Itzuli orri nagusira Bidali hau Inprimatu

Euskarazko hedabideentzako laguntzen esleipena

© cc-by-sa  Sustatu ¦ 2005-12-01 ¦ 12:50 ¦ dirulaguntzak

Gaur. abenduak 1, argitaratu da EHAA buletin ofizialean "euskarazko hedabideak sendotu, garatu eta normalizatzeko diru-laguntzen esleipena." Deialdia ekainekoa izan zen, eta esleipena azaroaren 14an erabaki zen.

Publizitatea

Ekaineko komentario hedatua izan zen Teknologia Berrien deialdirik ez zela izango, eta Interneteko proiektu askok hedabideen honetara jo zuten. Sustatuk alor honetan eskatu zuen laguntza, eta jaso du, 6.370 eurokoa. Orain, azkenean egon badago Teknologia Berrien deialdia (irekita dago epea abenduko egun hauetan), eta atzerapenaren motibo batzuk ere eman dira jakitera.

Sustatuk laguntza jaso duen alorra, Internet bidezko euskara hutsezko egunkari eta aldizkariena izan da. Alor honetan diru gehien jaso duten egitasmoak hauek dira:

Eta horien ondoren, kopuruari dagokionez, Sustatu. Goienaren beste atariak, Goiena.net-ek 4.920 euro jaso ditu.

Interneteko proiektuez gain, gainerako hedabideen alorrean, Berria egunkariak 1.400.000 euro jaso ditu. Herri eta euskaldueko egunkarietan, Hitza desberdinen artean 250.000 euro inguru jaso dituzte, eta Hernaniko Kronikak 28.130 euro.

Informazio orokorreko euskarazko aldizkarien kasuan, Argiak 278.346 euro jaso ditu, Zabalikek 206.669 eta Aldaketa 16k 184.985.

Esleipen osoaren detaileak hemen

Erantzunak

#1. esleipena

Erramun Gerrikagoitia ¦ 2005-12-01 ¦ 21:17

Nik oraino ez dakit zer da "esleipena" eta "<b>esleitu</b>". Alarmantea eta gravea da hori ze ibili naiz bizitza osoan inguran hon euskara eta naiz maisu jubilatua jada. Seguru nago ezen hitz hori dela guziz hitz normala edozeinek jakiteko modukoa Europako hiritar medio batek. Ez dago eskubiderik zer egiten ari diren batzuk kin euskara.

#2. Euskaldun baten galderak subentzioen aurrean

Jozulin ¦ 2005-12-01 ¦ 21:21

Betiko galderak:

- Aldaketa16k ARGIAk duen garrantzi sozialaren erdia baino gehiago du, dirulaguntzaren kopurutik ondoriozta daitekeen bezala?

- ARGIA Zabalik baino (soilik) %20 garrantzitsuagoa da, dirulaguntzaren kopurutik ondoriozta daitekeen bezala?

- Norena da Zabalik? Eta Aldaketa16?

- Aizu! eta Nabarra baino _____ago dira? Zertan?

- Noiz arte jarraituko dugu urtero galdera berberak egiten?

(hasperena)

#3. Galderak ulertzen

Erramun Gerrikagoitia ¦ 2005-12-02 ¦ 13:21

Jozulin, nik ez dut ulertu zeri buruz ari zara. Agian hau gertatu zaio gehiagori ere. Explikatu nahi bazendu?

#4. Re: Galderak ulertzen

Jozulin ¦ 2005-12-02 ¦ 18:27

Ez du misterio handirik. Dena diruaz neurtzen den/dugun garaiotan iruditzen zait, bihotz bihotzetik, Aldaketa16 bezalako proiektu artifizial bezain euskara mordoilodunak ez duela merezi ARGIAri eman diotenaren erdia, diru "esleipen" honek esan nahi lukeelako euskaldunontzako erreferentzialtasuna ere ARGIAk daukanaren erdia duela. Ezta hurrik eman ere.
Berdin aipa genitzake gaurkoenpresa.com eta sustatu.
Enfin, esan nahi nuena zen Jaurlaritzak aukeratzen duela urtero nori lagundu eta noren lepoa (bira bat gehiago) estutu.
Eta gure diruarekin.

#5. Re: Galderak ulertzen

Erramun Gerrikagoitia ¦ 2005-12-02 ¦ 22:14

Esker mila Jozulin argitasunak gatik.

#6. Zer egiten du Durango TBk euskarazko telebisten artean

durangarra ¦ 2005-12-02 ¦ 22:26

Nik ulertzen ez dudana laguntza jasoko duten euskarazko telebisten artean Durango TBk zer egiten duen da.

Barne produkzioaren zati arbuiagarri bat baino ez da euskaraz(horrela deitzera ausartu ezkero).

Euskarazko programazioa ETBk igorritako saioak (ber)igortzean datza.

Hau al da euskarazko telebista bat????????

Hona hemen programazioa:
10:00 TELETIENDA (erderaz)

12:00 MARRAZKI BIZIDUNAK CARDCAPTOR SAKURA (jada igorritako euskarazko saioa)

12:30 MARRAZKI BIZIDUNAK REPORTER BLUES(jada igorritako euskarazko saioa)

13:00 MARRAZKI BIZIDUNAK PATROL 03(jada igorritako euskarazko saioa)

13:30 MARRAZKI BIZIDUNAK: POPEYE CAP 1(jada igorritako euskarazko saioa)

14:00 GAUR BERRI (Gazteleraz)

14:10 SERIE: ANDER ETA KONPANIA(jada igorritako euskarazko saioa)

14:45 GAUR BERRI (gazteleraz)

15:00 KIROL DENBORA (gazteleraz)

16:00 MAGAZINE : GAU ON (R) (gazteleraz)

17:30 SERIE JAUN ETA JABE(jada igorritako euskarazko saioa)

19:00 MARRAZKI BIZIDUNAK CARDCAPTOR SAKURA (jada igorritako euskarazko saioa)

19:30 MARRAZKI BIZIDUNAK POPEYE CAP 3(jada igorritako euskarazko saioa)

20:00 GAUR BERRI(3 minutuko albisteen euskarazko laburpena).
20:10 SERIE: ANDER ETA KONPANIA(jada igorritako euskarazko saioa)

20:45 GAUR BERRI (gazteleraz)

21:00 KIROL DENBORA (gazteleraz)

22:00 MAGAZINE : GAU ON (gazteleraz)

23:45 GAUR BERRI (azteleraz)

00:00 TELETIENDA (gazteleraz)

Erantzun (klik zabaltzeko)

Facebook bidez erantzun