Itzuli orri nagusira Bidali hau

Windows 7: euskarazko bertsioa prest dago jada

© cc-by-sa  Sustatu ¦ 2010-06-10 ¦ 10:27 ¦ informatika

Windows 7 sistema eragilearen euskarazko bertsioa prest dago, eta Microsoft-en webgunetik jaitsi eta instalatu daiteke. Windows eta Office-ko azken euskaratzeak bezala, LIP izeneko pakete arin batekin instalatzen ahal da euskaratzea, baina horretarako, jakina, Windows 7 martxan izan behar duzu ordenagailuan.

Publizitatea

Euskaraketa hau, eta baita sareko Live aplikazio multzoarena (Hotmail eta abarrak), ekainaren 17an aurkeztuko dituzte, Bilboko Campos Eliseos antzokian, 19.30etan. Blanca Urgell Eusko Jaurlaritzako Kultura sailburua eta Montserrat Pardo Microsoft Ibericako ordezkaria izango dira aurkezpenean. Era berean, ekitaldian Kirmen Uribe eta Mikel Urdangarinen Internet Kafe ikuskizuna programatu da.

Ekitaldia online jarraitzeko aukera egongo omen da, hemendik. Baina horretarako Microsoften aplikazioren bat instalatu beharra dago: ez da bideo streaming ireki eta estandarra izango, ematen duenez.

Microsoften LIP erako aurreko euskaraketen berri:

Erantzunak

#1. Re: Windows 7: euskarazko bertsioa prest dago jada

tolon (Pedro Arreitunandia) ¦ 2010-06-10 ¦ 12:37

Albiste ona da, asko erabiltzen diren softwareak dira eta euskaraz egoteak euskaldunontzat ona da.

Antzerako zerbait gertatu zen 2008ko ekainean, eta oraingoan esatera natorren berdina esan nuen : ondo dago Microsoftek euskararen alde egiten dituenak txalotzea, baina Jaurlaritzatik zergatik ez dute honelako ekitaldiak antolatzen software libreko produktuak direnean ?

Ia bi urte pasa dira, eta orduan nire blogean idatzitako post hartan ubuntu 8.04 distribuzioaren pantailazoak jarri nituen. Oraingoan ubuntu 10.04arekin nabil, eta tartean 8.10, 9.04, 9.10 bertsioak erabili izan ditut. Denak euskaraz, eta barruan nituen aplikazioak ere euskaraz. Euskaraz lehenengo egunetik, ez hilabete batzuk pasa ondoren.

Noiz ikusi ahal izango dugu Eusko Jaurlaritzako kultura sailbururen bat hau ospatzen ?

Berriz diot, Microsoftek egin duena ondo dago eta zoriontzekoa da, baina ez ditzagun beste alternatiba libreak ahaztu, berdina eskaintzen digute urte osoan.

Orain arte izan ditugun agintariekin ohitua geunden joera hauek ikusten, baina hauek ez al ziren @irekiak ?

#2. Re: Windows 7: euskarazko bertsioa prest dago jada

jotairri ¦ 2010-06-10 ¦ 16:45

Guztiz bat Tolon, neu ere hainbat gnu-linux distribuzio (debian, arch, mandriva -azken honek itzulpenik profesionalena, nire iritziz) euskaraz ditut aspaldi, komunitatearen lan eskergari esker.
Portzierto, zer gertatzen da applerekin? zergatik euskal administrazioek ez dute bultzatzen apple-en softwarea euskaratzea?

#3. Re: Windows 7: euskarazko bertsioa prest dago jada

EgiBidean ¦ 2010-06-17 ¦ 17:35

http://www.euskara.euskadi.net/r59-738/eu/contenidos/nota_prensa/software_berria_eusk_09_02/eu_hps/software_berria_eusk_09_02.html

#4. Re: Windows 7: euskarazko bertsioa prest dago jada

Elizabeth ¦ 2010-06-17 ¦ 23:25

Kaixo! Ekimena ikusi duen inork kontatuko ote digu zelan? (O-gailua zahartua daukat eta ezin izan dut audio/bideoa jaso; azken pps. aurkezpena bai, ordea, ikusgai zegoen eta hunkitu egin nau. Microsofteko euskaldunberriak kontatu duena. Ondoko Interneteko galdera-erantzun saioak ere ... Tira, alde hartatik ere itzelezkoa izan da; bazegoen ... tira, alde denetatik konektatutako jendea.)
Agur bero bat

#5. Laguntza!!

Bilbotik ¦ 2010-07-08 ¦ 14:01

Norbait saiatu al da deskargatzen eta ezin izan du? Behin saiatu naiz "LIP_eu-ES-64bit.mlc" deskargatzen baina ez du errekonozitzen.

Gainera, hurrengo mezua azaltzen da Microsoft webgunean: "Ireki Kontrol-panela , hautatu Sistema eta segurtasuna eta, gero, Cifrado de unidad BitLocker. Hautatu Suspender protección ".

Begiratu dudan ordenagailuan ez dago "Cifrado de unidad BitLocker" delakoa.

Lagundu mesedez!!!!!!!!!

Erantzun (klik zabaltzeko)

Publizitatea

 Nabigatu euskaraz