Itzuli orri nagusira Bidali hau

Txosten berri aipagarria Iruña-Veleiako ostrakei buruz

© cc-by-sa  Juan Inazio Hartsuaga ¦ 2011-10-30 ¦ 10:37 ¦ historia

Duela gutxi irakurri dut Miguel Thompson-ek idatzitako COMENTARIOS SOBRE ALGUNOS GRAFITOS DE Iruña-VELEIA artikulu mamitsua (PDF). Ez da gaiari buruzko n-garren iritzi artikulua. Gauza oso zuzenak oso zehatzak eta oparo dokumentatuak esaten ditu adituen hainbat iritzi sendo-itxurako kolokan jarriz. Edo horrela ematen du behinik behin.

Publizitatea

Ostrakak agertu zirenean izugarri poztu nintzen; gero, adituen txostenak irakurri nituenean zeharo konbentzturik geratu nintzen, han esaten ziren hainbat gauza bueltarik gabekoak zirelakoan, iruzur galanta izan zela guztia; eta orain berriz, artikulu hau irakurri ondoren, zinez ez dakit zer pentsatu behar dudan.

Artikuluaren maila ikusita, gutxienez adituen aldetik erantzun bat eskatzen duela iritziko nioke. Eta dena den, bat nator artikulugilearekin, amaiera gisa gai hau ongi itxi behar dela dioenean. Izan ere, badirudi erakundeek iruzurraren hipotesia arinegi hobetsi, eta hain erabaki larria hartzeko beharko liratekeen froga zientifikoak eta aditu batzorde benetan independienteen txosten teknikoak egiteke daudela oraindik.

Artikulua, esteka honetan dago irakurgai: http://euskalherria.indymedia.org/media/2011/10//77590.pdf

Erantzunak

#1. Re: Txosten berri aipagarria Iruña-Veleiako ostrakei buruz

Juan Martin Elexpuru ¦ 2011-11-02 ¦ 08:50

Bikaina da txostena, bai, eta badirudi zenbaiti begiak zabaltzeko balioko duela Thomson-en lanak. Dena dela, Juan Inazio, ematen du hau dela irakurtzen duzun era honetako lehen txostena, eta dagoeneko Lurmen-ek 16 aurkeztu ditu epaitegietan, oso onak asko, eta denak daude Interneten.

Inor ez da profeta bere herrian, baina euskarazko grafitoak sakon aztertuta daude Hector Iglesias filologo lapurtarraren txosten mardulean: Les inscriptions de Veleia-Iruna (frantsesez), nire gaztelaniazkoan eta Iruna-Veleiako euskarazko grafitoak liburuan.

#2. Re: Txosten berri aipagarria Iruña-Veleiako ostrakei buruz

Juan Inazio Hartsuaga. ¦ 2011-11-02 ¦ 10:04

Eskerrikasko Juan Martin. Arrazoi duzu, ez nuen artikulu horien berri. Gustura irakurriko ditut.

#3. Re: Txosten berri aipagarria Iruña-Veleiako ostrakei buruz

Juan Martin Elexpuru ¦ 2011-11-06 ¦ 20:16

"Iruña-Veleia: herri-lotsa":http://goiena.net/iritzia/show/iruna-veleia-herri-lotsa/ iritzi-artikulua argitaratu du ostiraleko Goienkariak.

#4. Re: Txosten berri aipagarria Iruña-Veleiako ostrakei buruz

Hector Iglesias ¦ 2011-11-11 ¦ 14:42


Koldo Mitxelenaren obra osoa (berr)irakurtzen ari naiz (2011an Gipuzkoako Foru Aldundiak argitaratua).

Eta begiratu zer idazten zuen Mitxelenak 1953an ?

Mitxelenak idazten zuen :

”NO DEBEMOS OLVIDAR, SIN EMBARGO, QUE NO SERÍA LA PRIMERA VEZ QUE LOS DESCUBRIMIENTOS DE TEXTOS HAN DEMOSTRADO COSAS QUE LOS LINGÜISTAS ESPECIALIZADOS HABÍAN DECLARADO IMPOSIBLES”(Mitxelena, Obras completas, III. Liburukia, PALÆOHISPANICA, 205. orrialdea)

#5. Re: Txosten berri aipagarria Iruña-Veleiako ostrakei buruz

Furunda ¦ 2011-12-22 ¦ 14:18

In-presionantea! Txintxustatuta geratu naiz!

Ez dakit nik benetazkoak izango diren ala ez, baina txosten honek erantzuna behar duela adituen aldetik, horretan ez daukat zalantzarik, argi geratzen baita orain arte emandako txostenak arinkeria handiz edo ausarkeriaz idatzi zituztela, ez dakit ezjakintasunean edota gaiztakerian oinarriturik.

Bestalde, prozesua nola garatu den, ondorioetan azaltzen dituen irregulartasun guztiengatik dimisio batzuk ere eskatuko nituzke arlo politikoan zein akademikoan (batez ere, Gorrotxategi). Berez etorriko ez balira, Jaurlaritzak, Parlamentuak edo EHUk esku hartu beharko lukete.

Erantzun (klik zabaltzeko)

Publizitatea

 Nabigatu euskaraz