Itzuli orri nagusira Bidali hau

Bukatu da Lost telesaila (SPOILER! SPOILER!)

© cc-by-sa  Mikel Lizarralde ¦ 2010-05-24 ¦ 08:22 ¦ telebista

Gaur goizaldean bukatu da Lost telesaila. AEBetan emititzeaz gain munduko hainbat herrialdetan ere bota dute une berean. Hego Euskal Herrian Cuatro kateak eman du jatorrizko bertsioan, gaztelerazko azpitituluekin. Dezentezko polemika egongo da gainera, zenbait minutu jan baitituzte.

Kontuz, Spoilerrak! ez irakurri hemendik aurrera bukaera ikusi nahi baduzu!

Publizitatea

Eta guztiak hilda zeuden. Sei denboraldiren ostean, gidoilariek era errazenean itxi nahi izan dituzte zabaldutako galdera denak: guztiak hilda zeuden. Besterik ez. Ehun eta piku kapitulu guztia hildako baten ametsa zela esateko. Bukaera errazenaren alde egin dutela dirudi, galdera guztiak ezin zituztelako erantzun edota ateak irekita uzteko bide berriei, auskalo. Nik neuk nahiago nukeen bukaera zehatzago bat. Bidea politagoa izan da helmuga baino.

Lost sailaren inguruan

Lagun baten gomendioari esker hasi nintzen orain urte batzuk Lost telesaila ikusten. Ordurako bazeramatzan pare bat denboraldi telebistan, baina ez zitzaidan parean tokatu, eta parean ez dagoena ezin ikusi. Lehen kapituluak jaitsi internetetik, gustura ikusi, eta gehiagoren bila jo nuen.

Istorioa arraroa baina erakargarria da, laburtu edo azaltzeko zaila. Ondorengo bideo honetan lehen 3 denboraldiak lau minutuan pilatzeko saiakera egin zuten:

Kontsumitzaile aktiboak

Hari korapilatsu honetan aurrera egiteko nahiak ikusle pasibo izatetik kontsumitzaile aktibo bilakatzera eraman ditu Lost-eko jarraitzaileak. AEBn emititu eta berehala kapituluak sarean eskuratu ahal genituen jatorrizko bertsioan ingelesezko edota gaztelerazko azpitituluekin.

Lost ez da historiara pasako izan duen telebista-audientzia dela eta. TVEn hasi ziren botatzen, gero Cuatro kateak erosi zuen, baina hainbat aldiz aldatu dute emisio eguna eta ordua (audientzia baxuaren albisteak: bat , bi eta hiru ). Ezagutzen dudan jende gehienak internet bidez jarraitu du telesaila, horra hor telebistan izandako audientzia exkaxaren arrazoietako bat.

Kontsumitzaileok nahi dugun unean eta nahi dugun bezala ikusi nahi dugu telebista, eta aukera hori geroz eta eskurago daukagu interneti esker.

Erantzunak

#1. Re: Bukatu da Lost telesaila (SPOILER! SPOILER!)

Ekhi ¦ 2010-05-24 ¦ 09:09

Benetan uste duzu denak hilda zeudela? Denak hilda bai, baina ez dakigu NOIZ! denborak ez dauka zer ikusirik!

baina gauza bat egia da: FIASKO bat izan da... Bidea askoz politagoa da helmuga baino; horretan arrazoi osoa duzu!

#2. Re: Bukatu da Lost telesaila (SPOILER! SPOILER!)

Koldotxu ¦ 2010-05-24 ¦ 09:09

(Kontuz, Spoilerrak!)

Nik beste era batean interpretatu dut. Hilda daudenak soilik flashside-koak ziren (gehienko lerro denboral alternabio baten moduan interpretatu genuena), gainontzekoa, irlan gertatu dena, benetakoa izan da. Irla magiko bat, bere gauzekin, azalpenik behar ez duena ze, tira, fantasiaren partea hori da: ez dala dena azaldu behar.

Maisulana iruditu zait, bukaera bikaina. Eta hori Losti klasiko bat ez naizela.

Nire kronikatxoa bukaerari buruz webgunean idatzi dut

Ondo segi.

#3. SPOILER = amaiera zapuztu

Sustatu ¦ 2010-05-24 ¦ 09:30

Baten batek ez bazuen terminoa ezagutzea... zera da spoilerra, intriga duen zerbaiten amaiera zapuzten duen mezua.

Zuzen jokatzeko modua izaten da, halako bat eman behar duzunean, mezuaren edo izenburuaren hasieran abisu ematea, argi eta garbi, SPOILER idatzita adibidez Mikel Lizarraldek albiste honetan eman duen bezala, jarraitu nahi ez duenak ez dezan jarraitu.

#4. Eta Cuatroş?

erral ¦ 2010-05-24 ¦ 09:31

Eta Cuatroş-k "jan" omen dituen minutuei buruz zer diozue? Niri arraroa egin zait bat-batean Jack eta bereak Lock-ekin ikusteak... tarte horretan jan omen ditu Cuatroşk 10 bat minutu...

#5. Re: Bukatu da Lost telesaila (SPOILER! SPOILER!)

Mikel Lizarralde ¦ 2010-05-24 ¦ 12:57

Nik neuk ez dakit maisulantzat jo daitekeen azken kapitulu hau. Bukaera hotza iruditu zait, errazegia. Lehenago ikusia izanaren sentsazioa. Lost-ek zerbait bazeukan originaltasuna zen, halakorik behin ere ikusi ez izana.

Hori bai, txapela kentzekoa da azken kapituluaren kontura sarean sortzen ari den zalaparta eta telesailari doan egiten ari zaion komunikazio kanpaina. Aldeko zein kontrakoak, gidoiaren hariaz teorizatzen dutenak, ... eta guztia gure parte-hartzearekin. Begira artikulu hau , 165 iruzkin lau ordu exkaxean.

#6. Re: Bukatu da Lost telesaila (SPOILER! SPOILER!)

ekhi ¦ 2010-05-24 ¦ 16:41

Mikel, pasatu dozun artikulua, oso ona da! eta arrazoi (ia) osoa dakala esango neuke.

Eskerrik asko!

#7. Re: Bukatu da Lost telesaila (SPOILER! SPOILER!)

indezent ¦ 2010-05-25 ¦ 18:08

Egia esan nahiko erreta nago dagoeneko LOSTen amaierarekin sartzen eta sartzen ari direnekin. are gehioago, bukaera ulertu ez badute Mikel..

Hasieratik jarraitu dut LOST eta amaiera gustatu zait. Egia da pertsonaien korapiloak azaltzearen apostua egin dutela mitologia azaltzearen ordez baina niri, gustatu zait.

6x15 atalean (across the sea) argi eta garbi geratu zen ez zigutela irla zer zen azaldu behar eta egia esan, jakin beharrik ba al dugu? Amaiera ikusi eta ongi mastikatu ondoren konturatu naiz geratzen zaikidan zalantzak ni neu erantzuteko gai naizela eta berdin gertatzen zaie nire ingurukoei. Galdera bakarra dago rantzun ezin dudana: Nondik atera da irla? Baina beno, azkenean berdina gertatzen zait gure mundu honekin... Ez gaitezen "abariziosoegiak" izan.

Berriz errepikatzen dut. Niri gustatu zait, asko gainera! eta inoizko telesail hoberenari amaiera ederra eman diotenaren sentsazioa dut. Jacob eta AntiJacoben amak esan zuen bezala, erantzunek galdera berrietara besterik ez garamatzate.

Erabat ados nago gainera "El Piloto Automatiko" blogeko artikuluarekin eta berak ongi azaltzen duen bezala, ez zeuden hilda. Azken denboraldiko linea paraleloan besterik ez daude hilda egunen batean denak hilko direlako. Orain arteko guztia egia zen, beraien bizia zen eta hiltzen joan diren neurrian bizi paralelo horretan bildu dira bizi horretan, ez dagoelako non-ik ez ta noiz-ik ere.

Jacken aitak esandakoa entzun bazenu zu ere konturatuko zinateke horretaz Mikel. Agur bero bat!

#8. Lost: mitologia ala pertsonaiak

Sustatu ¦ 2010-05-26 ¦ 08:24

Mitologia ala pertsonaiak? Gako horien inguruan, AEBetatik analisi interesgarri bat Blas Uberuagaren eskutik.

#9. Re: Bukatu da Lost telesaila (SPOILER! SPOILER!)

Mikel Lizarralde ¦ 2010-05-26 ¦ 13:05

@indezent

Bukaera ulertzen dut, batez ere Piloto Automatikoko artikulua irakurri ostean. Hala ere, horrek ez du zerikusirik bukaera gustuko izatearekin. Batak ez du bestea kentzen.

Artikuluan nioena berresten dut, bidea politagoa izan da bukaera baino. Eta ez naiz bakarra, bestela ez litzateke horrelako zalaparta sortuko sarean.

Zure iritzia ulertzen dut, nire lagun batzuei ere gustatu zaie bukaera. Normala, zenbat buru hainbat aburu. Orain badaukagu aitzakia bat gehiago koadrilan sesioan aritzeko.

#10. Re: Bukatu da Lost telesaila (SPOILER! SPOILER!)

indezent ¦ 2010-05-26 ¦ 16:08

Hori onartzen dizut Mikel. Gustatu ez bazaizu ados, baina ulertuta beti ere eta zure artikuluan ez du hori jartzen.

Asko erre nau atzo egunkari zein telebistetan irakurri, entzun eta ikusi dudanarekin. Adibide Ester Requenak DVn idatzitakoa lotsagarria iruditu zitzaidan "estaban todos muertos" eta Cuatroko matinalekoa... surrealista: http://www.youtube.com/watch?v=RZmiL25mBXM

Baditut lagunak bukaera gustoko izan ez dutenak baina guztiek lehenengoan arrapatu dute. Gauzak horrela, galdera bat sortzen zait. Bukaera ulertu ez eta artikuluak idatzi eta idatzi eta zentzurik gabe hizketan ari diren guzti horiek jarraitu al dute LOST benetan? Ez dut uste.

LOSTez hitz egitea tokatzen da eta listo beste batean FMIaz edo aldaketa klimatikoaz hitz egitea tokatuko den bezala. Zer egingo ote digute ekonomiaz ari direnean...

LOSTen inguruan, artikulu hau bidali berri didate eta erabat ados nago. Ni ere sentsazio berdinekin geratu naiz.

PD: Berriz errepikatuko dut: Niri ASKO GUSTATU ZAIT!!! jajaja
Agur bero bat!

Erantzun (klik zabaltzeko)

Publizitatea

 Nabigatu euskaraz