Itzuli orri nagusira Bidali hau

Ahoratu Euskara Ere kanpaina

© cc-by-sa  Sustatu ¦ 2010-04-08 ¦ 16:09 ¦ marketina

Euskal Herriko Itzuliaren zuzeneko errentransmisioetan Ahoratu Euskara Ere kanpaina berri batek duen garrantziaz konturatu gara. Bai telebistarako egin den iruditerian, zein probako publizitate agerikoan (antolatzaileek eskertuko zuten) presentzia handia du kanpainak.


EITB erakunde publikoaren artxiboetatik moztua

Publizitatea

Baina sarean ez dugu kanpainaren aipurik aurkitu Euskadi.net-en edo HPSren webgunean.

Ahoratu aditza (ahora ekarri) eta tipografian bi kolore erabilita, gaztelaniazko *Ahora tú* esamoldea nahasten ditu leloak. Edo hori iruditu zaigu.

ahoratu.jpg 17KB (18316 byte)

Erantzunak

#1. Re: Ahoratu Euskara Ere kanpaina

joseba ¦ 2010-04-09 ¦ 08:28

euskara eta gaztelania biak ongi nahasi ditu, bederen, publizitatearen egileak.

Kaiku eztabaidan asko kritikatu zen hura behintzat ez da oraingoan gertatu: (er)respetaTU euskara ere !

#2. Re: Ahoratu Euskara Ere kanpaina

Ukan birusa ¦ 2010-04-09 ¦ 09:18

Ba oker ez banago aurten ere elebakarra da Itzuli...,barkatu, Vuelta al Pais Vascoren webgune ofiziala.

Aurreko urteetan euskararen birus bezala babesle izan nintzen baina ez dirudi antolatzaileak kutsatu direnik, ezta gobernu honi ez aurrekoari gehiegi axola zaionik horrenbeste dirurekin laguntzen duen antolatzaile pribatuak webgunea euskaraz ez edukitzea.

#3. Re: Ahoratu Euskara Ere kanpaina

Sustatu ¦ 2010-04-09 ¦ 09:54

Egia da bai. Vocento taldeko egunkari batek antolatutako Itzuli honen webgunea gaztelania hutsez dago.

Jaurlaritzako agintaldea EAJ eta EAk osatzen zuten garaietan ere, HPSren aurreko kanpaina batzuek ere inbertitu izan dute dirua honetan. Adibidez, iazko argazki sorta honetan ikusten da Pixka Bat Es Mucho kanpaina izan zen zela antolakuntzaren euskarri publizitario handietako bat.

Erantzun (klik zabaltzeko)

Publizitatea

 Nabigatu euskaraz