Google Currents Google-ko aplikazio berri bat da, aldizkari digitalak irakurtzeko. Blog bat, web gune bat edota zeozer baldin badaukazu kontatzeko, Google Current Producer erabiliz zure aldizkari digitala sortu dezakezu zure jarraitzaileek irakur dezaten. Eskuliburu bat sortu dugu (euskaraz dago) non ikus daitekeen nola sortu zure aldizkaria. Eskuliburua Ebook formatuan dago, eta Amazon-en daukazue eskuragarri (euro baten truke).
Auzolana, euskara eta teknologia: horiek izan ziren larunbatean Andoain tESL izenburupean ospatu ziren EraldaLAB jardunaldien ardatzak. Olatu talka eta Kilometroak 2012 ekimenen barnean egin zen jardunaldi hau: hitzaldi laburrak, bazkaria eta tailerrak antolatu zituzten, egunpasa ederra osatuz. Denbora mugatua izan arren, hausnarketarako tartea izan zen, etorkizunera begira jarraitu beharreko ildoen inguruan. Sustatu ere hantxe izan zen, Twitter bidezko kronika eginez, eta oraingoan hona hemen larunbatekoaren laburpena (EraldaLAB webgunean ere laburpenak, bideoak eta argazkiak aurkituko dituzu).
Hainbat gailu dituzula (tableta, smartphonea...) eta horien artean argazkiak edo fitxategiak trukatu nahi dituzula? Esku hutsez egin ahal izateko programa garatu dute: Sw˙ptransfer with a swipe of a finger. Ipini bi gailuak elkarren ondoan eta hatz kolpe bakarraz eraman ditzakezu fitxategiak batetik bestera. Oraingoz garapen fasean dago eta iOS-ekin bakarrik dabil.
Eraldaketa Sozialerako Laborategia egingo dute maiatzaren 12an Andoaingo Aita Larramendi ikastolan (Andoain tESL). Teknologia, auzolana eta euskara ardatz hartuta, ekintza, ekimen eta komunitateak ezagutu eta eztabaidatzeko laborategia izango da. EraldaLAB jardunaldien inguruko informazio gehiago aurkituko duzu hemen.
Raspberry Pi fundazio britainiarrak aste honetan bertan jakinarazi duenez, dagoeneko egia bihurtu da duela 6 urte abiarazi zuten proiektua: 30 euroko prezio izango duten ordenagailuak. Oraindik produkzio-fasean daude (datozen egunotan bukatuko omen da), baina dagoeneko eskaerak egin daitezke euren webgunean. Proiektu honen helburua da, ordenagailuak eta teknologia berriak munduko bazter guztietara zabaldu ahal izatea. Proiektua hardware libreko (open-hardware) Arduino plataforman oinarrituta edo inspiratuta dago.
Jakina da literatura eta komikiak eragin handia izan dutela robotikan, eta baita lan honetan ere: Iban Zalduaren Orbangabe sarrerako ipuina eta Antton Olariagaren komiki-tirak topatuko ditu irakurleak liburu honetan: Robot mugikorrak, Oinarriak.
Egile-taldearekin batera R-bot eta Xibot LEGO piezekin eraikitako robot mugikorrak ere izango dira.
Aurreko astean aurkeztu genituen jendaurrean BerbaTek proiektuaren emaitzak. Bertan, ikerketa asko egin da euskararentzako hizkuntza-, ahots- eta multimedia-teknologietan, baina emaitzarik ikusgarri eta deigarrienak muntatu ditugun hiru demoak izan dira. Artikulu honetan duzu zehaztasun gehiago demo hauen inguruan.
Datorren ostegunean, otsailaren 9an, GAZEkINITIATIVE SESSION 3.0 delako ekitaldia antolatu du goi hezkuntzako ikasle eta irakasleentzat. Donostiako San Telmo museoan egingo den Ideia Laborategi erraldoia izango da.
Captcha-k Luis Von Ahn informatikari guatemalarrak asmatu zituen, eta baita ReCaptcha enpresa sortu eta hura Googleri saldu ere bai. TED hitzaldi honetan (gaztelaniaz), kaptxez gain, bere oraingo ekimen eta enpresaz ere badihardu: Duolingo. Internet osoa itzultzeko asmoa duen sistema bat.
Dirudienez, gaur egun duela 10 urte baino askoz azkarrago hitz egiten dugu. Teknologiak azkarrago hitz egitera bultzaten omen gaitu. Kansas-eko Wichita State University delakoaren Ray Hull irakasleak egindako neurketen arabera duela 10 urte bataz beste minutuero 145 hitzeko erritmoa mantentzen zen (ingelesez), baina gaur egun nahiko arrunta da 160 eta 180 hitzeko erritmoak aurkitzea. Azkarregi esandakoa ondo ulertzeko. Azkarregi gure burmuinentzat.
Nintendo DS edo PSP batzuekin zebiltzan neska-mutilak aurkitu zituen Anjel Lertxundik jatetxe bateko bazkarian, eta irudi tristea iruditu zitzaion:
Helduak gisa onean —helduen gisan— hasi dira solasean. Hamar-hamabi urteko gaztetxoek, txintik ere ez. Pentsa liteke mahai hartan ez dagoela umemokorik. Baina guk geure buruak plateretatik jasotzen ditugun aldiro, gaztetxoak han daude. Laurek makinatxo bana dute eskuetan. Tak-tak-tak.
Anduk blogean lortu duen lehen erantzuna ere irakurtzekoa da. Nagusiak ere egoten dira batzuetan, toki publikoetan, makinaren pantailari begira...
Gaur egun teknologia berrien hedapena dela-eta, gero eta gutxiago erreparatzen diogu gure pribatutasunari: ordenagailua, telefono mugikorra, bankuak, sare sozialak... batzuetan ez daukagu oso argi nola egin behar ditugun gauzak, seguru egoteko norbaiten laguntza behar dugu. Horixe da ikastaro honen helburua: Teknologia berriak eta intimitatea.
Robot askok egin dezakete hegan, baina bat ere ezin izan da hegaldatu txori baten gisa, harik eta Markus Fischer eta Festo enpresako taldeak SmartBird sortu duten arte, berau robot handi baina arina, kaio baten moldean egina, zeinak hegan egiten baitu hegoei eraginez. Robot hegalariaren erakustaldiak mundu guztia jarri zuen zutik TEDGlobal 2011 konferentzian. Ikusgarria.
Suntsiketa handiak egin nahi dituenarentzat, edozer gauza apurtzeko gai den makina birrintzailea erakutsi zigun atzo boingboingek. Papera suntsitzeko makinen moduko bat, baina orotariko tamaina eta materialentzat ere balio duena. Hartu bost minutu eta ikusi bideoa:
Beste bi leherketa gertatu dira Fukushima Dai-Ichi zentralean, larunbatekoaren eta atzokoaren ondoren. 4. erreaktorean sutea piztu da, eta IAEA agentziaren arabera, bertatik material erradiaktiboa airera askatzen ari da zuzenean, orduko 400 milisievert. Gainera, 800 langiletatik, bakarrik 50 utzi dituzte zentralean; beste guztien ebakuazioa agindu dute. Material nuklearra urtu egingo dela ematen du, eta horren ondoren, ea altzairuzko edukiontziek eusten dioten.
Fukushima Dai-Ichi zentraleko beste kuboetako batek eztanda egin du duela pare bat ordu. Informazio batzuen arabera, ez dakite 3. erreaktorea izan den ala ondoko zentral termikoa, baina irudiengatik badirudi 3. kubo hori izan dela, erreaktorearen inguruko kutxa, 1. eztandan bezala.
