Itzuli orri nagusira Bidali hau

Bidaia blog euskaldunak

© cc-by-sa  Sustatu ¦ 2008-06-05 ¦ 11:29 ¦ blogak

Bidaiatzen dugun bitartean oharrak hartzea, edo egunerokoa egitea, oso ohitura erromantikoa dugu, ez 21. mendekoa prezeski. Baina ohitura ez ago hila, eta Interneteko garaian, jakina, blogen bidez aurkitu du bidea bidaia bitakorak.

Publizitatea

Egun hauetan urrutitik blogari ari direnen artean, hiru ale:

  • Haritz Rodriguez kazetariak Greziatik untziz dihardu bidaia egiten, eta blog berria ireki barik, bere Gutenberg Galaxia darabil kronikak bidaltzeko. Argazkiak ere ari da kargatzen Flickr-en eta bideoak Euskaltuben.
  • Jon Bautista Brasilera joan da Zanna bere neskalagunarekin eta handik kontatzen dihardu, Hor Nonbait izeneko blogean.
  • Hiart Zugasti eta Iker Lazpita eibartarrak badira aste batzuk ez dutela idazten, baina seguru astia izango dutela, munduari bira ematea baita haien bidaiaren kakoa. 2daia 2zitza du izena haien blogak, eta ezagututako bazterrak Tagzanian markatzen dituzte.

Baietz gehiago izan aurtengo udan! Ondo ibili!

Erantzunak

#1. Re: Bidaia blog euskaldunak

haritz ¦ 2008-06-06 ¦ 00:35

Kaixo koadrila! Eta agur bero bat Greziako kostaldetik! Zera esan nahi nizuen, gure bidaian bisitatutako tokiak ere aurki daitezkeela Tagzanian, hemen , hain zuzen ere.
Eta beste bidaiariei, zorte on!

#2. Re: Bidaia blog euskaldunak

dorleta ¦ 2008-06-06 ¦ 08:40

Gari Kortazar eskoriatzarra be azaroan abiatu zan mundua ezagutzera, eta bere bizipenak biltzen ditu bidaigari blogean. Apiriletik Nepalen dago, eta han ez omen du aurkitzen fundamentuzko lekurik bere kronikak bidaltzeko, baina ordura artekoak Peru, Bolivia, Paraguay, Argentina, Zelanda Berria...

#3. Kanadan zehar Elgoibarren.net-en bidez

Sustatu ¦ 2008-06-17 ¦ 12:22

Kanada iparraldeko ibilerak kontatzen hasi da Angel Ugarteburu Zabalduz izeneko bitakora batean, Elgoibarren.net webgunean.

Elgoibarren-eko blogek ez dute oso egitura ortodoxoa jarraitzen, baina orri horretan eskumako zutabean dagoen RSS harpidetzak atalaren bidez, harpidetzen ahal zara blogari bakoitzaren artikuluak jarraitzeko. Ugartebururen Kanadako ibileren RSS jarioa hau da, adibidez.

#4. Re: Bidaia blog euskaldunak

Kuko ¦ 2010-03-15 ¦ 19:24

Bidai bitakora baten berri eman nahiko nuke: buenosairesetik.blogspot.com. 6 hilabeteko bidai bat jorratzen da bertan. Zuen gustokoa izatea espero dut.

#5. Re: Bidaia blog euskaldunak

Kuko ¦ 2010-03-26 ¦ 14:26

Beste bidai bitakora hau aurkitu dut: buenosairesetik.blogspot.com

Interesgarria dirudi.

Ongi izan!

Erantzun (klik zabaltzeko)

Publizitatea

 Nabigatu euskaraz