Interneteko albistegia

Armiarmaren azpian

© cc-by-sa josu barandiaran ¦ 2010-07-22 ¦ 07:34 ¦ argazkia

Guggenheimeko armiarmaren azpian, 360ºko argazki bat. Ekin saguarekin irudiaren gainean, eta scroll gurpilarekin ere bai.

Publizitatea

Lehengoan Bilbon negoela kamara hartu eta ibiltzera joan nintzen goizeko orduetan.Guggenheimeren aurrean ikusi nuen nire argazkia. Azken bolada honetan 360ºko argazkiak egiten aritu naiz eta armiarma ikusi bezain pronto konturatu nintzen bere azpian egin nezakeela zerbait. Argazkiak egin eta gero ordenadorearekin burrukatzen aritu nintzen akats guztiak zuzentzen (zer edo zer zuzentzeko gelditu bada ere) gustora gelditu arte.

Pantaila osoan ikusteko egin klik hemen.

IMG_450719.swf 1961KB (2008832 byte)

Erantzunak

#1. Re: Armiarmaren azpian

iker ¦ 2010-07-22 ¦ 08:49

ze programarekin egin duzu flash-a??

#2. Re: Armiarmaren azpian

Nekane ¦ 2010-07-22 ¦ 13:59

Oso polita!! Nire ondoko batek esanda: ke pasada!!

#3. Pedagogia pixka bat mesedez!

Eli ¦ 2010-07-22 ¦ 15:39

Ederra benetan, Josu. Zeuk ere badakizu. Baina merezitako harrotasunez erakusteaz gain, ondo legoke erakutsiko bazenu nola egiten diren halakoak.

Badakit kamera askok stitch funtzioa dutela (ez da ezinbestekoa, baina laguntzen du). Kamera tripodean muntatu eta argazkiak egiten joan, apurka biratzen, 360 graduko itzulia osatu arte. Modu manualean egitea komeni da, diafragma-irekitzea eta abiada berdinak izan daitezen argazki guztietan (automatiko utziz gero, argazki batzuk besteak baino argiago edo ilunago agertzen dituzte gune berak eta gero oso zaila da hori konpontzea).

Gero irudi editore batean itsatsi behar dira argazkiok, panorama osatzeko.

Baina nola gordetzen dira gero irudiok? Zein da formatua? eta nora igo behar dira horrela ikusteko eta erakusteko?

Mesedez lagundu, nik ere nahi dut halakoak egin!

#4. Re: Armiarmaren azpian

Aittor ¦ 2010-07-22 ¦ 16:09

Etxeko txikiak buelta eta buelta ari dira armiarman zehar. Zorionak, Josu!

#5. Re: Armiarmaren azpian

josu barandiaran ¦ 2010-07-22 ¦ 22:27

Egia esan txiripaz atera zen ondo argazkia. Tripoderik gabe atera nintzen etxetik eta armiarmaren azpian
12 argazki egin nituen. Kamera erretratu moduan jarrita nahiko dira 12 argazki erabiltzen dudan fish-eyerekin
buelta osoa egin ahal izateko. Gero argazki bat goruntz eta beste bi beheruntz. Azken bi hauek editatu
behar dira nire oinak agertzen ez diren beste jpg berri bat sortu ahal izateko. Gero dena lotu PTGui
programarekin, eta noski lan asko Photoshopekin, batez ere kasu honetan.Horrela sortzen dut 1:2 proporzioa
duen jpg bat. Gero hau pt2vr programarekin flash formatura pasatzen dut.

#6. Re: Armiarmaren azpian

eli ¦ 2010-07-23 ¦ 09:13

Eskerrik asko argibideengatik, Josu.

Tripodearekin eginez gero askoz errazagoa izango zen gero Gimpen edo muntatzea.

Halere, primeran geratu zaizu.

#7. Re: Armiarmaren azpian

Iker.- ¦ 2010-07-23 ¦ 12:55

Mundiala! Nik ere aspaldidanik nahi izan dut horrelako panoramikak egin, baina ez nekien zein programa ziren beharrezkoak. Lortu dududan gauza bakarra da 360 gradutako jpg edo tiff luze bat, baina ez bertatik nabigatzea posible den irudi bat. Eskerrik asko azalpenengatik eta zorionak, panoramika bikaina baita!

#8. Re: Armiarmaren azpian

Txopi ¦ 2010-07-23 ¦ 14:48

360 graduko argazki gehiago 360Cities.net webgunean: Bilboko armiarmara gauez, Butroiko gaztelua, Donostiko Urgull mendia, Bidarteko eliza, Iruñeako San Frnatzisko enparantza eta Euskal Herriko beste hamaika txoko.

Erantzun (klik zabaltzeko)