Interneteko albistegia

Euskara 2.0 jardunaldiak izango dira EHUko Uda Ikastaroetan

© cc-by-sa Ivan Igartua, Eusko Jaurlaritzako Hizkuntza Politikarako Sailburuordetza - Koordinaziorako zuzendaria ¦ 2010-07-09 ¦ 14:40 ¦ hizkuntza

Datorren astelehen eta asteartean Euskara 2.0 jardunaldiak izango dira EHUko Uda Ikastaroen baitan. EHUk Eusko Jaurlaritzako Hizkuntza Politikako Sailburuordetzarekin batera antolatu dituen jardunaldi horien helburua 2.0 izenez bataiatzen dugun mundu birtual horretako joko arau berrietan, eremu urriko hizkuntzek zer paper jokatu behar duten aztertzea da, aukerak eta zailtasunak ebaluatzea eta ondorio batzuk ateratzea.

Publizitatea

Horretarako esperientzia handiko hizlariak izango dira mahaian, Euskal Herrikoak eta kanpokoak: Jeremy Evas (The Welsh Language Board. Whales. UK), Maite Goñi (Jakintza Ikastola, Ordizia), Gorka Julio (Elurnet. Bilbo), Luis Angel Fernandez Hermana (Citilab. Barcelona) eta Unai Fernández de Betoño (Arkitektura Goi Eskola Teknikoa. Donostia-San Sebastian. UPV/EHU)

Aurten, beste ikastaroekin egiten ari diren moduan, streaming bidezko bideo jarraipena egingo da eta EHUko Uda Ikastaroen historian lehen aldiz, Twitter bidez ere hitzaldiak jarraitu ahal izango da.

Twitter bidez mezuak idazteko hashtag edo gakoa honakoa da: #eu20

Erabiltzaile izena berriz hau: @euskara2puntu0

Jardunaldi hauetarako prestatu den ataria: www.euskadi.net/euskara2puntu0

Jardunaldien egitaraua.

Erantzunak

#1. Re: Euskara 2.0 jardunaldiak izango dira EHUko Uda Ikastaroetan

Eli Pombo, Euskara 2.0 jardunaldien koordinatzailea ¦ 2010-07-09 ¦ 16:00

Lotura bat gaizki emanda dago. Jardunaldien informazioa, twitter bidezko jarraipena eta dokumentazio guztia jasotzen duen webgunea ez dago www.euskadi.net/euskara2puntu0 helbidean, baizik eta euskara.euskadi.net atariaren barnean aurki daiteke eta zuzenean sartu nahi izanez gero, hona hemen helbidea forma laburrean emanda:

tiny.cc/45ku7