Europako finantza mapa, Espainia = Grezia

#1. Funtzionarioen soldaten %5eko jaitsiera Espainian

Sustatu ¦ 2010-05-12 ¦ 10:02

Espainiako Administrazio zentraleko funtzionarioen soldaten %5eko jaitsiera iragarri du Jose Luis Rodriguez Zapaterok gaur goizean Madrilgo kongresuan. Eta shock egoerako beste hainbat neurri ere bai.

Albistea jakin dugu Elik aurkitutako mapa honena argitaratu eta minutu pare batera. Horregatik, Espainia eta Greziaren parekotasunarekin jarraitzea erabaki dugu, izenburuan detaile bat gehituta.

Hona Moncloatik banatu duten neurrien laburpena:

#2. Re: Europako finantza mapa, Espainia = Grezia

Unai ¦ 2010-05-12 ¦ 10:08

Uste dut irudi hori Publicoren marrazkilari batek asmatu zuela. Gero Strange Maps blog ezagunean agertu zen.

#3. Re: Europako finantza mapa, Espainia = Grezia

Luistxo ¦ 2010-05-12 ¦ 10:39

Bart gauez Obamak deitu omen zion Zapaterori, zer edo zer agindu behar zuela...

Gaur goizean goiz, BBCko albistegia ikusten armozau dut. Titularrak ordena honetan abiatu dituzte.

1. Bart, akordioa egin eta ordu gutxira, David Cameron Downing Street-eko 10.era iristen.
2. Nick Clegg liberala, lehen ministro orde izango dela.
3. Gordon Brown? Ez. Ez da izan Gordon Brown: Zapatero azaldu da hirugarren albistean, Espainiako defizit ikaragarria hala edo hola murrizteko zerbait iragarri beharko zuela gaur Kongresuan, ze bestela Europa larri geratu behar da.

Batetik pentsarazi dit, Joxe Aranzabali gero Twitterren irakurri diodan bezala, politika ganorazko langintza bat dela Londresen.

Eta bestetik, Espainia eta Zapaterorena ilun, oso ilun dagoela.

#4. Meme berria: #tijeretazo

Sustatu ¦ 2010-05-12 ¦ 10:55

Meme berri bat piztu da gaur goizean Twitterren: #tijeretazo.

Zapaterok iragarritakoaz aparte, jendeak proposatzen dituen gastu publikoen murrizketak dira.

#5. Politikoak "arazo" dira herritarrentzat

asier ¦ 2010-05-12 ¦ 12:01

Aste honetan kaleratu dira Espainiako azkenengo CIS barometroaren datuak (apirilekoak). Espainiako hiru arazorik larrienak zerrendatzeko orduan, 3 hauek aukeratu dituzte herritarrek:

1. - Langabezia
2. - Egoera ekonomikoa
3. - Klase politikoa

Beste arazo batzuk ere agertzen dira, jakina (terrorismoa, etxebizitza, hezkuntza, justizia...), baina horiek baino larriagoa da herritarrentzat Espainiako klase politikoaren maila negargarria.

Hau da, politikoak "arazo" dira Espainian, eta ez egoera konpontzeko irtenbidea. Argigarria.

#6. Re: Funtzionarioen soldaten %5eko jaitsiera

Sustatu ¦ 2010-05-12 ¦ 12:40

Ignacio Escolarrek zera dio bere blogean:

Me cuenta una diputada socialista desde el Congreso que afectará a todas las administraciones públicas, no sólo a los que dependen del Gobierno central: también bajarán los sueldos de todos los trabajadores de las empresas públicas, y también a los funcionarios que dependan de autonomías y ayuntamientos.

Alegia, funtzionarioen soldataren murrizketa ez dela bakarrik Estatuko administrazio zentralean izango, baita udal funtzionarioen, enpresa publikoen eta erkidego autonomikoen kasuan.

#7. eta gu...

Mitxelena ¦ 2010-05-12 ¦ 19:01

Europa hain gaizki eta gu Veleiaz diskutitzen...

#8. Re: Europako finantza mapa, Espainia = Grezia

Andoni ¦ 2010-05-12 ¦ 19:02

Ez dugu besterik merezi !!.
Guri kendu bankuei emateko. Aski garbi dago.
Ta ipurdia garbitzen sistemari segiko dugu.

Ez dugu besterik merezi.

#9. Re: Europako finantza mapa, Espainia = Grezia

Andoni ¦ 2010-05-12 ¦ 19:08

Ja ja ja.
Egia egia, Europa eta Espainia hain gaizki eta gu Veleiaz diskutitzen.

Krisia, oh, ah !!.
Eskerrak gure Julio Nuñez eta bere goi-jakitunak bi soldata txit ederrak jasoko dituzten: bata UPVko goi-irakaslea izateagatik, eta bestea Veleia-berriko goi-arduradunak.

Hori da, hori da...Beste bat, beste bat.