Interneteko albistegia

Jose Ignacio Munilla dator

© cc-by-sa Mikel Iturria ¦ 2009-11-21 ¦ 10:20 ¦ erlijioa

Gaur eguerdian egingo omen du publiko Vaticanoak Jose Ignacio Munilla euskalduna izango dela Gipuzkoako gotzain berria. Eta zuek pentsatuko duzue: eta zer? Ba gu bezalakook, eliza katolikotik kanpo gaudenok, dibertituko garela eta, aldiz, eliza horretan izanda, bere korrontekoak ez direnek asko sufrituko dutela. Gaur goizean Radio Euskadin Joseba Egibarrek esan bezala, eskuinago soilik pareta baitauka Munillak (Rouco Varelak bezala, gaineratu du jeltzaleak).

Publizitatea

2006an deskubritu nuen Munilla eta haren artikuluak jasotzen dituen webgunea. Nahiz eta beste helbide batean egon, sarean daude irakurtzeko moduan Jose Ignacio Munillaren artikuluak.

Hona hemen 2006an irakurritako bi parrafo homosexualitateari buruzko artikulu batean idatziak:

El cambio en la consideración de la homosexualidad, de trastorno psicopatológico a mera condición sexual alternativa, se ha debido más a las presiones de los influyentes lobbys gays, que a nuevas evidencias científicas. Fue en 1980 cuando estos grupos consiguieron una de sus mayores "victorias", al lograr que la Asociación Americana de Psiquiatría retirara la homosexualidad del manual de trastornos comportamentales (Diagnostic and Statistical Manual).

Existen, no obstante, profesionales de primera línea que se atreven a continuar afirmando lo que la psiquiatría siempre ha afirmado: estamos ante un trastorno neurótico (Van Den Aardweg, Bieber & Bieber, Aquilino Polaino, etc...)

Oraingoz idatzi duen azken artikuluan, abortuaren inguruan, dio: quien apruebe la Ley del Aborto estará en situación de complicidad de asesinato". Eta, aizue, Mandela aipatzen du bukaeran.

Barre egingo dugu, baina tristea da horrelako pertsonek agintea izatea edonon daudela ere.

Erantzunak

#1. Re: Jose Ignacio Munilla dator

Gari Araolaza ¦ 2009-11-21 ¦ 11:55

Ez nago ados esaten duzunean eliza katolikotik kanpo daudenak dibertituko direnik.Badirudi elizak ez duela eragiten gizartean, eta nik baietz uste dut.

Adibidez: aurreko gotzainek paper argia izan dute aurreko bake prozesuetan. Munillak nolako papera jokatuko du? Edo beste adibide bat: uste duzu Rouco Varelak ez du politikan eragiten?

#2. Re: Jose Ignacio Munilla dator

Marti(n) ¦ 2009-11-21 ¦ 13:03

Abortoaren inguruko beste artikulu bat Lehen parrafoa eta bigarrenaren hasiera enmarkatzekoak modukoak dira... ikaragarria!! Manipulaziorako horrelako ahalmenik ez balu ez ginateke kezkatuko.

#3. Re: Jose Ignacio Munilla dator

Josu ¦ 2009-11-21 ¦ 14:37

Munilla Palentziara joan baino lehen Zumarragan eman zuen azken edo azkenetako meza grabatu zuen herritar batek. Itxura hatu zion, antza, hau obispoa izango duk eta grabatu; baimena nola eman zion ez dakit, baina hemen duzue materiala:

#4. Baieztatu da, Jose Ignacio Munilla Donostiako gotzain

Sustatu ¦ 2009-11-21 ¦ 16:28

Baieztatu da izendapena, eta hemen Munillak esandako lehen hitzak jaso dituzte.

#5. Re: Jose Ignacio Munilla dator

Luistxo Fernandez ¦ 2009-11-21 ¦ 16:34

Martinek estekatu digun sermoi horretan, sekulako esaldia ere badator:

España necesita urgentemente españoles

Igual misionista bidali dute, espainol ez direnak espainol bihurtzera.

Munilla bezalakoak ez zaizkit gustatzen, hobe bere etxean balego eta ez ustez itzal politikoa duen toki horretan. Baina uste dut baiez, badela ez-katolikoentzat dibertsiorako aukera. Katolikoen kontura bederen. Ea zertara kexatu behar duten, beren erlijioaren ortodoxian zintzo sinesten duen gotzaina jarri behar badiete. Erlijioaren zentzugabekeria eta gezurra salatzeko aukera bat.

#6. Re: Jose Ignacio Munilla dator

sapi ¦ 2009-11-21 ¦ 17:25

Pozten naiz, ateoa naiz eta uste dut tipu honek elizatik botako duela jende asko. Jende horren lana ordea ez da galduko, gizarte mugimenduetan lan egingo baitute. eta eliza katolikoaren sekktarizazio-usteltze prozesua azkartuko da EHn. Ba da garaia instituzio hori desagertarazteko.

Portzierto, eszisioetan hain trebeak garen euskaldunok ez dugu ba sortuko Euskal Herriko Jesukristoren Eliza edota antzeko zeozer?

#7. Umorea

iturri ¦ 2009-11-21 ¦ 17:46

@gari Ados nago zurekin: pisua dute Roucok eta Munillak.

Elizako goi mailako agintarien eskubian pareta dago soilik bai Espainian bai Vaticanon (aurreko gotzain euskaldunak ere badira kontserbadoreak, baina beste mota batekoak). Eta orain Munilla eta Iceta bidali dituzte Donostia eta Bilbora. Nik ezin diet aurre egin beraiei, Eliza barrukoek egin beharko diete.

Poesia etorkizunez kargaturiko arma dela esan zuen poetak. Gaur egungo arma eraginkorrenetakoa umorea da. Erabili dezagun.

Amen.

#8. Traperoaren muntaia

iturri ¦ 2009-11-22 ¦ 14:34

Segi chez Trapero ikustera

#9. Munillaren ametsa

Luistxo ¦ 2009-11-24 ¦ 13:02

Patxitraperorenean poesia eta intriga nahasiz aurkezten zaigu Jose Ignacio Munillaren ametsarena. Baina, hara, ipurterre bat naiz eta ezin izan diot tentaldiari eutsi, eta azken irudikoa erakutsi beharra sentitu dut, sortzailearen suspentse-asmoa zapuztuz.

Hemen irudia osoago.

Barkatu, oi Trapero, gure bekatuak!

Erantzun (klik zabaltzeko)