Frantziako eta Espainiako poliziek zabaldutako ustezko ETAkideen bideoan ez omen dira ETAkideak agertzen, Frantzian oporretan zeuden suhiltzaile katalan batzuk baizik, Kataluniako Generalitateak jakinarazi duenez.
Ezker Abertzaleak, agiri baten bidez, argipenak eskatu dizkio ETAri Paris inguruko herri batean gertatutkoaz. Agiriak dioenez, "ETAk aldez aurretik prestaturiko ekintza bat ez izateak ez die gertaerei larritasunik kentzen". Agiriko azken bi puntuak dira jarraian ageri direnak.
Euskadi Ta Askatasuna euskal erakunde armatuak urtarrilean argitaraturiko agirian azalduriko Prozesu Demokratikoaren aldeko posizioa berretsi beharko luke.
Eragile guztiek, eta bereziki Euskadi Ta Askatasuna-k eta Espainiar eta Frantziar Estatuek, prozesuarekiko konpromiso argi eta zehatzak hartu behar dituzte.
BAI EUSKAL HERRIARI ekimenak euskal nortasun ikurren erabilerari bultzada berri bat eman asmoz, webgune honetatik zuzenean Ikurriña zure etxera bidaltzeko aukera eskaintzen dizu. Egitasmo honekin 2010eko Aberri Egunean, Euskal Herriko etxe guztietan Ikurriña zintzilikatzea sustatu nahi du.
Igandean hiru bozkaldi ezberdin antolatuak dira Ipar Euskal Herrian.
Iparraldeko Euskal Irratiek gaualdi berezia antolatu dugu arratsaldeko 6etatik goiti. Datuak ere internetera igoko ditugu, www.euskalirratiak.info webgunera
France 3 telebista katearen arabera, Jon Anza preso ohiaren gorpua Okzitaniako Tolosako gorputegian dago. Iazko apirilaren 18an desagertu zen. Polizia iturrien arabera, Tolosako karrika batean konortea galduta aurkitu, erietxe batera eraman, eta astebeteko epean hil zen. Ordutik, gorputegian egon omen da hilotza. Amnistiaren Aldeko Mugimenduak esan du kasua "zuhurtasunez" hartzeko.
Imanol Murua Uria kazetariak (Zarautz, 1966) Loiolako hegiak kaleratu du, azken bake eta normalizazio prozesuaren kronika xehe bat, orain arte ezezagunak ziren hainbat datu ere plazaratzen dituena. Protagonista zuzenen lekukotasunean oinarrituz, guztiok arduratzen gaituen gai minbera bati buruzko berebiziko dokumentua lortu du, zeresana emango duena.
Gaur goizean aurkeztu da liburua prentsaren aurrean, eta bihar hilak 11 izango da jendaurreko aurkezpena 19.00etan Martin Ugalde Kultur Parkean (Andoain). Dagoeneko salgai dago liburua.
Patxi Lopezek zuzenean herritarren galderei erantzungo die, Irekia atariaren bidez, datorren astelehenean. Galderak berari zuzentzeko, jada egin dakizkioke Twitter erabiliz, #irekiaLe gakoa erabilita. Erantzunak, astelehenean, martxoak 8, 12:00ak eta 13:00 bitartean.
Asel Luzarraga blogari eta idazle euskaldunak Txilek bizi duen egoeraz idatzi du bere blogean. Hedabideek erakusten duten arpilaketa ez dela anarkia, medioek azpimarratu nahi duten bezala, baizik eta kaosa, sistemaren hutsen ondorioa. Etxeko arrestoan dago Luzarraga joan den otsailaren 20tik, baina akusazio sinsegaitzengatik prozesatua dago oraindik. Euskarazko bere blogean ere argitaratu du mezurik azken egunetan: poema bat, espetxean zela idatzi zuena. Asel Luzarraga Temucon dago, lurrikarak astindutako eskualdetik hegoalderago.
Legebiltzarrean, BECeko saskibaloi finalean, Gorbeako puntan... Espainiako bandera zabaltzeko batzuek duten grinak ez du mugarik. Azkenekoa Gipuzkoako Foru Aldundian: Epaitegiek bandera jartzeko agindu diote Diputazioari. Bandera zabaltzeko gogo-bizi horren aurrean, Espainiako banderarik behar ez dugunok beste norbaiti oparitu dieziokegu. Ea guk baino gusturago hartzen duen norbaitek...
UOC unibertsitate katalanak egindako inkesta baten berri emango dute ostiralean Madrilen. Ustekabean, Espainian Kataluniaren independentzia ez legoke hain gaizki ikusia. Baldin eta erreferendum batean, Kataluniaren independentziaren aldeko baiezko argi batek irabaziko balu, espainolen %52k independentzia onartuko luke. %72k Espainia eta Kataluniaren arteko sezesioa negoziatzea nahi lukete. Eta %64k uste dute oinarri demokratikoak gaurko legaltasuna baino garrantzitsuagoak direla.
Gaur jakinarazi da Lasarte-Oriako alkate Ana Urtxuegiak kargua utziko duela zeregin berriak hartzeko Txile eta Perun: sustapen ekonomikora dedikatzen den SPRI sozietate publikoaren ordezkari izango da herrialde hartan. Urtxuegia PSE-EEkoa da, eta 24 urtez izan da Lasarte-Oriako alkate, udalerriko alkate bakarra izatez, lehenago Hernaniko parte baitzen herria.
Latinoamerikarekin konexioak lehendik ere baditu Urtxuegiak, hedabideetan gaur bertan gogoratu dutenez, eta bereziki sonatua izan zen 2007an zabaldu zen bideo hau, zeinean Nikaraguan bultzatutako proiektu baten diruaren inguruan gogor mintzo den. Beheragoko estekan, bideo honetaz gain beste bat ageri da.
Jose Antonio Rekondo, Hernaniko alkate ohiak, epaitegian deklaratu du aste honetan Donostian, ustez informazio konfidentziala zena Interneten anonimoki zabaltzeagatik. Garak dioenez, epaitegiek ikertutakoaren arabera, Gipuzkoako Batzar Nagusietako ordenagailu batetik filtratu zen informazioa. Deklarazioan, filtraziorik egin izana ukatu zuen Rekondok.
ERCko zatiketa baten ondorioz sortu zen iragan udazkenean Reagrupament, Joan Carretero Generalitateko Gobernazio sailburu ohiak gidatutako alderdia. Lau hilabetetan 3.000 militantetik gora bildu ditu. Esquerrak hiruko gobernuan zuen zeregina ondo ez ikusteaz gain, Reagrupamenten ustez, ERC oso epe luzera begira ari zen burujabetzarekin. Aurten egingo diren hauteskunde autonomikoei begira, Carreterok agindu zuen datorren legealdian Kataluniako Legebiltzarrean independentzia aldarrikatzea eskatuko zuela. Eta horretan ziren kontuak joan den asteburuan alderdiko zuzendaritza zatitu den arte.
Atzo eta gaur eztabaida politikorako bi webgune elebidun ireki dira. Lokarrik Bakeprozesua.org delakoa aurkeztu du, eta abertzaletasunarekin kritiko diren beste zenbait elkartek, Aldaketa Politikoa Euskadin goiburuan daraman beste bat.
Asel Luzarraga idazle eta blogari euskalduna atxilotu dute Txilen terrorismoaz akusatua. Kargu zehatzak ez zaizkio leporatu, baina epaileak urtarrilaren 6a arte luzatu du behin-behineko atxiloketa epea. 2008ko abendutik Txilen bizi zen Luzarraga, itzultzaile gisa legalki lanean. Kontrainformazioko gune txiletar honetan, berriz, montajea salatu dute.
Azken hilabeteetan euskal nortasunaren aurkako gurutzada indartu eta bizkortu egin da Euskal Herrian. EITBko maparekin hasi eta testu liburuetako aldaketekin jarraitu dute. Baina ez da hemen amaitu, orain espainiar selekzio ezberdinen desfilea Euskal Herritik iragatea nahi dute, lehenik Gorbeako militarrak eta atzetik espainiarren sinbolo den Manolo ere badakarte.
Abenduan espainiarren erregea izango dugu EITBn mezulari. Hemen duzue BAI EUSKAL HERRIARIren irakurketa.
Eusko Jaurlaritzako Herrizaingo Sailari dagozkion bulegoetan eta atxikitako lokaletan hagak eta banderak jartzeko Ares jaunak 59.411,45 euro gastatu ditu. Hala ikus daiteke Legebiltzarrean Iñigo Iturrate jeltzaleak egindako galderari Herrizaingo sailak emandako erantzunean, azaroaren 24an Legebiltzarrean jasoa. Diru horrekin guztiarekin, bandera gutxiago erosi dituela esango nuke; garestiegi ordaindu ditu piper-poteak.
Ertzaintzak 2010ean estreinatuko dituen uniformeen argazki hau agertu da El Diario Vasco egunkarian. Txapelik gabeko uniforme berria ageri da bertan. Euskal polizien janzkeraren identitate-elementu historiko bat da txapela.
"Azken urteetako polizia operazio handiena" da EITBren arabera, operazioan 70 etxebizitza, gaztetxe, sozietate eta taberna baino gehiago miatu baitituzte EITBren arabera. Berrian 40 miaketa inguru aipatzen dituzte.
Alakrana bahituta egon den bitartean Euskal Herriko arrantzaleak ekartzeko aldarria bateratua izan da. Gaur balorazioa egin dute alkateek eta kritika zorrotzak egiteko momentua dela esan dute. Ozeanoaren beste aldetik, baina, beste ikuspuntu bat dute pirata eta arrantzaleen arteko tirabirez. Afrikako Indikoko kostaldean, arrain gehiago dago bertako ekonomiaren pizgarri, eta BBCk elkarrizkaturiko adituak ados daude: piratei esker da. Lau minutuko bideoa (azpidatziak gaztelaniaz), adi jarraitzekoa da.
