Artxiboa: 2002 3
A eredua desagertzeko bidean?
| 2002-03-27 : 10:03 | irakaskuntza
Anjeles Iztueta Hezkuntza Sailburuak 2002-2003 ikasturterako aurrematrikulazioaren datuak aurkeztu zituen herenegun. Datu horien arabera, A ereduak behera egin du aurten ere EAEn: umeen %8k eman du izena A ereduan. D ereduan, berriz, %61ek.
Udalekuak 2002ko webgunea
| 2002-03-27 : 10:03 | bweb
Txandak nola dauden, izena emateko zer egin behar den, era guztietako informazioa... Aste Santuan gaude, baina dagoeneko hasi gara Udarekin pentsatzen. Eguraldiak ere laguntzen du-eta... Udalekuen gaineko berriak jakitzeko webgunea da aurkezten duguna: Abaigar, Bernedo, Goñi eta Urdirotzera uda pasatzera joateko parada.
Goitb-n e-debagoienaz berbetan
| 2002-03-27 : 10:03 | internet
Goienak programa berezia eskaini zuen e-debagoiena aurkezteko Goitb telebistan. Programa Maria Agirrek zuzendu zuen, eta lau gonbidatuk e-debagoienak izan behar zuenaz jardun zuten.
Bizikletarekin 40.000 kilometro egingo ditu
| 2002-03-27 : 09:03 | bestelakoak
Sarearen bidez jarraitu daiteke bizikletaz egiten diharduen bidea. 40.000 kilometro egingo ditu eta 29 herrialde zeharkatuko. Eneko Etxebarrieta da bera eta hiru urte eta hilabetean emango dio buelta munduari. Opor egun hauetarako bizikleta ez da izango txarra. Aste Santua ondo pasa!
Euskal literaturaren webgunea, Egunkariaren eskutik
| 2002-03-26 : 22:03 | bweb
Euskal Literaturari eskainitako webgunea ireki du Euskaldunon Egunkariak. Gunearen webmaster edo arduradunak, Juan Luis Zabala Pipi idazle eta kazetari azpeitiarrak azaldu digu gunearen nondik norakoa.
Ikuiluetaraino heldu behar da Internet
| 2002-03-26 : 14:03 | internet
Atzo aurkeztu zen e-debagoiena proiektua. Pilotu izango omen da Euskal Herrian. Hainbatek eman zuten proiektuaren gaineko iritzia, baina originalena, beharbada, Gatzagako alkatearena izan zen, Joxerra Agirreurretarena: "Baserrietaraino eraman behar da teknologia berria. Kableak sats usaina izan behar du!" zioen.
Donostiako II. Antzerki Saria
| 2002-03-25 : 14:03 | kultura
Donostiako II. Antzerki Saria Vaiven taldearen "Lotsa gabe" antzerki lanari emango zaio martxoaren 27an Antzoki Zaharrean
Aurkeztu da e-debagoiena
| 2002-03-25 : 12:03 | internet
Aurkeztu da e-debagoiena. Gaur goizean han izan dira sinatzaile guztiak. MCC, MU, Euskaltel, Debagoieneko Mankomunitatea, Goiena komunikazio zerbitzuak eta Eusko Jaurlaritzako industria saila. Helburua: Euskadi Informazio Gizartean planaren barruan Debagoiendarrengana heltzea teknologia berriak emanez. Ezaugarri nagusiak aurrea hartzea eta lankidetza dira.
Aktore beltzak garaile Oscarretan
| 2002-03-25 : 07:03 | bestelakoak
Bi aktore beltzek irabazi dituzte aktore onenentzako sariak aurtengo Oscarretan. Emakumezko beltz batek (Halle Berry) irabazten duen lehen aldia da, eta gizonezkoen kasuan Denzal Washigton bigarrena da (Sydney Poitier bere aurretik, batek daki noiz...). Film onena, a Beautiful Mind.
Zerbitzu teknikoen eta enpresa-aholkularitzakoen sektorea EAEn
| 2002-03-22 : 00:03 | enpresa
Hego Euskal Herriko Aurrezki Kutxen Federazioak txosten sektorial berria argitaratu eta saretu du. Plazaratu berri den txostenak Zerbitzu teknikoen eta enpresa-aholkularitzakoen sektorearen azterketa egiten du. Txostenaren helburua sektore honek EAEn duen garrantzia ekonomikoaren ikuspegi orokor bat eskaintzea da.
Ibarretxeri buruzko liburua argitaratu dute
| 2002-03-21 : 19:03 | bestelakoak
Javier Ortiz kazetariak Juan Jose Ibarretxe EAEko lehendariaren inguruko liburua argitaratu du. Izenburu zuzen-zuzena du: Ibarretxe. Liburua, nagusiki, elkarrizketa formatukoa da. Ortizek galdetu eta Ibarretxek erantzun. Denetarik: familia, baserria, ikasketak, gustuko kontuak; politika ere bai, noski.
Newroz, kurduen eguna gaur
| 2002-03-21 : 15:03 | bestelakoak
Duela mende asko ospatzen dute kurduek beren aberri eguna, Newroz deitua. Kafe Antzokiak gertu sumatu izan du Kurdistan nazioa, eta, elkartasuna adierazi eta kurduen eguna ospatzeko, Kawa taldea arituko da gaur 22.00etatik aurrera. Talde honetako lau musikariek Kurdistango musika eta folklorea batzen dituzte beren abestietan.
Euskara eta informazio teknologiak: diru laguntza deialdia
| 2002-03-21 : 15:03 | dirulaguntzak
Euskarazko kultur edukiak informazio teknologien bidez hedatzeko proiektuetarako diru laguntzen deialdia kaleratu du Gipuzkoako Foru Aldundiak. Jaurlaritzako Kultura Sailak deitzen duen beste deialdi batez aparte, hauxe da Internetera eta teknologiara bideratutako proiektu euskaldunak laguntzeko euskal administrazioek eskaintzen duten laguntza-deialdi tajuzkoena.
Arrazakeriaren aurkako eguna zuzenean irratia.com-en
| 2002-03-21 : 15:03 | bestelakoak
Gaur, martxoak 21 Arrazakeriaren aurkako nazioarteko eguna da. Hori dela eta, Tas-Tas Irrati Librean 24 orduko programazioa ari dira egiten. AHLAN - ONGI ETORRI irratsaioa antenan dago atzoko 19.00etatik gaurko 20.00etara. Irratsaio berezi honetan etorkinek gurean bizi duten egoeraz jardungo dute, besteak beste. Musika ona, gonbidatuak eta sorpresa zenbait izango dira ere.
"Pete Cenarrusak ahoa isilarazi zion Rupérez jaunari"
| 2002-03-21 : 13:03 | bestelakoak
Idahon bizi den arrasatearrarekin, Nere Indarekin, elkarrizketa egin du Arrasate Irratiak. Horixe bera jaso dugu Sustatun ere. Hango senatuak Euskal Herriari autodeterminazio eskubidea aitortzen dion adierazpena onartu du. Erabaki horrek hainbat bazter harrotu ditu. Horren gaineko ellkarrizketa luzea duzu hemen.
Jakingarriak aldizkaria aurkeztu da, erabat berriturik
| 2002-03-20 : 23:03 | irakaskuntza
Mondragon Unibertsitatearen Humanitate Fakultateak, HUHEZIk, Jakingarriak aldizkaria aurkeztu du, diseinu berriarekin. Azken ale honek gai monografiko bat landu du: musika haurren garapenean.
IV. Bilboeszena antzerkialdia Kafe Antzokian
| 2002-03-20 : 21:03 | kultura
Udaberria hasi berri, urtero legez, Zenbat Gara elkarteak, Kafe Antzokiaren programazioaren barruan IV. Bilboeszena, antzerkialdi zikloa antolatu du. Hiru egunez jarraian era askotako antzerki emanaldiez gozatzeko aukera izango da, publiko eta adin ezberdineri zuzenduaz.
Rip-en letrek indar handia dute oraindik
| 2002-03-20 : 21:03 | kultura
Karlos Agirreurretak Goienkariak egindako elkarrizketa batean esan duenez: "Baliteke RIP taldearen letrek inoiz baino indar handiagoa izatea orain, putakeria izan arren." Punka zer den ere esan du: "Ezarpenaren aurrean inkonformista azaldu direnen jokaera da punka
Mandrake Linux 8.2 euskaraz
| 2002-03-20 : 11:03 | informatika
Hilabete luzetan itzultzen jardun ondoren, Linux Mandrake 8.2 bertsioa erabiltzaileen esku dago euskaraz. Eusko Jaurlaritzak landutako proiektua izan da hau, eta Elhuyar eta UZEI izan dira itzulpenaz arduratu direnak.
EHUren Euskara Institutua: terminologiaz jardunaldiak
| 2002-03-20 : 08:03 | hizkuntza
EHUren Euskara Institutuak irailerako prestatu duen Espezialitateko hizkerak eta terminologia izenburuko jardunaldiak aurkeztu nahi ditut, eta arlo horretan ari direnei dei egin nahi die euskara teknikoaren inguruko komunikazioak aurkezteko.
