Sustatu.com > zinemaldiaCampanella gizajoa (2009ko palmaresaren balantzea)xme ¦ 2009-09-26 ¦ 19:12 ¦ zinemaldiaLarunbat arratsaldean jakinarazi dituzte Donostiako Zinemaldiko sariak, eta egunez egun lehian zebiltzan filmak aipatzen eta epaitzen ibili garenez gero, gisakoa izango da –halaxe adierazi didate Sustatuko arduradunek behintzat– sariak zer iruditu zaizkidan esatea.
Guztia irakurri ¦ 3 erantzunUme eta une galduak© cc-by-sa xme ¦ 2009-09-25 ¦ 18:54 ¦ zinemaldiaAurtengo Donostiako Zinemaldia amaitzera doa. Sail ofizialean, bihar eskainiko dute Rodrigo García-ren "Mother and child", Samuel L. Jackson eta Naomi Watts agertzen diren film estatubatuarra, baina hori lehiaz kanpo emango da. Lehiaketan parte hartzen duten azken bi filmak gaur bota dituzte: Isaki Lacuesta espainiarraren Los condenados eta Jeon Soo-il korearraren Yeong-do Da-ri edo "I came from Busan", Busandik etorri nintzen: ez batak ez besteak ez dute alaitu azken egunotan nagusi izan den tonu grisa; altxatu ordez are gehiago hondoratu ote duten esango nuke.
Guztia irakurri ¦ 2 erantzunDilema moralak eta bestexme ¦ 2009-09-25 ¦ 13:46 ¦ zinemaldiaFikziozko euskal film luzeak hain urri ditugunez, zorionekoak gara zerrendari beste bat eransten diogun bakoitzean. Oraingoan Zorion perfektua iritsi da, Anjel Lertxundiren eleberrian oinarriturik Jabi Elortegik zuzendu duen pelikula, Zinemaldiko Zabaltegi sailean eskaini dutena, perfektua ez den arren maila txukuna lortu duena. Guztia irakurri ¦ KomentatuMadril/Istanbulxme ¦ 2009-09-24 ¦ 14:37 ¦ zinemaldiaAski kementsu ekin bazion ere, azken aldera indarra galduz doa Zinemaldiko sail ofiziala, gaur erakutsi dizkiguten biak behintzat ez dira zinematografiaren historiara pasako: batetik La mujer sin piano (Pianorik gabeko emakumea) Javier Rebollo espainiarraren itxuragabekeria jasanezina, eta bestetik 11'e 10 kala (10 to 11 edo Hamaikak hamar gutxi) Pelim Esmer turkiarraren bitxikeria, ondo hasi arren bidean galtzen dena.
Guztia irakurri ¦ KomentatuGaztetxoak eta gurasoakxme ¦ 2009-09-23 ¦ 17:07 ¦ zinemaldiaAsteazken goiz honetan ikusitako bi filmak komentatuko ditugu: sail ofizialean bota duten "Blessed(2009_film)" ("Bedeinkatuak"), Ana Kokkinos australiarrarena, eta Zinemiran eman duten "La máquina de pintar nubes" ("Hodeiak margotzeko makina"), Patxo Telleria eta Aitor Mazo bilbotarrek zuzendua. Bietan agertzen dira familia-kontuak, gurasoen eta nerabeen belaunaldiak, baina hor amaitzen dira antzak oro. Guztia irakurri ¦ KomentatuAnakoretak eta mistikoak© cc-by-sa xme ¦ 2009-09-22 ¦ 14:29 ¦ zinemaldiaAurtengo sail ofizialak orain arte eskaini digun kalitatearen bataz besteko onak behera egin du asteartean, guztiz asmatzen ez duen film bat ikusi ondoren, Aaron Schneider estatubatuarraren Get low, guztiz huts egiten duen bat eman baitute, Bruno Dumont frantziarraren Hadewijch.
Guztia irakurri ¦ KomentatuMendebaldeko txepelkeriak, Ekialdeko izugarrikeriak© cc-by-sa xme ¦ 2009-09-21 ¦ 15:05 ¦ zinemaldiaAstelehen goiz honetan, Zinemaldiko sail ofizialean, bi film eskaini dizkigute, bi zinema-mota desberdin baino gehiago, bi unibertso diferenteetatik sortuak ziruditenak: Christophe Honoré frantziarraren: Non ma fille tu n'iras pas danser ("Ez, alaba, ez zara dantzara joango", "Making plans for Léna" izenburuaz zabaldu dena), eta Lu Chuan txinatarraren "City of Life and Death" (edo Biziaren eta Heriotzaren Hiria, jatorrizko izenburu ez zaigu eman). Guztia irakurri ¦ Erantzun batEgin gabe dagoen historia batendako harria© cc-by-sa xme ¦ 2009-09-21 ¦ 11:40 ¦ zinemaldiaEuskal zinemaren maratoian bertako produkzio guztiak nahas-mahas eskaini ordez, aurten Zinemira izeneko saila sortu dute, eta horren barruan bart gauean estreinatu zen Josu Martinezek egindako dokumentala, Itsasoaren alaba, non bi urte zituela GALek aita hil zion umea, 25 urte geroago, gizon hura nor zen jakiten saiatzen den. Guztia irakurri ¦ 4 erantzunZaurietan arakatuz© cc-by-sa xme ¦ 2009-09-20 ¦ 16:51 ¦ zinemaldiaZorteko izan gara igande honetan Zinemaldiko sail ofizialera etorri garenok, erakutsi dizkiguten bi filmak zinez ederrak izan baitira, guztiz estilo eta izaera desberdinetakoak izan arren: Juan José Campanella argentinarraren El secreto de sus ojos, batetik, eta Matthias Glasner alemaniarraren This is love, bestetik.
Guztia irakurri ¦ KomentatuAlpeetatik Côte Basquera© cc-by-sa xme ¦ 2009-09-19 ¦ 14:29 ¦ zinemaldiaLarunbat goizean, Zinemaldiko sail ofizialean, film espainiar eta frantziar bana ikusi dugu, biak ere interesgarriak arrazoi desberdinengatik. Batetik Fernando Truebaren "El baile de la Victoria", Antonio Skármetaren eleberri batean oinarritua eta Txilen girotua, eta bestetik François Ozon-en "Le refuge", bere zati handienean Lapurdiko itsasertzean filmatua. Trailer el Baile de La Victoria from estudiomariscal on Vimeo. Guztia irakurri ¦ KomentatuBelarria pizgailu© cc-by-sa xme ¦ 2009-09-18 ¦ 13:16 ¦ zinemaldiaHasiera dotorea izan du Donostiako Zinemaldiak, Atom Egoyan-ek zuzendutako Chloe filmarekin, luxuzko aktore protagonistak edukitzeaz gain (Julianne Moore, Liam Neeson), adi edukiko gaituen istorioa kontatzen baitu, eta hainbat galdera eginarazten: sexuaz, bikote barruko fideltasunaz, familiaz, jakitearen edo ez jakitearen abantailez...
Guztia irakurri ¦ KomentatuZer du Brad Pittek nik ez dudanik?xme ¦ 2009-09-18 ¦ 10:10 ¦ zinemaldiaDonostian jende guztia zoraturik dabil, eta gaitzaren uhinak abiada bizian zabalduz doaz, pandemia arriskutsuenaren moduan. Sekta bateko petzeroek bezala, bi silabako mantra bat errepikatzen dute guztiek uneoro: brad-pitt, brad-pitt, brad-pitt.
Guztia irakurri ¦ 7 erantzunZinemaldian erreportari gisa aritzeko haur eta gazteentzako casting-a Larrotxenen© cc-by-sa Donostia Kultura ¦ 2009-09-17 ¦ 11:32 ¦ zinemaldiaLarrotxene Kultur Etxeak Zinemaldiaren 57. Edizioari buruzko bideo-dokumentala egiteko haur eta gazte erreportari bila dabil. Castingean parte hartzeko 8-16 urte bitarte izan behar dira. Aukeratuek, talde profesional baten laguntzaz, kreditatuentzako soilik erreserbatuak diren Zinemaldiaren ekitaldietan sartzeko aukera izango dute. Horrela, jaialdiaren beste ikuspegi bat emango duen erreportajea egiterik izango dute, baita Zinemaldia bera barrutik hobeto ezagutzerik ere. Deialdia: Gaur, irailak 17, osteguna. 18:00-20:00. Larrotxene Kultur Etxea (Intxaurrondo kalea, 57). Donostia. Informazio gehiago: 943 291954.
Erref.:
Zinemaldian erreportari gisa aritzeko haur eta gazteentzako casting-a Larrotxenen (victoriaeugenia.com)
|
ZinemaldiaXabier Mendiguren Elizegi idazle eta editoreak blogari akredituta bezala jardun izan du, Sustaturen izenean, Donostiako Zinemaldian azken urteotan. 2009ko edizioan ere bai.
Gaiak
Azken erantzunak
|
