Interneteko albistegia

Adierazi EH manifestazioa debekatu du Audientzia Nazionalak

© cc-by-sa Sustatu ¦ 2010-09-09 ¦ 15:10 ¦ politika

Eguneraketa, osteguna, 15.OO: Ismael Moreno Audiantzia Nazionaleko epaileak debekatu egin du Adierazi EH manifestazioa.

Larunbatean eskubide zibil eta politikoen aldeko manifestazioa dago deitua Bilbon, baina Audientzia Nazionaleko fiskaltzak debekua eskatu du gaur. Haren aburuz, deitzailea, Adierazi EH plataforma, "Batasunaren jarraipena besterik ez da eta ETA erakunde terroristaren aginduak betetzen ditu." Manifestaziora deitu dute, besteak beste, ezker abertzaleko kideek, Aralar, Alternatiba eta Eusko Alkartasunak, EHNE, LAB eta ELA sindikatuek, eta Lokarri mugimenduak. Manifestazioa irailaren 11n da, 17.30etan abiatzekoa da Bilboko Aita Donostia plazatik.

Erref.: Adierazi EH manifestazioa debekatu du Audientzia Nazionalak (www.europapress.es)

Publizitatea

Erantzunak

#1. Re: Adierazi EH manifestazioa debekatzeko eskatu du Audientzia Nazionaleko fiskaltzak

Josu ¦ 2010-09-08 ¦ 15:46

Aralarrek ere deitu du, bazpare, jartzea ahaztu zaizue eta.

#2. Re: Adierazi EH manifestazioa debekatzeko eskatu du Audientzia Nazionaleko fiskaltzak

Sustatu ¦ 2010-09-08 ¦ 22:53

Zuzendu dugu. Eskerrik asko.

#3. Adierazi EH deialdiari eusten diote antolatzaileek

Sustatu ¦ 2010-09-09 ¦ 18:53

Manifestazioaren deitzaileek eutsi egiten diote deialdiari. Agerraldia izan da arratsaldean Bilbon, eta EAko Rafa Larreinak eta EILAS sindikatuko Arantza Fernandez de Garaialdek hartu dute denen izenean hitza.

Berriako Politika alorreko analistak, Pello Urzelai, Moreno epailearen autoa jarri du bere blogean, bere analisiarekin batera.

#4. Re: Adierazi EH manifestazioa debekatu du Audientzia Nazionalak

Biladi Hadi ¦ 2010-09-10 ¦ 19:32

palestinatik ere adierazi euskal herria! ekimenari elkartasuna adierazteko euskal herriko hainbat kazetarik, musikarik, zinegotzik eta musikarik gaur jerusalemen grabatu dugun bideoa:
http://ttiki.com/16508