Itzuli orri nagusira Bidali hau

Tourra eta Sustatuko "tropeltxoa"

© cc-by-sa  Sustatu ¦ 2010-07-01 ¦ 07:56 ¦ kirola

Mundialarekin nahikoa ez, eta asteburuan Frantziako Tourra hasiko zaigu! Aurten ere Tropela.net webgunean porra egiteko aukera izango duzue, urtero bezala. Eta nahi izanez gero, Sustatuzaleon artean ere lehiaketa egiteko aukera daukagu, Sustatu tropeltxoa martxan dago eta. Animatu eta eman izena! Larunbateko 16.00ak arte dago astia, baina ez gehiago! Irabazleak sari txiki bat ere izango du.


Argazkiak.org | Tropela.net © cc-by-sa: asarasua

Publizitatea

Tropela Elkartea 2005ko martxoan osatu zen, teknologia berrietan euskaraz bete beharreko gabeziak indartzeko asmoz. Elkarte horren lana da Tropela.net webgunea, txirrindularitzaren inguruko lehiaketak (porrak) sortzeko plataforma. Tourrean ez ezik, Vueltan eta Giroan ere parte hartu daiteke.

Urtetik urtera parte-hartzaileen kopurua gora joan da. Tropela.net, beraz, aitzindari ez ezik, erreferentzia ere bada euskarazko Interneteko produktu eta lehiaketen alorrean.

Sustatuzaleok ere parte hartu izan dugu Tropela.net-eko lehiaketetan eta aurten ere hantxe izango gara. Eta hementxe gonbidapena Sustatuzale guztioi: egin zure porra eta erakutsi zu zarela Sustatuzaleon artean nagusi!

Parte hartzea doakoa da eta oso-oso erraza:

  1. Tropela.net webgunean izena eman (ez baduzu honezkero eman, jakina)
  2. Zure faboritoen kiniela bete.
  3. Behin kiniela bete ondoren, Sustatuko tropeltxoan izena eman. Tropel irekia da; ez duzu ezer berezirik egin beharko.

Larunbatean hasiko da Tourra. Aurten, 97. edizioa. 20 etapa eta prologoa, 3642 km, 52 erlojuaren aurka, 25 mendi handi eta dozenaka txiki, pabesa, 22 talde eta 198 txirrindulari,....

Uztailaren 25ean ikusiko dugu nor nagusitu den. Bai Parisen... eta bai Sustatun!

Irabazleak sari txiki bat ere izango du.

Erantzunak

#1. Re: Tourra eta Sustatuko "tropeltxoa" (eman izena larunbata bitartean!)

asier ¦ 2010-07-01 ¦ 11:55

Aupa, animo! Honezkero 30 lagundik gora gaude Sustatuko tropeltxoan. Gutxi falta da Tourra hasteko. Non dago Marino?

#2. Iban Lizundia Durangokoak irabazi du Sustaturen Tourreko tropeltxoaren lehia

Sustatu ¦ 2010-07-26 ¦ 15:44

Iban Lizundia (Durango) izan da irabazlea, Sustatuzaleen porran. Guztira 5976 puntu atera ditu eta porra nagusian 378. gelditu da. Iban, irakurtzen baduzu hau, jarri kontaktuan gurekin datu-orriaren bidez (utzi zure telefono eta e-posta helbidea) edo Facebook-eko Sustaturen horman mezua lagata, eta erantzungo dizugu, oparitxo bat zain duzu eta.

Azkenean, 54 lagunek hartu dugu parte Sustatuko tropeltxoan.

Podiuma:

  1. Iban Lizundia
  2. Daniel Azpiroz (Andoain) (423. porra orokorrean)
  3. Gorka Labaka (Errenteria) (1016. porra orokorrean)

Iban durangarraren porra:
Contador, Alberto
Menchov, Denis
Schleck, Frank
Wiggins, Bradley
Cancellara, Fabian
Gesink, Robert
Cavendish, Mark
Farrar, Tyler
Boasson Hagen, Edvald
Ciolek, Gerald
McEwen, Robbie
Martinez, Egoi
Txurruka, Amets
Brajkovic, Janez
Chavanel, Sylvain
Millar, David
Rodriguez, Joaquin
Sanchez, Luis Leon
Van Den Broeck, Jurgen

Porra orokorra, Tropela.net-ekoa, Leitzako "Txatxok" irabazi du, 6.965 punturekin.

Eta txirrindularien puntuak begiratuta, hauexek 15 onenak:

  1. Schleck, Andy 1233
  2. Contador, Alberto 1127
  3. Petacchi, Alessandro 762
  4. Cavendish, Mark 738
  5. Sanchez, Samuel 645
  6. Menchov, Denis 613
  7. Cancellara, Fabian 498
  8. Hushovd, Thor 438
  9. McEwen, Robbie 422
  10. Rodriguez, Joaquin 396
  11. Van Den Broeck, Jurgen 391
  12. Gesink, Robert 348
  13. Hesjedal, Ryder 340
  14. Rojas, Jose Joaquin 327
  15. Chavanel, Sylvain 322
Erantzun (klik zabaltzeko)

Publizitatea

Tropeltxoa Tourrean!

Tourrarekin batera, Sustatuzaleon artean ere lehiaketa izan dugu, Sustatu tropeltxoan Iban Lizundia Durangokoak irabazi du, eta sari txiki bat du zain. Hortik badabil Iban, jar dadila gurekin kontaktuan, mila esker.

Tropela.net-en zerbitzu bikainari mila esker!