Argazkian ikusten den Euskaltzaindiaren batzorde honek telekonferentzia bidez egiten du lana, hilero egun erdiko saioa eginda: partaide batzuk Bilboko egoitzan direla (argazkian Xabier Kintana ageri da, joan den asteko bilera batean), eta beste batzuk Donostian. Euskaltzaindiaren Hiztegia: adierak eta adibideak egitasmoaren jarraipena egiten du batzorde honek zehazki.
Datorren astelehen eta asteartean Euskara 2.0 jardunaldiak izango dira EHUko Uda Ikastaroen baitan. EHUk Eusko Jaurlaritzako Hizkuntza Politikako Sailburuordetzarekin batera antolatu dituen jardunaldi horien helburua 2.0 izenez bataiatzen dugun mundu birtual horretako joko arau berrietan, eremu urriko hizkuntzek zer paper jokatu behar duten aztertzea da, aukerak eta zailtasunak ebaluatzea eta ondorio batzuk ateratzea.
Bi egunetan zehar, euskararen sustapenerako komunikazio-ekintzak burutzeko
moduaz jardun dugu 75 bat lagunek Donostiako Miramar Jauregian. Soziolinguistika
Klusterrak antolatutako Euskara komunikatu? Nor-nori-nork
ikastaroak hizkuntza-plangintzan dabiltzan profesionalak eta komunikazio-gaietan
adituak bildu ditu, besteak beste. Pilar Kaltzada eta Belen Uranga izan dira
zuzendariak; irakasle-talde jantzia eta anitza izan du oinarri, eta ikuspuntu
ezberdinetatik jorratu da gaia. Bertan egon ez zenak, Soziolinguistika
Klusterraren
webgunean aurki ditzakete ikastaroaren kronika, materialak, bideoak eta
bestelako informazio osagarria. Eta bertan egon zinetenok, zein inpresio han
entzundakoaz?
Lehenago ere hitz egin da Sustatun euskaraz irainak egiteko moduetaz. Duela holabete batzuk Zuzeuk atera zuen Fuck you esateko 100 modu beste hizkuntza batzuetan, baina euskaraz esateko hamaika modu ere badaude, joan zaitez popatik hartzera ezagunaz gain. Zerrenda bat egin dugu antzeko mezua euskaraz esateko 11 modurekin.
Ziurtagiriaren Elkarteak eta Arabako Foru Aldundiak Lazarraga Sarien lehen edizioa aurkeztu dute. Arabako arlo sozio-ekonomikoan euskararen alde lan egin duten entitateak edota pertsonak saritzea da xedea. Sari-banaketa ekitaldia irailaren 24an egingo da.
"Mintza hadi, lagun!" eskuliburuaren egile Ritxi Lizartzak hitanoari buruzko hitzaldi bat emango du Tolosan, ekainaren 22an (asteartea), Elduaien hizkuntza eskolak antolatuta. Arratsaldeko 18:30ean izango da, Gorosabel kaleko 40an. Gainera, uztailaren 5etik 16ra, ikastaroa emango du eta izena emateko epea zabalik dago.
Bai Euskarari Ziurtagiriak 10 urte bete ditu. Sortu zeneko irizpideari jarraituz indarrak batu eta biderkatu behar ditugu norabide berean. Atzera begiratzea ariketa ona izaten da aurrera segitzeko bulkada eta indarra hartzeko asmoarekin eginez gero.
Gaurko Zaldieroaren tirak erreferentzia egiten dio aste honetan ireki den BCBL zentroari (Basque Center on Cognition, Brain and Language delakoa). Elebitasunaren alderdi neurologikoak ere aztertu behar ditu zentro horrek (adibidez mintegi batean urrian), eta badirudi euskaldun elebidunak ondo datozkiela ikerketarako... baina ikerketa gai hutsa izango gara nonbait, ez nonbait informatuta egotea merezi dugun herritarrak, ze webgunea ingeles hutsez dago.
Egun tristea da gaurkoa euskaltzaleontzat. Izan ere, Iñaki Arregi Ihartza euskaltzalea, eta hainbat urtez euskararen alde lan egin duen lankideak utzi egin gaitu. Gaur goizean hil da, gaixotasun larri bati aurre egiten urtebete eman ondoren. Sorreratik UEMAren koordinatzaile izan dena gaur goizaldera hil da.
Mintzapraktika programek aisialdia, gozamena eta euskara uztartzen dute, eta, hiru elementuok kontuan hartuta, udan ere mingaina astindu nahi duten mintzalagunentzako aukera berri bat landu dute elkarlanean Topagunea Euskara Elkarteen Federazioak eta EHNE Euskal Herriko Nekazarien Elkarteak.
Hala, uda honetan euskara praktikatu nahi duten mintzalagun edo berbalagunek, Bizkaian (Busturialdean eta Mungialdean) dauden 17 baserritan izango dute horretarako aukera. Baserritarrek giro euskaldunean murgildu eta euskaraz bizitzeko aukera eskainiko dute, baserriko lanetan laguntzearen truke.
Osoa, leihakorra, nazionala / Euskara Batuaren bigarren jaiotza izeneko saiakera aurkeztu du Xabier Amurizak. Liburuaren eskaintzak dio:
"Euskara eguneroko lantresna dutenen artean, diskurtso handiak baino soluzio txiki bat nahiago duten guztiei".
Kirolean gabiltzala nekatu egiten gara, izerditu, batzuetan lehertu. Baina horrek guztiak konponbidea dauka orain, izan ere, Bermeok freskagarri berria dauka, KALINPAN izenekoa. Edari isotoniko honek egarria asetzen du, haren burbuilek indarra bikoiztu, kontzentrazioa zorroztu eta aurrera egiteko gogoa sortzen dute. Baina KALINPAN edaria baino gehiago da…
Zergatik jartzen dizkiete ingelesezko izenak ingelesarekin zerikusirik ez daukaten gauzei? Horietan azkena hauxe da: Tolosa&Co. Aurkezpenean egindako adierazpenen arabera "hiru hizkuntza batzen dituen leloa da". Tolosaco ere irakurri omen liteke.
Udako eskaintzaren barruan, aurton ere, praktikatzeko barnetegiak antolatu ditu AEK-k. Bi dira aurtengo eskaintzak; barnetegi ibiltari bat oinez izango da eta bestea bizikletaz.
Bihar ospatuko da Eibarren 2. urtez euskararen aldeko giza katea. Urkuzuko itturrian Gantxila urez beteko du Mogel Ikastolako kide batek eta eskuz esku Untzagara helduko da Egunkariko langile batek hartzeko. Herri guztia gonbidatuta dago ekintza parte hartzaile honetan batzera.
Googlek orain ordu batzuk jakinarazi duenez, beste bost hizkuntza gehitu ditu GoogleTranslate itzulpen-zerbitzuan. Oraindik ere Alpha egoeran (garapen fasean), baina euskara ere hortxe dugu, munduko beste 56 hizkuntzarekin batera.
Euskararen alde AEK-k antolatzen duen Korrika pixkanaka mundu zabalera hedatzen ari da, eta hainbat hizkuntza gutxituk hartu dute adibidetzat. Aurten egin dute lehen aldiz gaelikoaren aldeko Korrika, Rith 2010 eta Bretainian Ar Redadeg bretoieraren aldeko lasterketaren bigarren edizioa hasiko da astelehenean.
Urteroko ohiturari jarraipena emanez, Mendebalde Kultura Alkarteak jardunaldiak antolatu ditu, gai nagusia Bilbon, mundua ikusi izango delarik. Jardunaldiak Euskaltzaindiaren egoitza nagusian, Bilbon, izango dira, maiatzaren 7 eta 8an.
Herenegun, Patxi Lopezen igandeko gehigarri bateko elkarrizketaz jardun genuelarik, erreparatu genion eskumuturrean zeraman gailu ustez sendatzaileari. Baina Sustatuzaleoi esker elkarrizketa irakurri genuen ondoren, eta agian albisteago bihurtu da, euskaraz klaseetan piperra egiten duela edo Ibar Ezkerreko euskararen historiaz ze uste dituen lehendakariak. Gaia, orain, Eusko Legebiltzarrera heldu da.
Garabide Elkarteak DVD-liburuxka argitaratu berri du: Euskararen berreskuratzea: hizkuntzak biziberritzeko gako batzuk. DVDko dokumentalaren lehen emanaldia bihar hilak 22 izango da New York-en, Nazio Batuen Erakundeak antolatutako Munduko Herri Indigenen Biltzarrean. Izan ere, bertan izango da aurten ere Garabide Elkartea. Hemen dokumentalaren trailerra.
