Artxiboa: 2005 7
Siesta sozialista: oporretan gaude
| 2005-07-30 : 06:07 | argazkia
Lagun baten amamak hala esaten dio Eibarren lo egiteko formula honi, lokuluxka sozialista, siesta sozialistia. Guk ere atseden hartuko dugu, atseden sozialista ala kapitalista ez dakigu, baina Sustatuk ez du jardunik izango (pentsatzekoa denez) abuztuan. Ondo izan.
Londreseko metroaren oharra
| 2005-07-29 : 08:07 | argazkia
BIDAIARI GUZTIENTZAT OHARRA:
Mesedez ez korri egin tranbiaren plataforman, bereziki motxilarik, beroki handirik edo kanpotar itxura baduzu. Neurri hau zure segurtasunarengatik da. Mila esker.
(Itzulpena gutxi gorabeherakoa da)
- Pilindrinaren blog-etik hartua.
Hizkunea, Jaurlaritzaren soziolinguistika agerkari elektronikoa
| 2005-07-29 : 07:07 | hizkuntza
Hizkunea Eusko Jaurlaritzaren Hizkuntza Politikarako Sailburuordetzak formato elektronikoan argitaratutako buletina da Honelako argitalpen dinamiko bati dagokion bezalaxe, atalok astero, hamabostero zein hilero egunera daitezke, albisteek eskatzen dutenaren arabera. Hortaz, e-postaz harpidetu zaitezke jarraipena egiteko.
vueling.com euskaraz
| 2005-07-28 : 08:07 | bweb
Poztekoa, Sustatuko batzuk merke-merke oporretara joateko erabili dute. Gainera, Vueling-ek euskara kontuan hartu izan du webgunea egiterakoan. Daten lokalizazioan edo bidaiari kopuruetan akatsen bat, zoritxarrez. Internet&Euskadi blogean ere aipatu dute.
Tagzania del.icio.us-en popularra
| 2005-07-28 : 08:07 | argazkia
Joan den astean ireki zenetik, irismen globala izan du Tagzania webguneak. Euskal Herritik sortutako ekimen honek, Taiwan, Brasil edo Alemaniako erabiltzaileekin dihardu, apurka apurka, mapak sortzen. Astebetez egon gara, gainera, del.icio.us-eko popularren zerrenda preziatuan (gaur jausi gara, oooh). Baina irudian gorde dugu, nola agertu zen han, Juanan Pereira lagunak bere nabigatzailean integraturiko feed-ari ateratako irudian.
Zer gertatzen zaio nire PCari?
| 2005-07-27 : 08:07 | argazkia
Arazorik PCarekin? Ziur baietz. Baina, inoiz pentsatu bere lekuan jarri al zara? Pentsatu duzu zenbateraino sufritzen duten erabiltzaile batzuen estuetan.
Rod Shelley zortzi urte darama informatika enpresa garrantzitsu baten lan egiten eta argazki galeria bat sortu du erabiltzaile ezjakinek ordenagailuei egindako zakarkeriekin.
Herri disketxeruntz
| 2005-07-27 : 08:07 | bweb
Gazte Mugi topaketetan eztabaidatu zen herri disketxe bat antolatzea, eta lehenengo pausoak aurrera doaz. Hona hemen bide honetan sortu berri duten webgunea.
Euskararen ofizialtasuna aldarrikatu du EHEk Baionako festetan
| 2005-07-27 : 07:07 | hizkuntza
Baionan eta Euskal Herri osoan! lelopean elkarretaratzea egingo du EHEk Baionako bestetan. Abuztuaren 7an, goizeko 11.30ean da hitzordua, San Andres plazan. Iruñeko zein Baionako herriko etxeetako ordezkariak izango dira bertan
Joan da Discovery
| 2005-07-26 : 17:07 | argazkia
Hor joan da zerurantz Discovery transbordadorea. Informazio zabala Nasaren webgunean.
Vexed, puzzle flasheroa
| 2005-07-26 : 07:07 | argazkia
Vexed flash-ean egindako puzzle bat da. Kolore berdineko piezak juntatu behar dira, eta automatikoki desagertzen dira. Baina, kontuz: kolore bateko pieza solte bat geratzen bazaizu, nola desagertarazi hura? Irudian ikusten duzue, 6. mailara iritsi garela batzuk. (Microsiervos-en irakurria)
Etxepare II. Literatur Saria
| 2005-07-26 : 07:07 | kultura
Nafarroako udaletako euskara zerbitzuek Etxepare Literatur Sariaren 2. edizioa antolatu dute, euskarazko literatur sormena eta produkzioa sustatzeko eta laguntzeko helburuarekin. Sariaren eta deialdiaren nondik norakoak oinarrietan azalduta daude.
Sustatu Polaroidean
| 2005-07-22 : 07:07 | argazkia
Horrela irakurtzen da Sustatu Polaroid argazki kamera batekin. Bueno, txantxa bat da. Polaroid itxurako irudiak sortzeko gaitasuna duen web aplikazio txiki batek eman digu emaitza bitxi hori. Pantaila irudiekin baino, argazki benetakoekin saiatu, eta itxuroso geratuko zaizue.
Musikaire eta Cibelle, Elorrion
| 2005-07-22 : 07:07 | musika
Musikaire Udako Jaialdiak Elorrion azken txanpara iritsi da. Asteburu honetan, udako jaiialdien seigarren asteburua izango da, eta azkena. Baina azken txanpa ere indartsu joko du Musikairek, izan ere, ostiral gaueko 22:30etan Cibelle izango da Elorrion, Brasilgo artista distiratsua. Hori dela eta, Radio 3 irratiak oihartzun handia eman dio ostiraleko kontzertuari, eta zenbait telebistak iragarri dute Elorrion izango direla, Cibelle-ren kontzertuaren irudiak hartzeko.
Mozilla Thunderbird Euskaraz
| 2005-07-22 : 07:07 | informatika
Thunderbird 1.0.6 atera berri da labetik eta honekin batera euskaratzeko itzulpen paketea aurkezten dizuegu. Orain arte itzalean beta bertsio bat izan dugu proban eta honakoa lan horren emaitza da.
600 milioi lagunek batera salto eginda lurra mugitu
| 2005-07-22 : 06:07 | bestelakoak
Interneten sortutako ekimena da. Modu sinkronizatuan saltarazi gura diote 600 milioi laguni. Esaten dutenez, lurraren orbita mugiarazi eta horrela berotasun efektua gutxituko. 2006ko uztailaren 20an egingo da salto. Dagoeneko 212.483.703 lagunek eman dute izena orldjumpday.org webgunean diotenez. Municheko Hans Peter Niesward maisuaren ikerketan oinarritua ei dago saiakera hau. Interesatuta bazaude izena eman eta salto!
Tagzania, mapak egiteko tresna globala
| 2005-07-21 : 10:07 | internet
Sustatu.com-en azpiegitura daraman enpresak, CodeSyntax-ek, bere bost urteko ibilbideko proiekturik garrantzitsuena eta anbiziosoena jarri zuen sarean herenegun gauez: Tagzania.
Ilargia zerekin egina dagoen
| 2005-07-21 : 07:07 | argazkia
Atzo, gizakia ilargia iritsi zela 26 urte bete zirela, Moon Google aurkeztu zuten, ia-ia Google Maps arrakastatsuaren ereduan, baina egiazki marketing jokaldi gisa, batik bat. Txistea ere bazegoen ezkutatuta jokaldi horretan: zoom gehienezkoa egin, eta ilargiaren osagai nagusia zein den ikus daiteke.
Todos.ez?
| 2005-07-21 : 07:07 | politika
Todos.es da ekimen bat Espainiako Gobernuak abiatutakoa. Euskarazko domeinu bat ere badute: Guztiok.es . Sorpresa bitxia aurkituko dugu hara barneratuz gero...
Harresihautsi ekimena Hondarribian: Musika eta eskultura
| 2005-07-21 : 07:07 | kultura
Musikari eta eskultore euskaldun, italiar eta greziarrak elkartuko dira ostiral honetan "Harresihautsi" deituriko kontzertu berezia gauzatzeko, Jaizkibel mendian. Juanjo Aranguren artistaren "Atalaya de Sancho III el Mayor" eskulturaren inguruko lurretan izango da, Hondarribiako farotik hurbil. Esperimentazioan eta inprobisazio librean oinarritutako kontzertu berezia izango da, ezohikoa.
Tiraka: Hizkuntza Politikarako sailburuorde berriari
| 2005-07-20 : 10:07 | hizkuntza
Administrazioko langileek euskararen normalkuntzaren inguruan duten blog interesgarrian, proposamen batzuk, eragiteko eskaerak, EAEko Hizkuntza Politikako Sailburuorde berriari, Patxi Baztarrikari. Probokazio puntu batekin, bai, baina asmo eraikitzaile eta positiboz ere bai.
