Itzuli orri nagusira Bidali hau

Denok gara Xabier Montoia

jalgihadi ¦ 2002-12-19 ¦ 11:08 ¦ kultura

Xabier Montoiaren azken lana "Ni ez naiz Xabier Montoia" zentsuratua izan da Euskadi Gaztean. Adierazpen askatasunaren aldekoa bazara, baduzu kezkatzeko arrazoi bat gehiago. Denok gara Xabier Montoia aldarrikatu gura dugu. Eta zuk?

Publizitatea

Larria da, baina beste kolpe latz bat eman diote adierazpen askatasunari. Xabier Montoia zentsuratua izan da Euskadi Gaztean , irrati publiko batean, ustez gure musika eta euskara bultzatzeko xedea duen medioan. Xabier Montoiaren adierazpen batzuk (Sustatun bertan aipatuak izan zirenak).

Baina, Edurne Ormazabalek zuzentzen duen medioak gauzatu du kastigua. Eta aurtengo disko onenetako bat zentsuratua da. Hain bortitz.

Gure ustez benetan mina egin duena, Montoiak multinazionalen morrontzaren gainean egin duen kritika da, izan ere, eta hori nabarmena da, Euskadi gazteak, irratiformula gehienek bezala, disketxe handiek, marrazoek agindutakoa betetzen du. Diru truk edo bidaien truk. Eztabaida termino hoietan kokatu zuen abeslari gasteiztarrak. Eta horra hor ondorioak!

Baina badira gehiago ere: zergatik ez dute Anestesiaren musikarik inoiz jarri Euskadi Gaztean? Joseba Tapia zergatik ezin da Top gazteako hautagaia izan? Kepa Junkera bai ordea? ... halako hamaika adibide daude.

Tira, lagunok. Irrati eta uhin libreak behar ditugu. Goza ezazue musikaz, disko festak antolatu ditzagun (benetakoak, autentikoak, marketing instituzionaletatik at!) Musika gozatzeko da, eta Montoiaren lanak badu horretatik!

Afera honetaz informazio gehiago:

Gara egunkarian agertutako iritzi artikulua.

Indymedia Euskal Herria atarian informazioa, eztabaida eta Deiako elkarrizketa.

Irratia.com gunean elkartasun irudi bat.

Erantzunak

#1. Zentsuratuta?

esKroto Matamoros ¦ 2002-12-19 ¦ 12:22

Ez dut ukatuko musika aukeratzeko Euskadi Gazteak duen jokabide maltzurra. Baina nire galdera zera da: zentsuratu egin dute, edo hasieratik ez diote batere kasurik egin? Erran nahi baita: diskoa atera zuenean jartzen zituzten bere kantuak?, edo adierazpenok egin zituenetik utzi egin al diote bere musika jartzeari?

#2. Eskerrik asko E.Gaztea

Emeak eta arrak ¦ 2002-12-19 ¦ 18:24


Iruditzen zait nahikoa informaziorik ez daukagula zentsuratu ote duten edo beti bezala kaso putik ez dioten egin baieztatzeko. Berdin zaigu. Montoiaren musika eta diskurtsoa intelektualegiak dira Euskadi Gazteko txatxipirulientzat.
Behintzat Xabierren lana ez dute kirastu bururik gabeko oilo-esatari guay horien aurkezpen batekin.
Eskerrik asko Euskal Txotxi Gaztetxoak!

#3. Zentsuraren zantzuak

Luistxo ¦ 2002-12-19 ¦ 12:23

> Xabier Montoiaren azken lana "Ni ez naiz Xabier Montoia" zentsuratua izan da Euskadi Gaztean.

Irakurri ditut Gara-koa eta Indymediakoa. Baina ez da argi geratzen ze zantzu dauden zentsura ekintza honena... Autoreak berak jakin du? Bere disketxeari jakinarazi zaio ez zaiola programatuko abestirik? Nondik dakigu zentsurarena? Ala ondorioztaturiko hipotesi bat da Montoia ez delako ez entzuten, ez aipatzen irratian?

Edozein modutan, penagarria, Montoia euskal irrati publikoetatik kanpo uztea. Autore inteligente bat, musika ona egiten duena, eta gauzei bere izenetik deitzen diena.

#4. Musika ona da, baita irrati-formularako ere

Iban Arantzabal ¦ 2002-12-19 ¦ 13:18

> Nondik dakigu zentsurarena? Ala ondorioztaturiko hipotesi bat da Montoia ez delako ez entzuten, ez aipatzen irratian?

Nik ez dakit albistea egin duenak nondik atera duen, baina jakin badakigu, gorrak ez garelako eta inoiz Euskadi Gaztea ere entzuten dugulako, Xabier Montoia ez dutela jartzen.

Noiz eta bere esanetan diskorik "komertzialena" egin duenean! Nik ez dakit zentsuratua izan den edo ez, baina Euskadi Gaztean pasatzen diren kantuak pasatuta atzean geratu beharko ez lukeela uste duenetakoa naiz.

Nik oso gustuko dut musika hori eta pentsatzen dut irrati-formulan ere bere lekua duela. Gainera, disko horretako kantu batzuk badira bai Euskadi Gaztearako modukoak eta baita disko festetarako modukoak ere. Hori bai, bai bataren bai bestearen estiloaren gainean hausnarketa txiki bat eskatuko luke...

#5. Zentsura hutsa da

jalgihadi ¦ 2002-12-19 ¦ 13:23

Autorea eta disketxea, biak daude Euskadi gaztearen erabakiaren jakitun.

Ez hori bakarrik, eitb osatzen duten beste irratietan ere, jakinaren gainean jarri dituzte irrati esatariak.

Frogak aurkeztu behar ote dira, zentsura kasu bat salatzeko? Eskatu abesti bat euskadi gaztearen posta helbidean. Ikusiko duzu erantzuna.

Ea guztion artean, zentsura gainditzea lortzen dugun.

#6. Nik eskatu dut kantua

Xabier ¦ 2002-12-19 ¦ 13:52

> Eskatu abesti bat euskadi gaztean: egaztea@eitb.com

Ba nik egin dut. Gaur 18:45erako. Jarriko dute? edo beste eskaera pila bat egongo dira eta denen mezuak ezin erantzun?

Xabier

#7. nik ere bai!

esKroto Matamoros ¦ 2002-12-19 ¦ 15:02

Zein abesti eskatu duzu? Nik ere eskatuko dut. Ea bi eskaera edukita kasu egiten duten.

#8. Ba 4 edo 6.ena. Titulurik ez dakit.

Xabier ¦ 2002-12-19 ¦ 16:29

> Zein abesti eskatu duzu? Nik ere eskatuko dut. Ea bi eskaera edukita kasu egiten duten.


Ba Irrati formuletan erabiltzeko moduko iruditzen zaizkidan 2, aukeran. Titulua ez dakit, baina aukeran emango nuke.

CDko 4.ena edo CDko 6.ena.

Xabier

#9. Zentsura, frogak eta datuak

Luistxo Fernandez ¦ 2002-12-19 ¦ 14:53


> Frogak aurkeztu behar ote dira, zentsura kasu bat salatzeko?

Frogak frogak, ez dakit. Baina bai, zentsura salatzeko, datuak ez datoz gaizki. Hain zuzen ere, disketxeari eta musikariari jakinarazi zaiola diozu orain. Inori kontuak eskatzeko orduan, horiek konfirmatu ahal izango dute, beraz.

Aurrekoan ahaztu egin zaizu esatea. Gauzak esplikatzen motz geratu zara.

#10. Hala da, erabaki dute ez jartzea

Jabi ¦ 2002-12-19 ¦ 18:27

Horretaz jakitun dagoen pertsona baten eskutik egiaztatu dut egia dela erabaki dutela Euskadi Gaztearen formulan ez jartzea. Hau da, esatari batzuk bildu dira, radioformulan nortzuk sartzen diren erabakitzen dutenak, ez bakarrik Edurne Ormazabal. Gaiaz hitz egin eta erabaki dute formulan ez jartzea Montoia. Eta hori egitatea da.

Horri zentsura esaten zaion? Ba nik esango nuke baietz. Batez ere Euskadi Gaztean ia dena "formula" dela kontutan hartuta eta beste saio berezituetan apenas lekurik izango ez duela kontutan hartuta.

#11. Montoiaren informazioa Metak disko etxean

editorea ¦ 2002-12-19 ¦ 17:58

Xabier Montoiaren diskoko informazioa Metak disko etxearen webgunetik aterata:

Xabier Montoia "Ni ez naiz Xabier Montoia"

Bere azken lana 1999. urtean argitaratu zenetik (Xabier Montoia: lagunak, adiskideak... eta beste hainbat etsai. -Esan Ozenki-) ez dugu Xabier Montoiaren musika inguruko berririk ukan. Xabier Montoiak zenbait hilabeteetan hausnartu du diskoa, presarik gabe, lasaitasunez. Bere ohiko taldeak lagunduta eta Mikel Irazokik ekoiztua egin du diskoaren grabaketa.

Lan honek, Montoiaren diskoen ezaugarriak biltzen dituela sumatzeko; musika beltzaren eragin ozenak, hitz zuzenak, geldotasunetik zakarkeriara doazen kantuak, gitarrak dantzan, pop esperimentalaren oihartzunak eta teknologiarekiko zaletasuna, besteak beste. Are gehiago, esan daiteke, hau dela Montoiaren bakarkako lanen artean "Montoiazaleena". Aurreko lanean irekiriko bideetan sakontzen du egundaino Xabier Montoiak egin duen diskorik onena den honek.

#12. Eztabaida Nontzeberrin / Azkartu erantzuna

hitz egin! ¦ 2002-12-20 ¦ 11:44

Nontzeberri atariko foroetan ere eztabaida piztu du gaiak.

Eztabaida piztu du, baina zentsuraren arduradunak, publikoki oraindik ez dute deus erran, telefonoz onartzen dute, kazetariek galdetu egin diete, baina ez dira plazara atara.

Eta Euskadi gazteara bialdutako emailak, zer? izan al dute erantzunik? Aditu al duzue Montoiaren ahotsa, irrati zentsuratzailean?

Azkartu dezagun eztabaida, azkartu dezagun erantzuna!

Adierazpen askatasuna eskubide bat da!!

#13. Ez dute jartzen

Xabier ¦ 2002-12-20 ¦ 17:17


> Eta "Euskadi gazteara":Mailtoegaztea@eitb.com bialdutako emailak, zer? izan al dute erantzunik? Aditu al duzue Montoiaren ahotsa, irrati zentsuratzailean?


BA ez ez dugu aditu. Mezua bai, mezua irakurri dute, baina beste talde bat jarri dute. Badakizue, jende asko idatzi eta deitzen du eta bat edo beste aukeratu behar...

18:45ean ez dugu entzun, bada, Montoia. Eta beste orduren baten? ba nik ez. Eta atzo auto-eguna izan nuen eta ezer ere ez.

Xabier

#14. Diskoko abesti batzuk online

Sustatu ¦ 2002-12-20 ¦ 15:25

Diskokoak entzuteko aukera hemen, e-Boza gunean.

#15. Xabier Montoia ere bada Xabier Montoia

Ni ez naiz Klaudio Landa ¦ 2003-01-03 ¦ 12:28

Xabier Montoiak ere aipatu du gaia elkarrizketa batean. Euskaldunon Egunkariaren Barkatu Ama gehigarrian argitaratu ziren hitzok 2002ko abenduaren 26an.

- (...) Baina Euskadi Gazteak nire disko hau debekatu du bere irratian.

- Zergatik?

- Beraiek diote beren lankide bat iraindu nuela, eta hori gezurra da. Egunkarietan dago nik esandakoa... eta, gainera, uste dut hori aitzakia besterik ez dela. Benetan mindu dituena lehenago egin nizkien kritikak izan dira. Hemen, jende guztiak esaten du ahots kritikoak behar direla, baina zurikeria hutsa besterik ez dela, gero mendekua etortzen baita. Mendeku txikiak egoten dira eta hor nago, beste zenbait bezala mendeku horiek jasotzen. Ez dute lotsarik, berdin baitzaie irrati publikoa izatea, guztiok ordaintzea... eta ezin naiz horren kontra borrokatu, ez bakarrik behintzat, eta haien mendekua eta zentsura sufrituko dut. Beste bat banintz, ziur asko kanpaina bat muntatuko nuke eta belodromoan jaialdi bat egingo nuke, baina naizena naizenez gero, nire txokoan egongo naiz, euri jasa atertu bitartean behintzat.

#16. BETI DA NORBAIT JAKIN GABE IDAZTEN

ARANTXA ¦ 2003-01-10 ¦ 12:37

ANESTESIAK azken diskotik euskadi gazteko 5 garren posturaino igo zen beraz ez esan ez dela inoiz egon top gaztean eta bigarrenik Joseba tapia ere top gazteko zerrendagaian egon da . Honekin ez dut nahi esan edo gutxienez bultzatu top gazteko jarduera baina egia da EGIN irratia itxi zutenetik ez dela euskal irratian bitartekaririk Euskadi gaztea irrati publikotik irr<ti libreetara. Muga oso handia dago eta badirudi jende askori min egiten diola adibide bat Xabier Montoiari .Denok gara XABIER MONTOIA hori argi dago baina hori ez zen eman beharreko pausua , lehenik eta behin aztertu zergatik gertatzen diren horrelako gauzak.

#17. Anestesia // Tapia eta Leturia

hitz egin! ¦ 2003-01-23 ¦ 18:05

Barkatu, baina Euzkadi gaztea zuritu gura duzun horri, esango dizut, ANESTESIA taldea behin eta berriro izan dela zentsuratua Euzkadi gaztean.
Esan Ozenki oso gertutik ezagutu nuen. Eta ondo dakit Edurne Ormazabali gustatzen ez zitzaiolako, betatua zegoela Zarautzko taldea irratiformulan, irratiformularako aproposoza ez zela (e.o. dixit) argudiatuz.
Eta Tapia eta Leturiaren azken diskoa Hain zuzen, aurten irratiformulatik at egon da. Zergatik?
Horrenbeste badakizu, hori ere jakinen duzu!

Denok gara Xabier Montoia. Bai. Eta hau ere gezurra al da? Montoia zentsuratua izan da ala ez? Erantzun horri.....

Euzkadi gaztea zuritu gura dutenek, badute zertaz kezkatu. Dudarik gabe.

#18. Re: Anestesia // Tapia eta Leturia

larra ¦ 2004-10-02 ¦ 15:26

> Xabier Montoiaren azken lana "Ni ez naiz Xabier Montoia" zentsuratua izan da Euskadi Gaztean.
> Adierazpen askatasunaren aldekoa bazara, baduzu kezkatzeko arrazoi bat gehiago.
> Denok gara Xabier Montoia aldarrikatu gura dugu. Eta zuk?
> Barkatu, baina Euzkadi gaztea zuritu gura duzun horri, esango dizut, ANESTESIA taldea behin eta berriro izan dela zentsuratua Euzkadi gaztean.
> Esan Ozenki oso gertutik ezagutu nuen. Eta ondo dakit Edurne Ormazabali gustatzen ez zitzaiolako, betatua zegoela Zarautzko taldea irratiformulan, irratiformularako aproposoza ez zela (e.o. dixit) argudiatuz.
> Eta Tapia eta Leturiaren azken diskoa Hain zuzen, aurten irratiformulatik at egon da. Zergatik?
> Horrenbeste badakizu, hori ere jakinen duzu!
>
> Denok gara Xabier Montoia. Bai. Eta hau ere gezurra al da? Montoia zentsuratua izan da ala ez? Erantzun horri.....
>
> Euzkadi gaztea zuritu gura dutenek, badute zertaz kezkatu. Dudarik gabe.
>
>

#19. Kostaldeko trenean behintzat gaur

bertoko ¦ 2003-01-14 ¦ 17:23

Ba gaur behintzat Euskadi Irratiko Kostaldeko Trenean saioan, orain dala 30 minutu inguru, Martin Tejeriak bi kendu dizkio entzule guztiontzat.
Dana dala, hilaren 24an Lemoan (Arratian) joko dau.

#20. EITBn denak ez dira zentsuratzaileak, noski!

txotxi_moment ¦ 2003-01-23 ¦ 18:11

Hilabete baino gehiago igaro da, Xabier Montoiaren zentsura salatzen hasi ginela.
Normala da, zentsuzkoa, batzuek zentsura gainditzea.
Asko izan dira Eitben hori egin dutenak. Zorionak beraiei!

Gaur da eguna, Euzkadi gaztekoek jartzen ez dutena oraindik!

Denok gara Xabier Montoia.

#21. boikota euskadi gazteari

jose antonio ¦ 2011-07-03 ¦ 16:49

nere ustetan euskadi gaztea ez entzutea boikota da, baina pauso bat aurrera egin behar dugu. diru publikoa garai auetan horrela arrika botatzea ez da posible, gainera zertako eta gure musika lagundu ez, baizik eta burutik bera kaka egiteko. Musika espaņol eta komertziala bultzatzen dute.Egin irratia gutxiagokatik itxi zuten. Euskadi gazteak bere frekuentziak artu zituen bereez gain, beharko entxun 600 frekuentzi bait ditu.zerbait egin behar da, irrati zikin hori ixteko. gora Anestesia.

Erantzun (klik zabaltzeko)

Publizitatea