Interneteko albistegia

Tantanez tantan Eibarren euskaraz bizi!

© cc-by-sa Eibarko euskalgintza ¦ 2010-05-21 ¦ 10:32 ¦ hizkuntza

Bihar ospatuko da Eibarren 2. urtez euskararen aldeko giza katea. Urkuzuko itturrian Gantxila urez beteko du Mogel Ikastolako kide batek eta eskuz esku Untzagara helduko da Egunkariko langile batek hartzeko. Herri guztia gonbidatuta dago ekintza parte hartzaile honetan batzera.

Publizitatea

Tantanez tantan, Eibarren euskaraz bizi!

Orain dela 2 urte Gantxillaren ekimena egin genuen, Tantanez tantan Eibarren euskaraz blai lemapean. Herrian euskararen olatua Urkuzutik Untzagaraino eramatea lortu genuen zuei esker.

Hainbat izan dira Eibarko euskalgintzak azkeneko urteetan egindako ekimenak (Egunkariaren aldeko mobilizazioak, Korrika...), eta gure kaleak jendez betez erakutsi dugu eibartarrok euskaraz bizitzeko dugun gogoa. Hala ere, oraindik, asko dugu egiteko gure herria euskalduntzeko.

Eibarren euskaraz bizitzeko euskal komunitatea osatzen dugunok herri euskalduna berreraiki behar dugu. Eta soilik gure esku ez badago ere, bide hau guztion artean egin behar dugu, eta horretarako ekimen parte-hartzaileak dira tresna nagusia.

Argazkiak.org | Tantanez tantan 2010 © cc-by-sa: sustatu

Beraz, batu gaitezen guztiok, euskalgintza, ikastetxe, herriko kirol talde, musikari, artista zein beste erakunde eta norbanako, ume, gazte, guraso, heldu, nagusi... eta egin dezagun bidea! Aurten ere, maiatzaren 22an 13:00etan, Gantxilla Urkuzutik Untzagara eskuz esku eramanez, eta tantanez tantan, euskaraz bizi nahi dugula aldarrikatzeko aukera izango dugu.

Kaleratu dezagun berriz ere euskaraz bizitzeko dugun gogoa!

tantanez.jpg 110KB (113187 byte)

Erantzunak

#1. Espaloira baztertuta euskara, erdigunea izan gabe.

leire narbaiza ¦ 2010-05-23 ¦ 00:24

Bigarren ekitaldi honek bazeukan osagai guztiak arrakastatsua izateko: "aurreko esperientzia":http://eibar.org/blogak/leire/archive/2008/05/25/gantzilla, jendearen gogoa, eguraldi zoragarria...
Hara non, ez genuen espero oztopoa gure polizia munizipaletik etorriko zenik. Ez dira agertu. Beraz, errepidea ezin izan da moztu eta gantxilak eskurik esku, espaloitik joan behar izan da!
Gantxilaren ekintza oso sinbolikua da: ura elkarri pasatu, eskuz esku, iturri batetik herriaren zentrura. Metafora ikaragarria. Hara non, udalak bere utzikeriarekin, metafora biribildu duen, errepide erdia okupatu beharrean, espaloian, askoz era ezkutuagoan egin behar izan dugun. Metafora tristea: euskarak Eibarren ezin du erdia okupatu, baztertu egiten dute oztopoek. Tristea, baina egia da.