da. Sindikatuek deitutako grebalariak kontzentratuta zeudela Bulebarrean, Goardia Zibilaren auto batzuk gerturatu dira Garibai kaletik eta Bulebarra baino lehentxoago gelditu dira. Txistukada eta oihu ugari jaso dituzte, eta halako batean atzera egin dute kotxeekin, atzerako martxan. Jendeak, orduan, Garibai kaletik aurrera egin du.

#3. Re: Greba Orokorraren jarraipena sarean

sapi ¦ 2010-06-29 ¦ 23:57

"Nahi duenak egin dezala greba, baina lanean jarraitu nahi duenari utz diezaiotela lanean. Ezin da onartu langileen izenean langileen eskubideen hain urraketa nabarmena egitea, eta gainera, bortxa eta mehatxua erabiliz."
Horixe Josebak dioena.
Ba nik kontrako irudia dut: Hemen bortxaz eta armak eskutan defendatzen dute kaputxadunek zuk diozun lan egiteko eskubide hori.
Mertzenario bat ere ez dut ikusi, bere langileak kaleratzeko mehatxua egin duen enpresario bat identifikatzen eta atxilotzen. Baietz lan egitera behartuta joan ez den lagun bakoitzeko 100 bere lanpostua galtzearen beldur joan. Pikete "informatibo"("lanera etortzen ez bazara, kalera zoazela informatzen dizut") horren kontrako neurriak nork hartuko ditu? Benetan iruditzen zaizu justua piketeen biolentzia aipatzea? (nik Gasteizen ikusi dudanagatik, askoz gehiago banatu dute "burkaren mutikoek").

Eta dudarik baduzu, ikusi, adibide gisa, testigantza hauxe:
(erdaraz dago, hortan utziko dut ezer aldatu gabe)
..o también podeis pasar por la empresa en la que estamos trabajando, una empresa superhipermegaguay que tiene un oso panda por logotipo. Y "dialogar" con la dirección y preguntarle por qué estamos todos obligados a venir a trabajar hoy, preguntarles por qué se producen día sí y día también despidos fulminantes, por qué están echando a la calle a mujeres embarazadas, y preguntar por qué al que se le ocurra hacer huelga hoy se le despedirá mañana.

Eta batzuek piketeak biolentoak direla esaten....

#4. Re: Greba Orokorraren jarraipena sarean

Joseba L. ¦ 2010-06-30 ¦ 08:27

Jarrera bat bestea bezain salagarria iruditzen zait niri. Ertzaintzaren eta enpresarien jarrera biolentoa salatzeko eta deitoratzeko prest nauzu, baina horrek ez du piketeen jokabidea ez hobetzen ez justifikatzen. Piketeak langileen eskubideen aurka ari dira.

#5. Re: Greba Orokorraren jarraipena sarean

Luistxo Fernandez ¦ 2010-06-30 ¦ 09:45

Twitter pribatua duen lagun batek galdetu zuen atzo. "Gaur lanera joan zaretenei, galdera bat? Zer espero dezu arazoak bakarrik konpontzea? #grebaorokorra gaur" Neuri ere bazegokidan galdera, interpelatua sentitu nintzen, eta Facebook bidez erantzun nion. Hala ere, erantzun hori luzeago garatu dut nire blogean. Teknologiaren eta krisi ekonomikoaren arteko harremanaz, nolabait

#6. Re: Greba Orokorraren jarraipena sarean

neu ¦ 2010-06-30 ¦ 10:05

"Piketeak langileen eskubideen aurka ari dira." ??? AMATXO MAITEA!

Greba egunean lanera doana bai dabilela bere langile eskubideei harrika egiten!

#7. langile eskubideak

Joseba L. ¦ 2010-06-30 ¦ 10:14

Ez, "neu" ez. Greba egun batean lanera doanak aintzat hartu ditu bere langile eskubideak, greba egiteko duen eskubidea eta lan egiteko duen eskubidea, eta egokien iruditzen zaion hautua egin du. Langile eskubideei harrika egiten zaie langile batek ez duenean greba egiten enpresariaren presio edo mehatxuagatik, edo ez duenean lan egiten piketeen presio edo mehatxuengatik. Hori da langile eskubideei harrika egitea.

#8. Re: Greba Orokorraren jarraipena sarean

neu ¦ 2010-06-30 ¦ 10:41

Sasoi bateko eskirolengatik izan balitz, gaur egungo eskirolek ez lukete izango inolako eskubiderik. Gaur egungo eskirolek epe luzeko ikuspegi horrekin joka dezatela. Euren gaurko lan egiteko "eskubidea" biharko guztion gosea da.

Greba Orokorraren jarraipena sarean

© cc-by-sa Sustatu ¦ 2010-06-29 ¦ 09:11 ¦ ekonomia