Interneteko albistegia

telefonoa

Whatsapp eta egiaztapen bikoitzaren misterioa

Sustatu | 2012-05-31 : 15:05 | telefonoa

Zenbat eztabaida sortuko ote zituen Whatsapp aplikazioaren egiaztapen bikoitzak edo double checkmark delakoak! Pentsa zenbaterainokoa, aplikazioaren arduradunek misterioa argitu behar izan dutela Twitter bidez. Bigarren egiaztatzeak sortzen zituen zalantzak, zer esan nahi ote zuen, eta egileek adierazi dutenez, bidalitako mezua helburuko gailura ongi iritsi dela adierazten du, baina ez irakurria izan denik. Hona egileek zabaldutako tuita:

Elhuyarrek ebook-en eta smartphoneetarako aplikazioen prezioak egokitu ditu

Elhuyar Fundazioa | 2012-04-07 : 17:04 | telefonoa

Elhuyarren ebook batzuk doan eta besteak 4 €-an eskura daitezke. Smartphoneetarako Elhuyar hiztegiak 3 €-an eros daitezke.

Mugisketch lehiaketa Ordiziako Udalak antolatuta

Ordiziako Udala | 2012-03-12 : 09:03 | telefonoa

Ordiziako azokaren 500.urteurrena dela eta,udalak Mugisketch lehiaketa antolatu du. Nola ikusten duzu azoka? Nola bizi duzu azoka? Jaso zure esperientzia minutu bateko bideo batean eta bidali Ordiziako udalera. Izen-ematea eta baldintza guztiak Ordiziako udalaren webgunean.

iPhone-aren telebista-iragarki guztien bilduma

Sustatu | 2012-03-02 : 14:03 | telefonoa

Gaur egun Apple konpainiaren izar den iPhonea 2007. urtean kaleratu zen. Harrezkero 84 iragarki egin dituzte telefonoak saltzeko (Estatu Batuetan, bederen). Tim Nudd-ek guztiak bildu ditu Adweek aldizkariarentzat, 2007ko otsailean kaleratutako "Hello" izenekotik, azkenengoa den "Siri Road Trip" delakoraino. iPhonearen, merkatuaren eta Apple-ren ikuspegiaren eboluzioa ikusi dezakegu bertan.

Gazte-txartelaren iPhone-erako GeoDiscounts aplikazio berria

Gazte-txartela, Gazteria Zuzendaritza | 2011-10-12 : 08:10 | telefonoa

European Youth Carth-ek iPhone-erako bere lehenengo aplikazioa atera du Europa osoan Europar Gazte-txartelaren deskontuak geo-kokatzeko.

Uhinbak: euskarazko irratiak sakelakoan entzuteko aplikazioa

Bizkaia Irratia | 2011-09-28 : 08:09 | telefonoa

Euskaraz jarduten dugun 12 irrati sakelekoan entzuteko aukera dago Uhinbak ekimenari esker. Berria Fundazioak 2010. urtean euskarazko hedabide proiektuak laguntzeko Berria beka sortu zuen. Antxeta Irratiak FitBak enpresarekin batera garatutako Uhinbak izan da bekaren lehen emaitza.

Telefonoan euskarazko hitzen predikzioa nahi? Swiftkey-ren aukera

Sustatu | 2011-09-20 : 10:09 | telefonoa

Joan den astean telefono mugikorretako sistema eragileen euskaratzea aipatu genuen, baina badago beste modu bat non euskararen erabilpenak aurrera egin dezakeen gailu hauetan: teklak sakatu ahala hitzak asmatzeko predikzio sistemetan. Halako sistema bat garatu duen enpresa batek, hain zuzen ere, laguntza eskatu du euskaldunongandik.

Eguneraketa, irailak 20. Swiftkeyren euskararentzako lehen bertsioa prest dago, instalatu edo ikusi nola dabilen.

Telefono mugikorretako sistema eragileak euskaratzearen inguruan

Sustatu | 2011-09-12 : 08:09 | telefonoa

Telefono berrienetako sistema eragileen euskaratzeaz galdera zuzendu zioten Jaurlaritzari Eusko Legebiltzarrean, eta Kultura sailburuak erantzun du. Googlek Android-ekin urratsak agindu omen ditu, baina Apple OS eta Windows Mobile sistemetan ez dago esperantza handirik.

Whatsapp: mugikor bidez txateatzeko modako aplikazioa

Sustatu | 2011-08-29 : 10:08 | telefonoa

Whatsapp da aplikazio bat telefono mugikorretan instalatu daitekeena, zeinekin zure kontaktuekin doan txateatu dezakezun, Internet konexioa baldin baduzu bederen. iPhone, Android, Blackberry eta Nokia mugikorretan funtzionatzen du eta balio du testu-mezuak, argazkiak, bideoak edo audioak bidaltzeko, bakarkako txata zein taldekoa egiteko, eta baita hainbat lagunei mezu bera igortzeko.

ScreenShot

Zelan aurkitu lapurtutako Android telefonoa

Sustatu | 2011-08-27 : 09:08 | telefonoa

Zelan jakin non dagoen zure Android telefonoa, baldin eta gauerdian, Bilboko jaietan zaudela, lapur batek ostu badizu? Aplikazio bat dago, Plan B, zeina instalatzen baita telefonoan norberaren ordenagailutik, telefonoa galdu ondoren, ez lehenago.

Jarriko zenioke zure haurrari Nokia izena?

Joxe Aranzabal | 2011-08-25 : 12:08 | telefonoa

Eskuko telefonoa sekulako eragina izaten ari da gure bizitzetan, batez ere komunikatzeko orduan. Hala ere, Afrikan adibidez, eragin hori pertsonen izendegira ere iritsi da. John Traxler irakasleak hainbat kongresutan erakutsi duenez, KwaZulu-Natal eskualdean, Hego Afrikan, jende askok jarri dizkie beren haurrei telefono izenak: Nokia, Motorola edo Siemens, besteak beste. Ausartuko ginateke euskaldunok horrenbestera?

Nonick 2011: joan den asteburuko "mobile" munduaren inguruko biltzarra

Dani Reguera - CodeSyntax | 2011-06-22 : 09:06 | telefonoa

Urteroko elkargune interesgarria da Nonick, Interneteko aktualitateaz Euskal Herrian egiten den nazioarteko biltzarra, eta CodeSyntax aurten ere bertan izan da. Aurtengo edizioaren gaia izan da mugikorra, mobile mundua, eta zinez interesgarria iruditu zaigu.

KULTURiZE : kultur ekitaldi guztiak bateratzen dituen agenda

Akting Ingeniaritza | 2011-05-23 : 07:05 | telefonoa

Zure inguruko kultur ekitaldi guztiak bateratzen ditu KULTURiZE Android aplikazioak. Android aplikazio berri honek Euskal Herriko Kultur ekitaldi guztiak agenda bakarrean bateratzen ditu.

Euskal Herria eta 3G

Eneko Bidegain | 2011-05-12 : 10:05 | telefonoa

Bi estaturen artean zatiturik izatearen ondorio kaltegarri bat, euskaldunentzat: sakelako telefonoa eta 3G bidezko internet zerbitzua. Are gehiago, euskaldunek diskriminazio bat pairatzen dugu, arlo horretan: euskalduna izateagatik, nazioarteko prezioetan ordaindu behar ditugu euskaldunen arteko komunikazio asko.

Androidek iPhonearen merkatu-kota lortu du AEBetan: smartphoneen herena

Sustatu | 2011-02-18 : 07:02 | telefonoa

AEBetan Nielsenek egindako merkatu-ikerketa baten arabera, Smartphone mugikorren merkatuan %13 bereganatu zuen Android sistema eragileak 2009ko iraila eta abendua artean; eta hortik %27ra igo da azken urtebetean.

Telefonoaren titular aldaketak heriotza kasuan: doakoak dira baina kobratu nahi izaten dituzte

Josu Mendicute | 2011-02-04 : 09:02 | telefonoa

Telefono batzuen jabearen izena aldatu beharrean ikusi dut nire burua, jabearen heriotza dela-eta. Doan egin beharreko zerbitzua da (Movistarren behintzat), baina kobratu nahi izaten dute: batzutan 9 euro, 12 besteetan. Ez zaie aldaketa egitea interesatzen, nahiago dute hildakoaren izenean mantendu telefonoa. Horrela badakite ez zarela konpainiaz aldatuko.

Irekiaren iPhonerako aplikazioa

Sustatu | 2011-01-29 : 11:01 | telefonoa

Irekiaren urteurrena zela-eta asteartean hainbat datu eman zituzten prentsaurrekoan. Irekia webgunearen estatistikak emateaz gain, nabarmendu zuten iPhone eta iPaderako aplikazioa daukala Irekiak, eta laster egongo dela prest Android sistema eragilean erabiltzeko. iPhoneko aplikazioa probatu dugu, eta defektuz gaztelaniaz hasten da. Euskaraz jartzeko instrukzioak egin ditugu.

Antena 3ek telefono bidezko spama egiten du, 1,42 euroko mezuak lortzeko

Sustatu | 2011-01-20 : 09:01 | telefonoa

Antena 3 telebista telefono bidez iruzur ohiko bat egiten ari da: zuk zure telefono zenbakian halakorik jasotzeko baimenik eman gabe bidaltzen dizute mezua, sari bat irabazteko aukera handiak dituzula esanez, 1,42 euroko mezua bidal dezazun. Salaketa egiteko deialdia egin dute sarean.

3000 Hiztegia Android-en

Mikel Olasagasti Uranga | 2010-11-22 : 11:11 | telefonoa

3000 Hiztegia aspalditik daukagu sarean web bidezko kontsultak egiteko. Orain Android sistemetan aldiz aplikazio bat erabili dezakegu kontsulta hauek modu erosoago batean burutzeko.

Movistar eta euskara

Naparra | 2010-10-08 : 10:10 | telefonoa

Movistar konpaniarekin dut mugikorra. Mugikorra bera (aparatua, Sony) euskaratuta dut; dei linea (MOVISTAR) "hizkuntza aukeran" => euskara aukeratuta: deiak hartzeko, 123kin harremanetarako, Harrera mezua pertsonalizatuta... euskaraz. Baina, bada bostgarren edo seigarren aldia, bapatean DENA erdera hutsean azaltzen zait, bapatean, neuk deus agindurik eman gabe, itzali gabe, konexio etenik gabe.

Aurrekoak ››