Interneteko albistegia

Zenbat pertsona izan ziren Bartzelonako manifestazioan?

© cc-by-sa Gari Araolaza ¦ 2010-07-12 ¦ 10:17 ¦ politika

Mariano Ferrer handiak aspaldi erakutsi zigun manifestazioetara joaten den jendea kontatzea oso erraza dela. Zifren nahastearen gainetik, deigarria egin zait oraingoan nola El Paisek berak dioen 56.000 pertsona izan zirela Bartzelonan.

Publizitatea

Miloi bat eta erdi ala 56.000?

Beste medioetan begiratu besterik ez dago, ematen dituzten zifrak ikusteko. Antolatzaileen iturriak edo Bartzelonako udaltzaingoa iturri moduan hartuta, miloi bat, miloi eta erdi eta horrelako zifrak ematen dituzte ABC, El Mundo eta horrelakoek. Inork ez du neurketa metodoaz hitz egiten.

El Paisek aldiz, iturri gisa EFE aipatuz, 56.000 da ematen duen zifra. Baina zifra altua dela esan dute, oso manifestazio gutxitan izaten direlako honelako kopuruak.

Lynce enpresa

Badirudi EFEk Lynce enpresa kontratatu duela neurketa egiteko. Enpresa honek aireko argazkiak erabiltzen ditu batez ere eta gero ordenagailuak eta eskuzko neurketa konbinatuz kalkulatzen du zenbat pertsona joan den manifestazio batetara.

Izan ere sistema zientifiko ugari izango direla iruditzen zait. Ingurune naturaletan animalien populazioak neurtzeko metodoak ikusi izan ditugu dokumentaletan, hegazkinez argazkiak atera eta gero rotuladore batez eskuz kontatzen ikusi izan dugu.

Lynce-ren webgunean beste manifestazio batzuetako datuak ikusi daitezke, baita beste datu iturriekin konparatuta ere ( Manifestaciones ) . Hor ikusten da oso normala dela antolatzaileek zifra errealak 10 edo 50 aldiz biderkatzea.

Erantzunak

#1. Re: Zenbat pertsona izan ziren Bartzelonako manifestazioan?

Sustatu ¦ 2010-07-12 ¦ 11:11

Lynce enpresak egindako estimazioak ez zaizkie asko gustatu katalan abertzale batzuei. Twitterren, txantxarako, #lyncefacts gako-hitza ari dira erabiltzen agerikoak izan daitezkeen disparateekin kritika egiteko.

#2. Re: Zenbat pertsona izan ziren Bartzelonako manifestazioan?

Lola ¦ 2010-07-12 ¦ 14:14

Ni, manifan izan nintzen, 3 orduz geldirik egon ginen. 56.000 pertsona?

#3. Re: Zenbat pertsona izan ziren Bartzelonako manifestazioan?

Josu ¦ 2010-07-12 ¦ 20:54

Facebookeko ekitaldi baten 29.000 pertsona bertan egon direla esaten... ez dakit, baina niri oso jende gutxi iruditzen zait ikusitako argazkiak ikusita. Agian izango da datu potoloak entzutera ohitu garela...

#4. Re: Zenbat pertsona izan ziren Bartzelonako manifestazioan?

Doraemon ¦ 2010-07-13 ¦ 10:23

Bi aukera:

1) Enpresa honek arrazoia du eta erabiltzen duen metodologia teknikoa oso zehatza da eta azken hamarkadetan engainatuta bizi izan gara manifen zifra-kontuentan eta orain arteko manifa guztiei (zati 10) eragiketa matematikoa egin behar diegu eta orduan ez gara hainbeste eta ez gara hain indartsuak eta ez dugu ezer ulertuko eta...

2) Enpresa hau ere beste norbaiten zerbitzura dago eta zientifikotasun-itxura horren azpian, ezkutuko intersak daude eta datuak manipulatzen dituzte. Euskobarometroa ere oso zientifikoa omen da, ez?

#5. Re: Zenbat pertsona izan ziren Bartzelonako manifestazioan?

Inazio Usarralde ¦ 2010-07-14 ¦ 09:15

GARAkoek (lehen EGINerako egiten zuten moduan) aspaldi darabilte metodo txukun bat manifestazioetako jendea zenbatzeko. Galde diezaietela eurei!

#6. Contrastant taldeko bi kide ohien idatzia

Mikel Iturria ¦ 2010-07-19 ¦ 18:19

Kaixo. Vilaweb-ek aipatu du gaur Contrastant taldeko bi kide ohien artikulua. Ez dut hemen artikuluaren lotura egingo (word bat delako; nik utzitakoan badago lotura bat), baina Miquel Almirall eta Vicent Conca sinatzaileek aipatu dute 2003ko otsailean Bartzelonan Irakeko Gerraren aurka izandako manifestazioan bildutako jendea bildu zela duela egun batzuk egindako mobilizazioan. Orduan, 340.000 lagun zenbatu zituzten.

Erantzun (klik zabaltzeko)