Artxiboa: 2010 5

Arrasaten izan ginen lehengoan, Demokrazia Ekonomikoaren inguruan antolatutako topaketan. Bertan jorratutako gaiak, izugarri intesgarri egiten zaizkit. Lanaz aritu ginen, antolaketaz, pasioaz, soberaniaz, kudeaketa ereduaz eta abar. Eta baita kooperatibetaz, kooperatibak, demokrazia ekonomikoa bideratzeko formula bat izan daitezkeelako. (Demokrazia Ekonomikoari buruzko II. Topaketa transnazionala egin zen Arrasaten joan den ostiralean. Han izandakoaz kronika idatzi du Ander Goñik, eta bere blogekoa hona ekarri dugu bere lizentziari esker).

Israelgo armadak eraso egin dio Gazara nazioarteko laguntza humanitarioa zeraman untziei. 600 lagun inguru doaz 6 untziko multzoan, eta asaltoan hildakoak izan dira, 10 iturri gehienen arabera oraingoz. Zaurituak ere ez dira gutxi. Erasoa Meditarranioko zein puntutan izan den ez da argitu oraingoz.

edansornot.com taberna batean sortutako proiektua da. Hasiera batean barre egiteko besterik ez zen, baina azkenean webgunea sortu eta kodea argitaratu da. HOT or NOT gunearen klon bat da hauxe.

Gaur larunbatez da Eurovision jaialdia, 21.00etatik aurrera. Lehenagotik, 20.00etatik, Elgetako Espaloia Kafe Antzokian eta hementxe bertan, Euskovision ospakizun burugabe samarra. Sustatu eta La Personnalite-ren eskutik. Eguneraketa, igandea. Alemaniak irabazi zuen, Espainiaren aktuazioa ia hondatu zuen batek. Hori dena zuzenean komentatu genuen umore handiz. Jardun osoa gorde dugu erreferentziarako.

Aste honetan eratutako Metaposta zerbitzu-elkarte berriak "Interneten erabiltzeko moduko postontzia eta gordailu elektronikoa" abiaraziko ditu, hiritarrek agiriak doan, segurtasunez eta etengabe jaso eta gorde ahal ditzaten. Euskadi Informazio Gizartean 2010 Planari atxikitako proiektu garrantzitsua da hau.

Atzo Literaturiak Zarautzen antolatzen zuen bigarren eta azken jardunaldia egin zen Antoniano aretoan. “Euskal Literatura 2.0aren erronkak” gaiari helduta han izan ziren Hasier Etxeberria (Idazlea besteak beste), Mikel Elorza (Abokatua eta editorea) eta Imanol Epelde (filologoa eta blogaria).

Joan zen astean Europako finantza mapa hark harritu ninduen. Talde bat sortu dut flickerren, gaurko krisia irudikatzen –eta, ondorioz, ulertzen– lagun gaitzaketen irudiak biltzeko: Espainiarekin joango al garete?. Gehitu taldeari, mesedez, zuen irudiak. Nik Osborneren zezenaren ikono ezagunari esku-hartze txikia egin diot. Hau da nire ekarpena, oraingoz.

Hedabide batzuek gaur diotenez, Eusko Jaurlarizak albo batera utziko du ONA txartel elektronikoaren programa. Albiste horien arabera, 11 milioi euro inbertitu dira hiru urtean horretan. Batek kalkulatu duen bezala, egunean 18.000 euro hiru urtean.

Basshunter abeslariak suedieraz abesten du berez, baina bere Dota kantua ezagun egiten ari da Euskal Herrian, euskaraz abesten baitu hasiera. Bizitza jarri dantzan, bestela egiten du hotza.

Larunbatean Aramaioko San Martin eskolako jaia zela eta, joko eta tailerren artean, txantiloiak (stencilak) erabiliz hamar urte inguruko ikasleek bertako horma bat margotu zuten. Tag kutre eta bestelakoekin itsusitutako horma bati bizi berri bat eman, txantiloiak eta sprayak erabiltzen apur bat ikasi bakarrik ez, bide batez horma hori beraiena ere badela erakutsiz.

Wazemank-eko parodia honetan, Ander V. Gorosabel Apple Debagoienako sailburuak iPad-aren trukoak erakusten dizkio Maider Eguesi Teknopolis programan. Bada, hara, Euskal Herriko lehen iPad publikoa, Debagoienean estreinatuko da, larunbat honetan Euskovision topaketan. Elgetako Espaloia Kafe Antzokiak erosi du iPad hori, eta bertako wifi sarearen bidez bezeroek nabigatzeko erabiliko da aurrerantzean antzoki horretan.

euskaltube.com bideoak | Izenburua: Wazemank parodia: iPad-a Teknopolis-en | Erabiltzailea: sustatu

Udako Euskal Unibertsitateak (UEU), bere udako ikastaroak aurkeztu ditu, GERTU lelopean. Ekainaren 28tik uztailaren 23ra bitartean, 38 ikastaro prestatu ditu. Ekainaren 20an amaitzen da izena emateko epea www.ueu.org webgunean.

Estreinatu berri da euskal film bat, 80 egunean, hemengoa ez ezik, euskaraz filmatua, baita pertsonaien tankeran eta izaeran aspaldi ikusitako euskaldunena ere. Geure burua pantailan ikusteko aukeraz gain, baina, ondo egindako pelikula dela azpimarratu behar da, artisau onaren eskuz eta kariñoz ondua, maitasun istorio gazi-gozo bat kontatu eta ikuslea irri murritz batekin utziko duena.

Herriko kirol, kultur eta gizarte arloetan oso ezagunak diren aurpegi ugarik txosnetan izan dituzten bizipenak kontatze dituzte prestatu duten bideo interesgarrian.

Atzo izan zen Eurovisioneko lehen semifinala, eta gaur izango da bigarrena, finalerako aldez aurretik herrialde gutxik baitzuten pribilejioa. Geuk ere prestatu ditugu gauzak, Coveritliveko leihoa enkargatu dugu larunbateko Euskovisionerako. Gaur goizean, Euskadi Irratian 11.00etan, azalpenak emango ditu kontuaz La Personnalite-ko Goio Telletxeak. Berotu motorrak!

Gaur maiatzak 25, nazioarteko bi egun ospatzen dira. Eskuoihalaren eguna eta Geek harrotasunaren eguna. Beraz, Sustatuzale zareten heinean, espero dugu gauza izango zaretela galdera hauek erantzuteko:

• a) Zein koloretakoa da tropa inperialen uniformea Star Wars-en?
• b) Zein egoeratan gaude heriotza nuklearretik gertuago, Defcon 5 edo Defcon 1?
• c) Zerk ahalbidetzen dio Delorean bati denboran bidaiatzea?
• d) Zergatik da hain garrantzitsua eskupañua?
• e) Zein da Bizitza, Unibertsoa eta Beste Guztia azaltzen duen erantzuna?
• f) Zergatik da garrantzitsua 42 zenbakia?

Kirolean gabiltzala nekatu egiten gara, izerditu, batzuetan lehertu. Baina horrek guztiak konponbidea dauka orain, izan ere, Bermeok freskagarri berria dauka, KALINPAN izenekoa. Edari isotoniko honek egarria asetzen du, haren burbuilek indarra bikoiztu, kontzentrazioa zorroztu eta aurrera egiteko gogoa sortzen dute. Baina KALINPAN edaria baino gehiago da…