Itzuli orri nagusira Bidali hau

Gaztesarea irabazle Argia Sarietan

Sustaturen espioia - Txitxardin Beltzatik ¦ 2006-01-27 ¦ 16:58 ¦ kultura

Gaztesarea izan da Internet atalean Argia Sarietan irabazle. Urtero bezala, oraintxe eman berri dira sariok.

Publizitatea

Ondokoak izan dira sarituak:

  • Internet arloan: Gaztesarea .
  • Telebistan: ETB1eko Postdata saioa.
  • Irratigintzan, Euskadi Irratiko iluntzetako gure mezularia: Maite Artola.
  • Prentsa idatzian: Fermin Etxegoien .
  • Publizitatea: Bertsozale Elkartea, Txapelketa Nagusiaren kanpainarengatik /
  • Merezimenduzko saria: Hik Hasi

Zorionak sarituei.

Eguneraketa

Sareko Argia Sariaren argudioa.

Gaztesarea.net-eri Sareko Argia Saria ematearen argudioa :

Denen artean aurtengo gure saria emateko bereizi dugun honek baditu gaztetasuna, ausardia eta kemena.

Euskarazko komunikabide digital honek badu alternatibo izan nahia eta denetaz eztabaidatzeko gogoa, sexuaz bezala politikaz edo kulturaz.

Badu kaleak ematen duen freskura eta badu umorea. Guztia, egunero txukun landutako web gune interesgarri batean.

Sari guztien argudioak .pdf honetan

Sarituen argazkiak eta sarituek esanak

Gainera, aurten Argia.com-eko Argia Sariak atalean, argazkiak eta sarituek esanak, mp3 formatoan eskaini digute. Sarituen ahotsa, zuzenean grabatuta.

Zorionak!

Erantzunak

#1. Re: Gaztesarea irabazle Argia Sarietan

Ametz Usandizaga ¦ 2006-01-27 ¦ 17:09

Zorionak irabazle denei, eta bereziki Gaztesareakoei. Merezimendu osoz lortutako saria dela iruditzen zait, benetan eredugarria baita gure esku jartzen duten "tresna" hau, gazteen artean ditugun hainbat eta hainbat kezka eta abarrei erantzun egoki bat emateko.

Berriro ere zorionak, bereziki Gaztesarea-ri eta beste saritu guztiei.

(Txitxardineko beste espioi bat)

#2. Sarien argudioak eta sarituek esanak

Sustatu ¦ 2006-01-27 ¦ 18:35

Gaztesarea.net-eri Sareko Argia Saria ematearen argudioa :

Denen artean aurtengo gure saria emateko bereizi dugun honek baditu gaztetasuna, ausardia eta kemena.

Euskarazko komunikabide digital honek badu alternatibo izan nahia eta denetaz eztabaidatzeko gogoa, sexuaz bezala politikaz edo kulturaz.

Badu kaleak ematen duen freskura eta badu umorea. Guztia, egunero txukun landutako web gune interesgarri batean.

Sari guztien argudioak .pdf honetan

Gainera, aurten Argia.com-eko Argia Sariak atalean, argazkiak eta sarituek esanak, mp3 formatoan eskaini digute.

#3. Postdatak merezi du... bejondeizuela !!!

r. xalba garez ¦ 2006-01-28 ¦ 09:18

Tamalez katea bat bakarra dugu euskaraz eta... guretzako zeozer aproposa bilatzerakoan komeriak ditugu... Postdata salbuespen bat.

"Salsa Rosa pringosa","Passión de Los gavilanes macarra-horterillas" "Aqui hay Tomate, kuate", "Buenafuente, kepassa neeng", "Cruz y Raya, pa la saaca", "Grand Prix, Ramontxu basko fino es", "Gran Hermano marrano" edo "La isla de los supervivientes televidentes" gisako ereduek Telebistari orohar ezartzen dioten inpronta "jijiji jajaja"tik at, zeozer duina eta ganorazkoa, belaunaldirik eskolatuenen garaian oligofrenikoentzako gauzak egitera behartutako telebista-audientziometroaren aurrean: Postdata. Bejondeizuela, urte askotarako.

Erantzun (klik zabaltzeko)

Publizitatea