Euskararen aldeko mezuaren truke, Foru Aldundiak 1.2 milioi Realari

#1. Re: Euskararen aldeko mezuaren truke, Foru Aldundiak 1.2 milioi Realari

Luistxo Fernandez ¦ 2010-04-23 ¦ 12:59

Lotsagarria iruditzen zait erakunde publikoek kirolaren inguruko batzuetan denon dirua gastatzeko duten joera hau. Soldata miliotsuak ordainduta zorrak handitu besterik ez egiten ez dakiten enpresak, batzuetan; eta beste batzuetan harrokeria propioa (eta beste babesle batzuena) handitzera datozen izarrak.

Euskararen aitzakiarekin orain, gainera, baieztatzen bada notizia. Lagun bati irakurri diot: "Eta gainera diru hori hizkuntza politika bezala kontatuko dute!"

#2. Re: Euskararen aldeko mezuaren truke, Foru Aldundiak 1.2 milioi Realari

Iñigo ¦ 2010-04-23 ¦ 13:19

Ni ez naiz hasiko kirolari gutxi batzuen soldata milonarioak defendatzen, baina gauza bakoitza bere lekuan jarri behar dela uste dut. Duela horrenbeste ez zela, Reala ia desagertzear ere egon zen. Horrek Gipuzkoari, oro har, ez lioke abantaila handirik ekarriko enpresa garrantzitsu bat pikutara joateaz gain, hainbat gipuzkoarron bihotzeko taldea galduko bailitzateke. Geroztik, klubaren austeritate politikarekin batera, instituzioen laguntza jaso du eta egun, lehen mailaren atarian dago.
Nire ustez, egokia da Gipuzkoako Foru Aldundiak emango dion laguntza-patrozinio hau. Enpresa garrantzitsu bati laguntzeaz gain, euskararen aldeko leloa Bernabeu, Calderón, Sanchez Pizjuan eta antzeko lekuetara eramango du. Hori ere txarra da?

#3. Re: Euskararen aldeko mezuaren truke, Foru Aldundiak 1.2 milioi Realari

Josu Mendicute ¦ 2010-04-23 ¦ 13:36

Uste dut Real Sociedad de Fútbol, S.A.D. enpresa garrantzitsua dela Gipuzkoan, bere inguruan mugitzen den ekonomia guztia dela-eta. Horrarte ados, Iñigo.

Baina enpresa bat garrantzitsu izateak ez du esan nahi arriskuan dagoen bakoitzean erakunde publikoek atzetik joan behar dutenik dirua ematen. Laguntza miserableekin beste talde batzuek ikasi dute bere ipurdia salbatzen, eta Errealak ere ikasi beharko luke.

"Gipuzkoa euskararekin bat" Bernabeun erakustea ona dela????????????? Zergatik?? Nik ez diot inongo zentzurik ikusten. Euskarari zein mesede egiten dio, ba? Euskara gehiago mintzatuko dugu honi esker? Euskara hobeto ikusiko dute Euskal Herritik kanpo, honi esker?

Susmoa dut, Oier Araolazaren tuit horren ildotik hizkuntza politika bezala egingo dutela inbertsioa, eta hori horrela balitz lotsagarria litzateke zentzu guztietan. Izatekotan, elite-kiroletarako duten dirutik izan beharko litzateke patrozinio hau. Eta hala ere gutxienez eztabaidagarria irudituko litzaidake dirutza hori ematea.

#4. Euskara eta Reala

Mikel Lizarralde ¦ 2010-04-27 ¦ 16:57

DVk gaur atera du Soy de la Real sare soziala, guztia gazteleraz. Beraien produktu gehienak horrela direnez, ezin ezer esan. Baina Realaren webgunean sartu eta ia dena primeran dago euskaraz, hori bai azken albisteetatik gehienak gazteleraz daude. Horretaz gain, denda online (sic) gazteleraz soilik dago, bi detaile euskaraz (edo igual ez dut hizkuntza aldaketa aurkitu).

Gipuzkoar guztion dirutza horri esker euskarazko bertsioa hobetzea espero dut.

#5. Re: Euskararen aldeko mezuaren truke, Foru Aldundiak 1.2 milioi Realari

Joseba ¦ 2010-04-27 ¦ 21:03

ia guriak egin du.

horrelako berri bat eta lau erantzun baino ez ditu piztu.

azkenetan gaude, azkenetan gaudenez.

Nabarra Bizkaian egitea absurdoa dela esan duenak, zer esan dezake Reala eta euskara uztartzeko plan(?) honi buruz?

#6. Re: Euskararen aldeko mezuaren truke, Foru Aldundiak 1.2 milioi Realari

Aitor ¦ 2010-04-28 ¦ 07:23

Ez al lukete hobe talde horretako kirolari eta agintariei euskaraz ikasteko konpromisoa har araztea? 1,2 milioi horiek gastatzeko modu asko bururatzen zaizkit hizkuntz politikan, baina propaganda horretan xahutzea Errealaren zuloak tapatu eta gainera kutsu sasi kulturala emateko ahalegina besterik ez zait iruditzen.

Euskararekin bat. Ederki. Betidanik pentsatu dut zergatik ez ote duten kirolari euskal hiztunek prentsaurrean euskaraz soilik hitz egiten. Leloarekin jarrera hori etorriko litzateke bat, ezta? Gure gaztetxoentzat eredu ederra litzateke. Nire aldetik gonbitea egina dago: parean duzuen medioa izanda ere, egizue euskara hutsean. Ala "Gipuzkoa Euskararekin bat" propaganda daraman klubak bere irudia dela eta ez dizue hori egiten utziko?

#7. Re: Euskararen aldeko mezuaren truke, Foru Aldundiak 1.2 milioi Realari

Sustatu ¦ 2010-04-28 ¦ 12:38

Zutabea idatzi zuen honetaz Berrian Anjel Lertxundik, eta blogean gehitutako post-scriptumean ere jo zuen gero.

...eta kalkulatzen hasi nintzen euskararen hainbat alorretako panorama zenbat alda litekeen diru erreal horrekin… Kalkulu guzti-guztiek Realeko elastikoetako aldarriak baino gehiago ematen zidaten.

Bitartean, joan den astean egunkari batek zabaldutako albiste honek ez du beste berrespen edo ezeztapinik izan guk dakigula, ez prentsan, ez Realaren aldetik, ezta Foru Aldunditik ere.

#8. Re: Euskararen aldeko mezuaren truke, Foru Aldundiak 1.2 milioi Realari

JJ ¦ 2010-05-05 ¦ 09:06

Iruditzen zait ez dela euskararen aldeko kanpaina, Diputazioaren aldekoa baizik, eta helburu nagusia Realaren zorra estaltzen laguntzea dela, euskararen aitzakian.
Iruditzen zait euskararen aldeko kanpaina izan balitz, aukeratutako lelo zozoa baino hoberik erabiliko zutela eta logoan Diputazioa ez litzatekeela nagusi agertuko, bigarren planoan baizik.
Iruditzen zait, Realak euskarari lehentasuna eman diezaion hitzarmena egin balute, horrek bai, horrek lagunduko lukeela euskara. Asko gainera.
Hizkuntzalari prestu batek oraintsu adierazi bezala, euskara, politika legetxe, garrantzitsuegia da politikarien esku uzteko.

#9. Re: Euskararen aldeko mezuaren truke, Foru Aldundiak 1.2 milioi Realari

Eskubaloia ¦ 2010-05-06 ¦ 12:52

Aitorrek aipatzen du jokalariek prentsaurrekoak euskaraz soilik eman beharko lituzketela. Neurri praktiko bikaina.
Nik dakidala, Xabier Mikel Errekondok Bidasoako jokalari zela erabaki hori hartu zuen eta aurrera eraman. Zenbait mediok ez zioten elkarrizketarik egiten eta izandako zailtasunak ez zituen txikiak izan.
Horrelako eredu praktiko gehiago behar ditugu!

#10. Re: Euskararen aldeko mezuaren truke, Foru Aldundiak 1.2 milioi Realari

JJ ¦ 2010-05-06 ¦ 16:15

Bejondeiola Errekondori!
Horretaz ari ote zen Patxi Lopez "el euskera en libertad" erditu zuen hartan?