Jon Juaristiren alde

Mendigurenen artikuluaz idatzi zuen atzo, igandez,
Amatiñok:

Mendigurenek azpimarratzen duen paradoxa zera da: Josu Urrutikoetxeak Eusko Legebiltzarraren Giza Eskubideen Batzordean partu hartu izana salatu zutenek ondo ikusten dute orain Jon Juaristi Euskararen Aholku Batzordean. Eta, alderantziz, partaidetza hura ondo ikusi zutenek ez dute oraingo hau onesten. Eta... biak ontzat emango bagenitu?

Gaur igo dute Ortzadar gehigarria pdf batean (1,8 MB). Mendigurenen artikulua 3. orrialdean aurkituko duzue.

Nik ez dut bereziki asko esatekorik Jon Juaristiren alde. Eta Patxi Lopezek esandakoek ere ez naute bere alde jartzen. Baina gauzatxo bana bien alde:

• Juaristik artikulu bat atera zuen, EABra deitu zutela eta.


• Lehendakariaren esanak publiko egin ziren, Irekian. Oso ondo. (beste kontu bat da Irekian gero irakurri dudan hau, malintencionadas etiketarekin, eta ohi bezala, euskararik apenas dakien batek idatzita nonbait).

Euskararen Aholku Batzordearen bileran izan ziren, eta zerbait bazuten esateko Lopezek eta Juaristik. Lourdes Auzmendi sailburuordeak ere egin ditu agerpen batzuk hedabideetan.

Baina horietatik aparte, ematen du bakarrik egon zirela pertsona horiek EAB-n. Edo han ez zela beste ezer komentatzekorik izan, ez aurretik, ez bertan, ez ondoren. Mikel Belaskoren iruzkin batzuk (artikulu honen erantzunetan, gaztelaniaz) aurkitu ditut Lopezek esanak kontestuan jartzen. Baina hortik aparte...

WTF? "Euskararentzako arrisku larriena gaur ez dira jonjuaristiak, halakoen mamua astinduz kontzientzia lasaitu nahi duten erdal praktikanteak baizik"?????



Y vuelta con la burra al trigo, hona hemen erdal praktikante sutsu bat, "kommite" horretara deitu ez dutena: ni neu. Baina gune hau, antza, euskaraduna denez, zuen hizkuntzan arituko naiz, errespetua eta itzala zer den ondotxo ezagutzen dudanez (gurasoek eta gizarteak irakatsiak, eta tamalez ezin dut gauza bera esan euskarari buruz). Bestela, ez egin dudarik gaztelaniaz idatziko nituzkeela nire iritziak, zeuon ehuneko ehunek bezala-bezalaxe, euskaldun praktikante sutsuak.



Juaristik, Lopezek eta enparauek jo dituzten harrikadak jaso eta gero (nik, horiez bestela, estimu handian dut euskara, horiez bestela gogoak hala aginduta ikasi nuen eta, horiez bestela, ez naiz horren kontra gaizki esaka ibiliko), idazlan honen egileari bururatzen zaion gauza bakarra da esatea ze Juaristi jauna oso irakasle jatorra izan dela bere garaian eta lan asko egin duela? Horixe behar genuen, gure diruarekin alferkerietan ibiltzea! Baina, horrez gain, erdal praktikante sutsuok omen gara transmisio etena baino edenagoak, juaristiak baino ganbaratik pitzatuagoak (barkatu, ez dut esan nahi gizon hori burutik dagoenik, baina botatzen dituenak botata hala ematen du).



Burutik egon behar dugu Gonzalez izenda eta lehendakariak esportatzeko adina ditugun herrikoak izanda, erdaraz, hots, gure ama hizkuntzan, aritzeko, sutsu gainera. Are gehiago ederki kostata ikasi eta gero. Zertarako atera genuen EGA? Zertarako ikusi genuen Goenkale, kulebroizaleak izan barik? Zergatik Dragoi Bola, frikiak izan barik? Gero euskaraz auzokoaren txakurrarekin ere gaztelaniaz egiteko? Zertarako gurasotu gara, gero umeei gaztelaniaz egiten badiegu gure ama (eta gure amaren) hizkuntza delako eta bisitan goazkionetan gaztelania hutsez egiten badugu "salmantina" horren aurrean?



Ez, hobe da euskaraz barra-barra aritzea, auzoko "terrorista" izatea, umeei kaka ematea euskaraz haiek gaztelaniaz (eskola hizkuntza erreala) erantzuten dizuten bitartean. Hobe da CLAN ez sintozinatzea eta DORAESPLORADORA edo BOESPONJA barik berebiziko espioiak ikus ditzatela, nahiz eta gero Paninik haiek kromo bildumarik ez atera. Hobe umeak ere euskalfriki bihurtzen baditugu. Hobe berrogei kanal ibili beharrean ETB1 baino ez badugu ikusten, hori bai, jonjuaristien lagunen paridak euskaraz entzun ahal izateko, (lasai bi-hiru urte barru "betikoak" itzuliko dira eta ETBren ur gazia gernikakokakola bihurtuko da atzera, oi mirariaren ederra!).



Euskararen arloan jan-gizon eta jan-emakume asko dago, eta erraza da mundu errealean bizi garenen kontra aritzea, euskaraz badakigu eta ez dugu erabiltzen, ai ene bekatari, tira, izan zintzo eta korrikaren kamiseta erosi, zoaz Durangora edo Eroskira eta bete saski-gurdia "euskal produktuekin", batez ere "haur literatura"... eta erosi bi periodiku ilustratzeko, bat euskaraz, astelehenetan izan ezik, eta bestea erdaraz, etxeko ez-euskaldunek ere TBn zer dagoen jakin ahal izateko...



Asesore deituko banindute, txit irakasle txit jator txit txistosoaren ondoan edo ordez, jakingo nuke nik ekarpen xumeak egiten, neure gorringotik ateratakoak, adibidez, eta soziologoa izan barik, ederto azalduko nieke zergatik ez dugun egiten euskaldun zatarrok euskaraz.



Patxik ezin du argiro esan, ez azaldu, zergatik ez dakien euskaraz etz zergatik se la sopla, eta zergatik uste du, askok bezala, euskaldun fededun zaharkitu horren ordez, euskalduna metralletaduna dela, lehendakari jarri dutelako eta itxurak, nekez bada ere, gorde behar direlako. Jonjuaristiei "se la sopla" itxurakeria, bost axola berari. Euskararen arerio gaiztoak euskararen inguruan aholkuak ematen jartzen hasita, bada, geu, euskaldun zatarrok, jar gaitzatela, horrela "del enemigo, el consejo" harrapatuko dute.



Bueno, banoa dokumental bat "streamin´"-en ikustera, Sinde mamua agertu aurretik, ea euskarazkorik topatzen dudan... azpititulutan bada ere. Perdonad los gaizkiesanas eta besterik balego, gogoan hartu.



Me vuelvo a erdaralandia, ke los txikitxus ya salen de ikas. Abur.

Nik ulertzen dudanez, ditxosozko batzorde horrek Eukararen Aholku Batzordea du izena eta bere lana kontestu batetik abiatu beharko da eta ez zerotik. Ondorioz, ez du balio esateak denok gaudela "proiektu desberdinen arteko debate eta eztabaidaren alde", pluraltasunaren izenean ez badugu nahi errebisionismoan erortzea.



Jon Juaristiren izendapena dela eta galdera xinple bat okurritzen zait: zertarako behar ditu euskarak gizon horren "aholkuak"?.

Klig izeneko blogean ere erantzun diote Xabier Mendigureni.

Goiko artikukuan azaldu dizute, bada, zertarako behar den halako xelebre bat Batzordean... bera bezala erdaraz barra-barra euri eta eguzki, ur eta güisqui, aritzen garen euskaldun zikinosook akuilu izan dezagun...



Akuilu bai, baina ez dakit zertarako zehazki. ETB1 ikusteari uzteko, euskal produktuak erosteaz behingoz paso egiteko, seme-alabei Uxue barik Vanessssa bezalako izen glamourosoak ezartzeko, Juaristiren fede berriaren altzoan gerizatzeko, edo euskaraz jo ta su aritzeko, ahora que parece que va a dejar de ser delito y simplemente va a ser un gesto inutilagoa irlandar abiadorearena baino.

Diferentzia (askotarik) bi:



- Jon Juaristiren eta Josu Urrutikoetxearen izendapenak alderatzeko (hori zilegi balitz) bigarrena etakidea zenean izendatu behar zuketen, zeren eta Juaristik ORAIN baitu (aspaldixetik egia esan) euskararen aurkako jarrera, ez Mendigurenek aipatzen dituen lan onak egin zituenean.



- Jon Urrutikoetxeak ez zuen esan, nik dakidala, "ETAren biktimak bost axola niri" edo horrelakorik; Juaristik, aldiz, esan berri du euskararen etorkizunak epel uzten duela...

Pello Salaburuk eta Patxi Baztarrikak Diario Vascon erdaraz kontatu dituzte bilerakoak.

Keep your friends close, but your enemies closer



(Manten itzazu gertuan zure lagunak, baina are gertuago etsaiak).

Zaldieroak tira batean jarri du Blanca Urgellek ia esan zuena, alegia, zuzenean esan gabe ulertzera eman zuena.



http://berria.info/zintak/zaldieroa/2011-01-29/



Jakina, euskara maite dutenek ez ezik, gorroto dutenek ere eskubidea dute ekarpenak egiteko. Azken Bake Nobel Saria Barak Obamari eman zioten, Kirmen Uribe da euskal idazle bizien artean ospetsu eta txalotuenetako bat: gure garaiotan edozer absurdo da posible.



Zorionak Portuko Gonsales jaunari: espezial pasarazi dit, eta arrazoi osoa du.

Xabier Mendiguren Elizegik esaten digu berak Unibertsitatean Jon Juaristi irakasle izan zuela eta hau jakintsu eta adeitsua zela, ez naiz ni dudatan jarriko duena bere iritzi hori, bainan iritzi horren erabat kontrakoa da 1997.ko Apirilaren 12an EGIN egunkariak argitaratutako artikulu hau. Artikuloa

Eskerrik asko JGAAri.



Artikulu horren berri lehenago izan banu, beharbada ez nuen idatziko neurea.

Jon Bollarrek euskaraz Garan bilerakoak.

Unai Brearen joan den azaroko artikulua Argian, Jon Bollarrek presiditzen duen UEMA elkarteaz.