Interneteko albistegia

Krisia eta aterabideak Euskal Herritik

© cc-by-sa Gaindegia, Komunikazioa ¦ 2010-06-28 ¦ 12:17 ¦ ekonomia

Gaindegiak uztailaren 1ean, goizeko 11:00etan hasita, Donostiako Koldo Mitxelena Kulturunean, mahai ingurua antolatu du "Krisia eta aterabideak Euskal Herritik" gaitzat hartuz. Gaindegia Txostena 2009 argitalpenarekin sortutako ekimena da honakoa. Anton Borja (EHUko irakaslea), Nekane Jurado (Ekonomia Zientzietan Lizentziaduna) eta Baleren Bakaikoak (GEZKIko Zuzendaria) Carlos Etxeberri (Noticias de Gipuzkoa) kazetariaren gidaritzapean beraien ikuspuntua emango dute gaiaren inguruan. Saioa irekia da interesa duen ororentzat.

Publizitatea

Asistentzia baieztatzeko: jardunaldia@gaindegia.org.

EKITALDIA

Ekitaldi mota: mahai ingurua
Gaia: Krisia eta aterabideak Euskal Herritik
Parte hartzaileak:
- Anton Borja, EHUko irakaslea, Industria Injeniaria eta Ekonomian Doktorea.
- Nekane Jurado, Ekonomia-zientzietan eta aktuaritza-zientzietan lizentziaduna eta psikologoa Masterduna ogasuna eta administrazio publikoan.
- Baleren Bakaikoa, EHUko Ekonomia Aplikatuko Katedraduna eta GEZKIko (Gizarte-Ekonomiako Euskal Behatokia) Zuzendaria.
Data: UZTAILAK 1, OSTEGUNA
Lekua: Donostia, Koldo Mitxelena Kulturunea, Areto Nagusia
Ordua: goizeko 11:00ak.
Hizkuntza: gaztelania
Izen ematea: jardunaldia@gaindegia.org

Saioa irekia da interesa duen ororentzat.

Erantzunak

#1. Re: Krisia eta aterabideak Euskal Herritik

Amets Gereka ¦ 2010-06-28 ¦ 12:53

Euskal Herriak eta munduak bi aterabide ditu:
1. Sistema honekin jarraitzea, hau da, langileek eta oro har, zapalduenek eraso gero eta gogorragoak jasanez zulo honetatik aterako ginateke, baina langabetu, prekarietate eta zapalkuntza tasa ikaragarri batekin; gerora berriro zuloan erortzeko.
2. Sistema honekin behin betiko amaitu eta langileen kontrolpeko ekonomia planifikatua oinarri duen sistema sozialista bat eraikitzea.

Aspaldi esan zuen batek: Sozialismoa ala basakeria?