Itzuli orri nagusira Bidali hau Tweet

Tuenti erabiltzaileen greba deitu dute gaurko

Josu Mendicute ¦ 2009-04-15 ¦ 08:36 ¦ sare-sozialak

Tuentiren erabilera baldintzen 4. puntuaren aurkako greba deitu dute. Bertan, Tuentik, "obra kolektibo" horretan parte hartzen duten eduki guztien jabe izendatzen du bere burua, eta debekatu egiten du bere baimenik gabe erabiltzaileek beste zerbaiterako erabiltzea. Tuentira argazki bat igotzen duenak, ezin du argazki hori saldu, beraz, jabetza galtzen duelako.

Jabetza, erreprodukzio, banaketa eta komunikazio publikorako eskubideak eskuratzen ditu Tuentik artikulu horren bidez, eta baita eduki horiek bere "behar editorialen arabera" moldatzeko.

Honen aurrean Tuenti erabiltzaileek ebentoak sortu dituzte grebara deituz. Apirilaren 15ean, 00.00etatik 24.00etara Tuenti ez erabiltzeko deialdia egin dute.

Tuentin bertan egondako komentarioek ez dute arrakastarako leku handirik uzten, baina deialdiak ohiartzuna lortu du medio konbentzionaletan ere, eta horrek balio dezake Tuenti estualdi batean sartzeko.

 Nabigatu euskaraz