|
Itzuli orri nagusira Bidali hau Tweet Asel Luzarraga idazle eta blogari euskalduna atxilotu dute Txilen© cc-by-sa Sustatu ¦ 2010-01-01 ¦ 21:00 ¦ politikaAsel Luzarraga idazle eta blogari euskalduna atxilotu dute Txilen terrorismoaz akusatua. Kargu zehatzak ez zaizkio leporatu, baina epaileak urtarrilaren 6a arte luzatu du behin-behineko atxiloketa epea. 2008ko abendutik Txilen bizi zen Luzarraga, itzultzaile gisa legalki lanean. Kontrainformazioko gune txiletar honetan, berriz, montajea salatu dute. 2008ko abendutik 2009ko abendura Txileko Araucania eskualdean izandako indar gutxiko lau leherketa saiorekin lotzen omen dute Luzarraga gaiaz informatzen duten Txileko hedabideek. El Mundo egunkari espainiarrak ere informatzen du eta Luzarragaren joera politiko edo afizio batzuei buruz idatzi dute: punk musikaria dela, anarkista dela, maputxe indigenen borrokan inplikatu dela. Luzarragaren Interneteko idatzietan kontu horiei buruzko idazkiak topatzen zaizkio (punka Txilen, anarkismoa, indigenen eskubideak), baina zabaldutako albisteetan ez da argitzen ustezko atentatu saiakerek gai horiekin harremanik duten ala ez. Txileko Hommodolars kontrainformazio gunearen arabera, berriz, Luzarragarekin egin dute montajea da, eta aurrekariak izan dira beste atxilotu batzuekin. Zenbait eleberri idatzi izan ditu Asel Luzarragak, eta bi blog ba ditu euskaraz, bata Goiena.net komunitatean, eta bestea Gorri Beltzean, Wordpressen. Biak aktibo izan ditu hilabete hauetan Txilen izan den bitartean. Erantzunak#1. Re: Asel Luzarraga idazle eta blogari euskalduna atxilotu dute TxilenIban Zaldua ¦ 2010-01-02 ¦ 00:19Imajinatzen dut ezingo duzula irakurri, baina edonola ere, animo, Asel! #2. Re: Asel Luzarraga idazle eta blogari euskalduna atxilotu dute TxilenJuan Ramón Makuso ¦ 2010-01-02 ¦ 11:41Poesiaren itzala luzatu dadila zauden lekuraino. Besarkada bat Asel #3. Re: Asel Luzarraga idazle eta blogari euskalduna atxilotu dute TxilenGafo ¦ 2010-01-02 ¦ 12:43Animo Asel! #4. Re: Asel Luzarraga idazle eta blogari euskalduna atxilotu dute TxilenUxue Alberdi ¦ 2010-01-02 ¦ 12:56Asel askatu!!!! #6. Re: Asel Luzarraga idazle eta blogari euskalduna atxilotu dute TxilenPello Otxoteko ¦ 2010-01-03 ¦ 20:21Ez dut sinesten holakoak gerta zitezkeenik. Ziur nago montaje hutsa dela. #7. Re: Asel Luzarraga idazle eta blogari euskalduna atxilotu dute TxilenJoseba ¦ 2010-01-03 ¦ 23:53bada nik ez dut Asel ezagutzen eta Karonte irakurri duen ezezagun bat baino ez naiz. dena den, iban zaldua edo uxue alberdiren babesa ikustea nahikoa zait zure errugabetasunean erabat sinisteko. asel askatu !! #8. Re: Asel Luzarraga idazle eta blogari euskalduna atxilotu dute TxilenAsier ¦ 2010-01-04 ¦ 09:01Gure egunkarietan zein gutxi atera den harritu nau: Berrian laburtxo bat atera zen larunbatean eta Garan ez dut ikusi. #9. Re: Asel Luzarraga idazle eta blogari euskalduna atxilotu dute TxilenHektor Ortega ¦ 2010-01-04 ¦ 10:11Besarkada handi bat Aseli, familiari eta lagun guztiei. Zuekin gaude. Asel askatu! #10. Re: Asel Luzarraga idazle eta blogari euskalduna atxilotu dute TxilenJon ¦ 2010-01-04 ¦ 20:52
#11. Asel Luzarraga espetxera bidali du epaileakSustatu ¦ 2010-01-07 ¦ 08:39Epailearen aurretik igaro ondoren, espetxera bidali du behin-behinean Asel Luzarraga Txileko epailet batek. Albistea Berrian. #12. Re: Asel Luzarraga idazle eta blogari euskalduna atxilotu dute Txileninor ¦ 2010-01-07 ¦ 10:42Madres de la plaza de Mayok esan ohi duten moduan, "gure seme alabak iraultzaileak ziren". Muntaia poliziala izatearen antza osoa dauka, baina ez balitz ere Aselen alde agiten dut nik. Azkenengo bakearen nobel saridunak esan bezala, zenbait kasutan indarkeria erabili beste biderik ez dago, eskubide hori soilik zapalduena eta azken aukerakoa izan beharko lukeen arren. Txileko gobernu genozidak Herri maputxea errespeta dezala! Gora herrien arteko elkartasuna! Erantzun (klik zabaltzeko)Itxi |
Albiste gehiagopolitika gaia duten albiste gehiago
Portadan orain
Pil-pilean!Erantzun gehien izan dituzten albisteak
Sustaturen inguruan
|
RSS jarioak: 
