Interneteko albistegia

Logorama eta Oscarretako gainerako irabazleak ikusteko

© cc-by-sa Sustatu ¦ 2010-03-08 ¦ 09:29 ¦ zinema

Bart izan zen Oscar sarien emanaldia Hollywooden. Animazioko film labur onena, Logorama, bi partetan zatituta ikus daiteke sarean, eta hemen duzue itsatsita lehen partea. Gainerako filmak, sari nagusietakoak behintzat, BitTorrent bezeroekin jaitsi daitezke saretik.

Publizitatea

Logoramaren bigarren partea, hemen duzue.

Sari nagusietako batzuk jaso dituzten filmei dagokienez, hemen dituzue Torrent formatuan, kalitate oneko jaitsierak kasu guztietan:

The Hurt Locker Film onena, zuzendari onena eta beste zenbait sari, sei oscar guztira.
The Blind Side. Sandra Bullock, emakumezko aktore onena.
Inglourious Basterds. Christoph Waltz, gizonezko aktore laguntzaile onena.
Precious. Mo'nique, emakumezko aktore laguntzaile onena, eta gidoi egokitu onena.
Up (Pixar). Animazioko film onena, eta musika onena ere bai. Euskarazko azpitituluak hemen.
Crazy Heart. Gizonezko aktore onena, Jeff Bridges.
El Secreto de sus Ojos film argentinarra, atzerriko hizkuntza batean eginiko film onena, Donostiako Zinemaldiak saritzeko muzin egin zion hura.
The Cove. Dokumental onena.
Avatar. Sari tekniko txikiekin konformatu behar.

Irabazleen zerrenda osoa hemen.

Erantzunak

#1. Re: Logorama eta Oscarretako gainerako irabazleak ikusteko

e-gor ¦ 2010-03-08 ¦ 09:58

Aklarazio txiki bat besterik ez: Logorama-k animazioko film labur onenaren saria eraman du, ez animazioko film onenarena. Azken hau, beherago ongi diozuen bezala, Up-ek eraman du.