Googleren RSS irakurgailua

Sustatu - Sustatu | Internet | 2005-10-08 : 16:10

Azkenean, bere zerbitzu eskaintza zabaltzeko estrategiari jarraituz, Google erraldoiak atera du bere RSS irakurgailua. Beraz, nahi izanez gero, handik ere jarraitu dezakezu Sustatu. Hori bai, Google Account -a beharrezkoa da zerbitzuan sartu eta erabiltzeko.

Google RSS irakurgailuari (http://www.google.com/reader ) buruzko albistea Euskal blog "geek"-enetan jasotzen da:

Teknosexua: Google Reader: RSS irakurgailua . Inportazio - esportazio aukera nabarmentzen du Garik: Bloglines erabiltzen dugunontzat oso erraza da honelako tresnak frogatzea, normalean denek OPML estandarra erabiltzen bait dute feed-en zerrendak inportatu eta esportatzeko, baina akatsen batzuk somatzen ditu: Lehen inpresioan espazio falta sumatu dut, Bloglines-ek ez daukana. Dena bata bestearen gainean dagoela ematen du.
Teketen: Googlek jario irakurgailu bat ateratzen du, Google reader . Ez du frogatu, baina Googleren handitze estrategia azpimarratu du: Googlek mundua kontrolatzeko helbururantz doa.
IKTeroak: Bloglines' killer??? . Titulu adierazgarria, Google Bloglines-en arerio handia bihurtuko delakoan. AJAX -en oinarrituta dagoela azpimarratzen du Magic-ek eta interfazea oso sinplea, garbia eta erabilerraza dela dio. Baina froga egin ondoren akatsak ikusi ditu ere: ohartu naiz mantsoago dabilela eta Bloglines baino denbora gehiago behar duela eguneratzeko.

Momentuz, blog euskaldun hauek aurkitu ditugu Google Reader zerbitzuaren gainean hitz egiten, agian gehiago ere izango dira.

Erantzunak

Magic | 2005-10-08 : 20:10 | #1

Beharbada, baikorregia izan naiz nire post horretan. Arratsalde honetan probatzen jarraitu dut eta Gariri arrazoia eman beharko diot. Jario kopurua handitu ahala, arazoak ere areagotzen dira. Behin baino gehiagotan galduta ibili naiz, podcast bat entzun nahi izan dut eta ezinezkoa izan da, baina okerrena OPML inportatzeko aukera erabili dudanean iritsi da: ordu pare bat egon da prozesua burutzen eta, azkenik, ez dit utzi :-(
Garik minutu batean lortu omen du, zorionak!!!

Ricardo Gómez | 2005-10-10 : 23:43 | #2

Googleren "zerbitzu eskaintza zabaltzeko estrategiari jarraituz", begira nola imajinatu duen New York Times-eko komikigile batek gaurko alean. Klabau!!!

(Microsiervos-en aurkitua).

Luistxo | 2005-10-11 : 08:56 | #3

Ona, Rikardo. Nik behin aurkitutako hau gogoratu dit, giltzak aurkitzeko aplikazioa Googlen

Hemen txorakeria gehiago baina giltzak aurkitzekoa baino hoberik, eta praktikoagorik, ez dut uste dagoenik.

Eneko | 2005-10-11 : 09:54 | #4

Ona da bai, nik ere Microsiervosen ikusi nuen eta prospektiba blogean gehitu nuen :-)

Direktorioko atal asko eta bilaketa azkarrerako botoi berria, mundialak dira.

Norbaitek esan duen moduan, Orwell omenduz, urtearen aukeraketan ere asmatu dute: 2084. Mende honetako Anai Nagusia..., Google .

Erantzun

Sartu