Itzuli orri nagusira Bidali hau

UKblogak topaketak zapatu honetan, Algortan

© cc-by-sa  UKBERRI.NET ¦ 2009-11-26 ¦ 07:16 ¦ blogak

UKBERRI.NETek UKBLOGAK Uribe Kosta eta Erandioko internauta euskaldunen topaketak antolatu ditu latunbaterako, hilak 28. Sakabanatuta dauden blogari eta internauta euskaldunak batu eta sareko komunitate euskaldun eta euskaltzalea sendotzea da egitasmoaren xedea. Jardunaldiak goizeko 10etatik aurrera egingo dira, Algortako Aldai Patronatuan.

Publizitatea

Bertan hurrengo tailerrak izango dira:

  • Internauta euskaldunek elkar ezagutzeko espazio ludikoak eta informalak.
  • Norberak bere Internetezko irratia sortzeko ikastaroa.
  • Euskarazko Wikipedian zelan parte hartzeari buruzko hitzaldia.
  • Sakeleko telefonoarekin zuzeneko bideo erretransmisioak egiteko tailerra.
  • Eskualdeko Internet Gida ekimenaren aurkezpena.
  • Open Street Map egitasmoaren barruan, norberaren herriko mapa libre eta euskaldunak zelan egin behar diren azalduko duen ikastaro praktikoa. Goiz horretan, Algortako mapa hobetuko da.

UKBlogak topaketan parte hartu gura izatekotan, idatzi iktdinamizatzailea ABILDUA ukberri.net helbidera etorriko zaretela baieztatuz. Era berean, ingurukoen artean ekimenaren berri ematera animatzen zaituztegu.

Erantzunak

#1. Gauza gehiago asteburuan Getxon

Sustatu ¦ 2009-11-26 ¦ 12:19

UKBlogak-era hurbiltzen denak, denbora baldin badu, aukera gehigarriak ere izango ditu asteburu honetan: Getxoko komiki eta manga azoka.

Erantzun (klik zabaltzeko)

Publizitatea

 Nabigatu euskaraz