|
Itzuli orri nagusira Bidali hau Tweet Sasoi arteko arropa© cc-by-sa Leire Narbaiza ¦ 2010-04-29 ¦ 10:41 ¦ zer-erantziDespistatuta gabiltza termometroaren gorabeherekin. Panazko praketatik praka laburretara egun bitan pasatu gara; izan ere, negutik udara egin dugu jauzi udaberririk gabe. Oraintxe datorkigu askori buruhaustea!
Gure amamak-eta, sasoi arteko arropa zeukaten (entretiempo, uler dezagun). Dendetan bazeuden horrelako janzkiak: gonak, jertseak, jakak.... Gaur egun, ordea, txamarra potolotik lihozko alkandorara igarotzen da hainbat pertsona zuzen-zuzenean. Dendan ere lepo luzetik (cuello vuelto) eskote zabal-zabeletara egiten dute salto, inongo "zubirik" barik. Jendea ez da, baina, exajeratuegia? "Lehengo eguzki izpia agertu orduko, dena erantzi eta 20ērekin tiranteetan jartzen dira.":http://img.trendencias.com/2009/09/kate-bosworth-chalecos-vaqueros.jpeg Horregatik, oso estanpa harrigarriak ikus litezke egunotan: hondartzako txankletak, botak, mauka bako nikiak, artilezko trikotak, neguko txamarrak, udako alkandora meheak... denak momentu berean, tren geltokian begira nagoela, adibidez.
Nik neuk, behintzat, ez dut ulertzen aldaketa basati hori, asko kostatzen zaidalako sasoi aldaketetan arropaz kanbiatzea. Betik berdina suertatzen zait: armairuan begiratu eta ez dut ezer aurkitzen. Nola izan liteke, baina? Iaz ez nintzen biluzik ibili sasoi honetan, barren!..... "Ez daukat zer jantzi" sindromeak jotzen nau, tiradera eta sarrekak beteta dauzkadan arren. Beste guztiek zelan egiten dute izoztu edo egosi barik eguna amaitzeko? Ba ote dago panazko praketatik haratago beste janzkera bat? Gai izango naiz berriro ere sandaliak janzteko? Folio kolore hau galduko dut inoiz? Noiz itzuliko da atzera ere negua eta betikoetara itzuli? Galderak, galderak, galderak........ baina oraindik ez dakit zer jantzi! Erantzunak#1. Re: Sasoi arteko arropaElena ¦ 2010-04-29 ¦ 11:39Leire, ni naiz botetatik zuzenean sandalietara pasatzen den horietako bat. Galtzerdiak kendu, behatzetako azazkalak pintatu, eta listo epeletan ibiltzeko. #2. Re: Sasoi arteko arropaJosu Mendicute ¦ 2010-04-29 ¦ 21:16Iaz moda-modan zeuden sokadun motxilitak. Uste dut gaur bezalako egunentzat aproposak direla: hor eraman aldatzeko arropa, eta goizean udako bermuda, kamiseta eta txankletak jantzita joan lanera. Arratsaldean, lanetik irten aurretik, botak, panazko prakak eta forroa jantzi, udako erropa motxilitan sartu, eta etxera berriro. #3. Re: Sasoi arteko arropaJoseba E. ¦ 2010-04-30 ¦ 00:42Herenegun esan zuten telebistan aldaketa klimatikoaren ondorioz desagertuko zirela udaberria eta udazkena, beraz lasai. Bitartean, umore apur batekin hartu behar direla eguraldiaren kontuak iruditzen zait. Bestalde, akordatzen naiz behin Modesto Lomba disenatzaileari galdetu ziotela ea zein zen berarentzat gustokoen zuen urteko sasoia, arropa kontuen ikuspegitik noski, eta udazkena zela aipatu zuen, udazkenak ematen zuela halako aukera dotoreagoa janzteko. Erabat ados nago berarekin, ez prezeski udazkena aukeratzegaitik, baina erdipurdiko egun hauek dira aproposenak. Gaur bezalako egun batean esaterako, bazegoen aukera zapata arrunt batzuekin kalera ateratzeko edo jaka batekin eta betiko praka bakeroak eta mauka luzeko kamisetarekin, udako turista edo mendigoizale itxura artean aukeratu barik. Udaberri giroko doinu bat amaitzeko. Ondo izan. #4. Re: Sasoi arteko arropaleire narbaiza ¦ 2010-05-13 ¦ 17:38Sasoi arteko arropa baino, neguko arropa da beharrezkoagoa egunotan! Elena, etorriko ote zaigu sandalietara pasatzeko sasoia? Aurten neu ere zeure moduan! Erantzun (klik zabaltzeko)Itxi |
Zer ErantziZer erantzi: moda, estetika, estiloa... Estereotipoak borrokatzeko gogoz, hiru estilista: Elena Laka, Leire Narbaiza eta Amodio Jauna elastikoa.
Badakizu zuk ezer estiloaz edo estilo faltaz? Zure kamisetak, modak edo abarrak hemen agerrarazi nahi? Idatzi lotsa barik: erantzi@sustatu.com Albiste gehiagozer-erantzi gaia duten albiste gehiago
Portadan orain
Pil-pilean!Erantzun gehien izan dituzten albisteak
Sustaturen inguruan
|
RSS jarioak: 
