Caf-Elhuyar sariak banatu dituzte

Zientzia eta teknologiaren dibulgazio-liburuen proiektuak

Bi urtetik behin CAF-ELHUYAR sariketetan liburu bat idazteko proiektu bat saritzen da, eta aurten egokitu da beka proiektua saritzea. Beraz, alor honetan ere, badugu proiektu irabazlearen izena:

• “Euskal mikroenpresen demografia eta erregimen teknologikoak XXI. mendearen atarian”.

Iñaki Peña Legazkue da proiektuaren arduraduna. Donostiako Deustuko Unibertsitateko ESTEko kanpuseko irakaslea da Peña, eta beste bi irakasleren laguntza izango du ikerketa-lan hau burutzeko: Maria Jose Aranguren eta Miren Larrearena. Hain zuzen ere, orain bi urte Donostiako Udaleko Karlos Santamaria Beka irabazi zuen hirukote honek Donostia aldeko garapen ekonomikoaren azterketa egiteko.

Iñaki Peñak, honela azaltzen du lanaren nondik norakoa: "Aztertu nahi nuke Euskadin zenbat mikroenpresa sor-tzen diren, nolakoak diren, eta zergatik porrot egiten duten gehienek. Enpresa hauskorrak izaten dira, hiru edo laugarren urte baino gehiago irauteko arazo handiak izaten dituztenak. Hamarretik zortzi ixten dira lehenengo hiruzpalau urteetan. Ekimen publikoak oso garrantzitsuak izaten dira horrelako enpresa oso txikien kasuan. Adibidez, hor daude enpresa berrientzako inkubadorak eta garapen-agentziak; horrelako inkubadoretan, esaterako, elkarren oso gertu egoten dira enpresa-sor-tzaileak eta hartara solidaritatezko atmosfera izaten da».

Dibulgazio artikuluak

Aurtengo deialdirako zientzia eta teknologiaren dibulgazio-artikulu ugari aurkeztu da. Honako hauek izan dira sarituak:

• 1. saria: “Klonazio terapeutikoaren mitoak: egia eta gezurrak”. Egilea: Leire Escajedo San Epifanio. (Giza klonazioaren inguruko kritika eta gogoeta)
• 2. saria: “.....eta honetan sokak agertu ziren”. Egilea: Gorka Azkune Galparsoro (Mekanika kuantikoa, fisika)
• 3. saria: “Ahotsaren bidez mugak gainditzen”. Egileak: Iker Anega, Juan Jose Jubete, Karmele López de Ipina (Ordenagailuetan, telefonoetan..ahotsa detektatzeko teknologia berriak)
• Sari berezia: “Tumore-angiogenesia”. Egilea: Gorka Orive Arroyo (Minbizia sendatzeko teknika berriei buruzko gogoeta)

EPAIMAHAIA

Aurtengo epaimahaia, ohi bezala, euskarazko dibulgazioan eskarmentu handia duten profesionalek osatu dute:

• Javier Agirre, UZEIko langilea, medikua, OEEko lehendakaria.
• Jesus María Aizpurua, Kimikan doktorea, EHUko irakaslea
• Pili Kaltzada, Kazetaria eta zientzia-dibulgatzailea
• Jose María Rodriguez, goi mailako ingeniaria, CEITeko ikertzailea
• Koldo Nuñez Betelu, Geologian doktorea, EHUko irakaslea.